محاورة بين الشاعر الغيث والشاعر علي ابن حمري

اسعد الله جميع اوقاتكم بالخير والمسرات محاورة بين الشاعر الغيث والشاعر علي ابن حمري
اتمنى ان تحوز على اعجابكم

الــــــغــــــيــــــث

يا سـلام الله سـلامٍ مـا نـدوّر غيـره =
يا ابن حمري سيرتك بين الاوادم سيـره=

عــلــي ابــــن حــمـــري

مرحبـا ونلحّـق التهليـلـه التكبـيـره =
منت بلحالك تقوله كل مـن فـى الديـره=

الــــــغــــــيــــــث

كل ما قلتـه دبـل وثـري وبالتسفيـره =
التغطـرس والتكبّـر بـيـنٍ تاثـيـره =

عــلــي ابــــن حــمـــري

كل شاعر حر في بيتـه وفـي تفسيـره=
لايخيّرك القشر فى الجـرف والدحديـره =

الــــــغــــــيــــــث

لا تنرفز كل ما قلت انْـك ولـد منيـره =
كل رجل يهز راسـه والزمـان يديـره =

عــلــي ابــــن الـحـمــري

كان ماعنـدك صبـر دفّيتـك بتصبيـره =
حط تحتك خط وأرسم حولـك الدويـره =

الــــــغــــــيــــــث

ابن حمري يا جماعه قصـدر القصديـره =
غير انا اسمي ماهو بتهميش والا عيـره =

عــلــي ابــــن الـحـمــري

مانـذوق الخمـر ولا لحمـة الخنزيـره =
أبن حمري صعب وأكبر منك عمر وسيره=

الــــــغــــــيــــــث

كل رجلٍ هاجسه يطغـى علـى تفكيـره =
اثر ابن برمان ما جاب اجلـه الا طيـره =

!

عــلــي ابــــن الـحـمــري

لو ذبحنا الغيث ماتلزم علينـا الجيـره=
انت ماكلك الحسد واعمت نظرك الغيره=

منقـــــــــــــــــــــول

الغراني

الله يعطيــــك العافيه

محاورة رائـعـه وقويـــه
بين شعراء لا يقلون قوة عن هذه المحاورة

تقبل خالص الود

عوافي يا الغراني

أزداد موقع المحاورة جمالاً وبهاء بهذه المشاركة

الرائعة ... سبحان الله دائماً تنفرد بمثل هذه الروائع

فلك الشكر على ما نقلت

حياك الله يا الغراني الوف مولفه............

محاوره و لا اروع من شعار اكثر روعه.............

لا تحرمنا من تواجدك معنا طااااااااااااال عمرك................

بيت القصيد

سيف العرب
الله يعطيك الف عافيه

لاهنت على المرور
فالك الطيب

مشكور يالغراني على المحاورة الجميلة والتي اطربتنا بها

تحياتي اخوك العزابي

من أعماقي أشكرك أخي الغراني على هذا النقل المتميز.
على فكرة ترانا منتظرين الشاص اللي بالوكالة .
تقبل تحياتي .