سبع قصائد لمجارات السبع الفرائد بين خالد الفيصل وسعيد بن ذياب العمري

القصيده رقم ((1))

الى منه جفاك اللي توده=ولاتدري وش اللي عنك صده
تجرع مالح العبرات واصبر=ترى كثر الشكاوي ما ترده
والى من الليالي عوّدت به=تغانم كل فايت واسترده
حذار تنشغل بعتاب خلك=ترى كثر العتب يمحي الموده
ليالي العمر لحظات قصيره=وما ودعت منها لا تعده
تنهض مثل صقر مد شوفه=غداة الصبح روحه مستهده
اذا حوّل على جول الحباري=تولى خربها وان رطار رده
ترى الرجّال يثبت للشدايد=اذا ما هدها ولاّ تهده
يقول اللى زمان الشوم حدّه=على عسف المنى وانباح سدّه
ركيت لحمله الجاير متوني=ولكنه هزم حيلي وهدّه
يوديني لمطلوبي رزاله=وقبل آصله عن وصلي يحدّه
خذا من كنت أعده راس مالي=ويغؤيني عبث بانه يردّه
مثل من فلّ عالشاطي همومه=يراعي البحر في جزره ومدّه
أجد ولها على حسن النوايا=وما عدّا فدا للي نودّه
ترى طيب الفتى طيبة فعاله=وطيب آبوه واخواله وجدّه
اذا لمّت به صلوف الليالي=يشد حبالها ولاّ تشدّه

مرحبا بك يا عمرو بن حجر

وشكرا لك على ما نقلت

وصراحه احترت بين الأفضل القصيدة أو ردها

تحياتي لك

القصيدة رقم ((2))

كلما اشتدت يزومون الرجال=والسعودي دايم رجالها
ما تزعزعنا تقارير ومقال=أمة تاريخها بافعالها
المشاكل لو تجي كبر الجبال=ما نجنبها نزيد اقبالها
دار يا دارنا دونك عيال=نردع المغرور من عيالها
نلطم العايل اذا أشتد النزال=كفنا نعدل به جهالها
ما يهيبنا الخطر ولامحال=المعارك ذار عين أطوالها
كل مانلناه من صعب المنال=ما هو الابسملة أبطالها
والأمل تطلب براعمنا الكمال=كل يوم يرفعون آمالها
والشباب المستنير بكل حال=المراجل والمعارف نالها
نذكر الافعال ما نرسم خيال=بالحقايق دقها واجلالها
أنظروا يمين والتفتوا شمال=وقارنوا بلادنا بامثالها
عزنا بالدين من رب الجلال=والعروبه حارسين جالها
كلما أشتدت لنا حظ وفال=نحتسب ويحلها حلالها
وان غدا حال من الدنيا بحال=ما تعرقلنا الفتن وحبالها
نكسب الطولات باليمن الطوال=والثقايل مالها الآ جمالها
من ديار الشمس من شم الجبال=من صحا صيح الذهب ورمالها
ترتفع لاصوات عز وابتهال=الله أكبر صيحة موالها
يطوي العادي كما طيّ الحبال=والصدى من كل ريع قالها
قالها اللي ما ارتدى ليس الخمال=الاّ عين أبليس خلّ خلالها
فهد ونايبه ميال العقال=أشهد انهم حرزها وعقالها
يا بن فيصل قل لبو فيصل مقال=واش ترانا لاشتغل زرفالها
يوم لسيوف الوفا ندب وظلال=موكبه يختال بين ظلالها
ما تميت أفراحنا سودالليال=نشعل الفرحه بسود اليالها
لبسنا النور وتحيتنا جلال=فرحنا رسم ابتسام أطفالها

اشكرك من القلب

عمر على جهودك

لإثراء المنتدى

بتلك الروائع

تقبل تحياتي لك

اخوك المسكت

تحياتى لك عمرو بنى حجر
ويسلم الشاعر بن ذ ياب الذى برده يرفع روس بنى عمرو والى الامام يارب
التطور والرقى لشعار بنى عمرو فى جميع المحافل
اطيب التمنيات لكم بالتوفيق

سيف الساهر ;tr5s4)

أشكر للأخ عمر بن حجر على اهتمامه بمثل هذا النوع من التراث الذي وصل به الشاعر الكبير سعيد بن ذياب إلى هذه المكانه وأشكر للشاعر سعيد شجاعته على الرد على أحد فطاحل الشعر الشعبي بالمملكة بل قل والخليج وللمعلومية للشاعر سعيد مرادات مع بن مكتوم وغيره من الشعراء وفي مثل هذه القصائد يبرز قيمة منتدى بني عمرو ودمتم سالمين

القصيدة رقم (( 3 ))

