|| ...واقول :للشباك مشتاق له حيل .... ويصد عني يقول : للحين تبغيه ؟!! ...||

بسم الله الرحمن الرحيم


مساء الخير لجميع الأعضاء ..


وهذه مما راق لي ..




تشرغ ضلوعي كل ما جن هالليل
.................واربت على كتف انتظاري و اواسيه



واقول :للشباك مشتاق له حيل
.................والريح تصرخ: بس.. لا عاد تطريه!!



واتوسل الجدارن وازفر من الويل
.................واجيب دمعاتي وآهي مشاريه



وابرك بوجه الباب وحروفي تسيل
.................ويصد عني يقول : للحين تبغيه ؟!!



ما رق لي في غيبتك غير منديل
.................جبته معي من ديرتك لجل اشاكيه



بثيت له حزن انتظاري مواويل
.................كنت انشقه.. واتنفسه...احسبك فيه



الصدر جذع اشواق وغيابك ازميل
.................وانته!! تخيّل شنحفر في خوافيه !!



كم يوم مر وما بقي بخافقي حيل؟!
.................ذبت انتظار وما اذبحتني سوى: ليه ؟!!




عديت فوق اسبوع والحزن اكليل
.................ولو مت!!.. وعدك لي.. لْمنهو توفـّيه ؟!