أنا فيني من الايام جرحين على الخفاق=من الاقصين جرح وجرح من ربعي الادنيني
أقوم بجرح لكن ثاني الجرحين ساق وعاق=مشى سمه مع عرقي ويبست منه كفيني
يولعني وهج ناره وفي فكري كما البراق=عواصيف تودعني وعاصوف يلاقيني
مثل ريشة نقلها ريح مع شوك وفي مضياق=يمزع شوكها جنبي وبالرجلين داميني
ألمها جض به قلبي ودخّن بالصدر حراق=تفجر كنه البركان في سمعي وفي عيني
يعاقبني زماني يوم صدري بالعنا ما ضاق=أشيل الحمل ما تعبت من الوعرات رجليني
أعرف انه قدر عمري واعرف ان الزمن سراق=وهذا ما كتبه الله وأنا المكتوب يرضيني
سلامة قلبك اللي دايم لأعلى العلا تواق=عسى العلات ما ترقى لقلب يعشق الزين
يابو بندر مقادير الزمان ورميها الفتاق=ترى ما يلتقيها الاّ كريم وبن كريمين
اذا جاته عطاها الصدر لاشردة ولا مدراق=وعسّفها وروضها الين تحن وتلين
عسى جرح نوى قلبك يجيني واله مشتاق=ولو جاني المدواي يسعفك قبل يداويني
أنا أدري كيف لايثار وشموخ النفس والخفاق=وصبر عالجروح اللي حسامي شجّها فيني
يميني تقطع شمالي كلام حبل ماينطاق=وأبتّ اصبع يميني لو تفكر دقها عيني
فصبر أيوب يا خالد ووسع خاطر منضاق=ترى سيرتك يالطييّب تدرّس بالدواويني
وانا والله مجروح جروح غايرات عماق=ياليت جروح خفّاقي على جرح وجرحين

[poet font="Simplified Arabic,4,black,normal,normal" bkcolor="transparent" bkimage="backgrounds/11.gif" border="none,4,gray" type=0 line=200% align=center use=ex length=0 char="" num="0,black" filter=""]
القصيدة رقم (( 4 ))
أيــــــــــش الهـــوى
لخالـــــــــد الفيصل
ليه سموه الهوى يااهل الهوى=أي معنى فيه من كلمة هوى
هو براد الصبح أو نسمة مسا=أو هو العاصفوف بالصيف ألتوى
أو هو من الورد مرسول الشذا=أو هو اللي لو لمس ورد ذوى
أو هو اللي ناعم فوق الخدود=أو هو اللي لو ضرب صخر استوى
أو هو اللي رد تغريد الطيور=أو هو اللجلاج من ذيب عوى
أو هو اللي يصعد بعالي السما=أو هو اللي من سما العالم هوى
أو هو اللي دل من قلب فطين=أو هو اللي كل قلب به غوى
أو هو اللي ماله الوان وشكل=أو هو اللي من جميع أمر حوى
خبروني يا خبيرين الهوى=الهوى صدق او كلام في الهوى

رد الشاعر سعيد بن ذياب
من شرب من صفو لايام وروى=حق له يكتب ويروي ماروى
الهوى نسمة وعاصوف وبراد=والهوى صفحة كتاب وانطوى
الهوى ونه وعبرات جرت=والهوى هجر الحبايب والنوى
والهوى احساس بان المستحيل=في وصول المستهام لما نوى
الهوى ميّاسة الغصن الطري=والهوى بالعود لازرق لانكوى
الهوى للي تعداه الزمن=والهوى لذعة بنيران الجوى
والهوى للي هوى تحت الهوى=والهوى للصقر سبح ومنخوى
والهوى ياسيدي ومضة أمل=في فؤادما نفع فيه الدوى
والهوى يادايم السيف الهوى=الهوى غلاب ولاّ ايش الهوى

[/poet]

[poet font="Simplified Arabic,4,black,normal,normal" bkcolor="transparent" bkimage="backgrounds/8.gif" border="outset,4,gray" type=0 line=200% align=center use=ex length=0 char="" num="0,black" filter=""]
القصيدة (( 5 ))
ساعات العمــــــــــر
لخالـــد الـــفــيــصل
ليت عقل العود في سن الشباب=وحكمة الستين في عشرينها
كان ماجر القدم درب العذاب=وانتهزت ظروفها في حينها
وكان ما ضاعت دقايقها هباب=وكل لحظه أستغل سنينها
كم تركت من الفرص واقفلت باب=بعتها واهل الفرص شارينها
وان نصخني ناصح أحسب حساب=قلت يمدي تونا بادينها
العمر باول زمانه لاتهاب=والليالي طوال يا سارينها
ما هقيت ان الزمن مثل السراب=والليالي خيبت راجينها
أثر ساعات العمر مثل السحاب=بالظلام تمر مادري وينها
ويل من هماته صعود الهضاب=ترجمه ربحنها بايدينها
وحظ من هماته يحوش التراب=يبشر بكثر الذهب في طينها
وكل قصر له أساس وسقف وباب=يحكمون أركانها بانيبها
والصيانه للقصر ولاّ للخراب=أفطنوا للدار ياحا مينها

رد الشاعر سعيد بن ذياب
يا عقيد القوم جعلك ما تصاب=لا ولا تجرحك لمحة عينها
قلت ليت وليت ليت الكيف طاب=قبل تحدانا السنين يشينها
ليت لو نفتح لها سبعين باب=فالزمن بالقلب دقّ اسفينها
قلتها مرّه ولكن بن ذياب=قالها ميتين في ميتينها
من هنا الاّ من هنا واخلى الزهاب=وارتخت بندقه ونياشينها
ليتنا خذنا النصايح مالشباب=فرصة في حينها يا زينها
كان فوّتنا على العين السراب=واختلصنا مالليالي دينها
لكن النعره وشمخات الشباب=تحسب أيام العمر بيدينها
فان حصل وان شع بلليل الشهاب=فالضيا والنور صحوة دينها
يوم أشوف المقبلات من الصعاب=وين بيضضان الوجيه ووينها
أبجديات الوفا رووس الحراب=والسوالف مجد يا مروينها
كان ما انت بذيب تاكلك الذياب=والشعوب تعزّ بسلاطينها

[/poet]

[poet font="Simplified Arabic,4,black,normal,normal" bkcolor="transparent" bkimage="backgrounds/5.gif" border="outset,4,gray" type=0 line=200% align=center use=ex length=0 char="" num="0,black" filter=""]
القصيد رقم (( 6 ))
أجمــــل العــشــق
لخــالــد الفــيــصل
المهل ساعة عسى البسمة تدوم=ضامي للحب من يومك أصوم
بلل القاع اليباس الميته=احيها من ديم هتان الغيوم
اقرب آضمك بجنحان الهوى=أقرب آرّويك رقصات النجوم
وخلني آلفك بطيف الشعاع=فوق مزن بالهوى دايم تحوم
ألمس بكفك مواجيع الهوى=واطرد من القلب وخزات الهموم
بيني وبينك من العشق أجمله=أطعم واشهى من طيوف الحلوم
استضافتنا الليالي العاشقه=اشعل الضيان واصحى لاتنوم
لا تفوت فرحة العمر القصير=الغثا متوفر في كل يوم

رد سعيد بن ذياب
جيت وانا أصيح واتعثر واقوم=شارد للبرد من لفح السموم
بين هلعات الرجا شوقي سرى=آتخفّى عارف ان الياس قوم
لين يادوبي على اطراف الهنا=وارتميت بداخله كني أعوم
عجل آجي لك وعجل تنتحي=عقب هالمشوار ياحلو الرسوم
المهل لا بارك الله بالعجل=خلني في مهمه اللقيا أحوم
افرد شراع الرضا من حولنا=لك لزوم بي وانا لي بك لزوم
أشربك من كاس ودّ مترعه=واقطعك ورد وعناقيد وكروم
قال يا طماع قلت انا حليل=طمعتي ساعة رضا في وقت شوم
شف ولد فيصل شرى سهوم العلا=وله في لامجاد تسعين ألف سوم
[/poet]

مرحبا بك يا عمرو بن حجر

وشكرا لك على ما نقلت

وصراحه احترت بين الأفضل القصيدة أو ردها

الله يعطيك الصحه والعافيه .
تحياتي لك
اخوك رعد الجنوب

الله يعطيك العافية يا عمرو على هذه المختارات الرائعة 000

والشاعر سعيد بن ذياب شاعر رائع وكبير ويستحق الثناء والمتابعة لروائعه

تعليق
أقول أحسنت يا عمرو بن حجر على هذه القصائد الرائعة وصح لسان الأمير الشاعر خالد الفيصل وصح لسان الشاعر سعيد بن ذياب والله يعطيه الصحة والعافية وقدها وقدود يا أبا ذياب أما أميرنا الشاعر خالد الفيصل فهو أكبرمما نقول وأقول له سلمت يا رائد مؤسسة الفكر العربي وعسى أن تعود أمتنا العربية والإسلامية إلى سابق عهدها الرائع الفكري والحضاري على يديك وسلمت لنا يا أبا بندر وتقبلوا تحيات أبو نايف

الله يعطيك العافيه يا عمرو بن حجر ...

واشكرك على طرحك الجميل ...

تقبل خالص تحياتي ..
والسلاام عليكم ...

مشكور اخوي على هذا النوع من المشاركات المفيده واتمنى منك المزيد