وين شعار المحاوره...!

البدع

يامن بدعتوا بلا معنى(ن) وكاد

الخيل ياكم تلافح بالكعوب

عيّشتكم في غموم وفي هموم

من يوم هبتوا جمادى في رجب

ذوقوا رهيف السيوف الصيرمه

( الرد )=
نستقبل الوافي ابعودٍ وكاد=
اسلومنا يا بني عمرو الكعوب=
ونقدّر الغمر لا منّه هموم=
و نجبّ راع الردى والشرّ جبّ=
ألين ما نهلكه ويصير مه *=

ويصير مه = يصير ماء

البدع
شاعر ولك خبرة في الاقتصاد
لكن وضعك قريب من النفاد
واصبحت بين الشعاعير امعطوب
ماتنفعك سيرتك في الاب توب
يامن سعيت ومع العالم تحوم
قسمي ثمين ٍ مع كل القسوم
في الهند مثلك وشرواك انحجب
ابيع واشريك مثل الخادمه

الرد
الصقر مايحن صيده وقت صاد
والسم في مخلبه لكن فاد
يامن بنيت بصليات امع طوب
لا شفت جور الزمن غلاب توب
كم واحد م العرب كبده تحوم
لكن ياسعيد مافي الحق سوم
ان كان تبغى الولاء بالمنح جب
راعي الوفاء عادتي ما اصخا دمه

يعني بصراحة حتى ولو زعل الواحد ،
لا ينزّل معانيه ويحشي قصايده أهم شيء عنده ( السب ) !!!
علامة استفهام لمشرف القسم ؟

ابلعن ابو القرايب والبعاد
من عقب ما ساد عبد(ن) في تشاد
أحسبه وقت(ن) مضى رفس(ن) ضروب
اثره عناق(ن) مع المعزا حلوب
هذا لمن ِيندر اسمه لا يلوم
دامه طمى بالمعاني وامهزوم
ياكم شرينا عبيدن في سرُب
والا انت أعدّك مثيل النادمه

الرد=
الشعر ما ينحدر للسبّ عاد!!=
والله لا به تشيد و لا تشاد=
حتى لو ابدعت في كل الضروب=
اتلوبك المعمية و النوح لوب=
والارض لا من قست ما احدٍ يلوم*=
حتى تزين و تلين امن الهزوم=
وليس ينفع طرادٍ في سرُب=
حيثٍ نفسك وراها نادمه=

يلوم = يحرث باللومه ,,

أخواني الشعراء أتمنى أن لا يتعدى الكلام حدود المألوف
كما أتمنى أن تبقون كما عهدناكم راقين ومبدعين

لا لا ما فيه زعل ولا شي....
واللي يزعل يشرب ماء ..
وماله داعي تكلم المشرف ...لكن انت ودك تجيب عذر عشان نقفل الموضوع ..لكن بكيفك تبغى تقفل.. قل انسحب وانتهينا...!

اسمع
خسيت في لحيتك يا احمد نجاد
ما ينفعك لا جيوش ولا عتاد
وش حيلتك وانت بعدك دوب دوب
لا ضعت بين المناحي والشعوب
يامن تمشيت في بيض الهدوم
ما فادتك دام قلبك فيه شوم
والسيف لا ما شهرته وانتصب
ما تنفعك هدنة ٍوامسالمه

الرد
يامن تدور المعونة والنجاد
ابشر بمن في رجا العليا عتاد
ماهو نحيفٍ ولاهو دوبدوب
رجمٍ طويل ينحي ع الشعوب
والحر يلجا لمن جمله دوم
مايطل نظره بنارٍ في هشوم
ويصب زين المعاني وانت صب
حذرا تعود مثيل امسالمه*
----مسيلمه--

البدع :

الله يلعنك يا " عزة رشاد "
النار ما خلّفت غير الرماد

واللي رمى مثلنا يلقى النصوب

وصوت النشازه تذرّيه الهبوب
راعيه ماهو من رجال البقوم

وان جيت تعطيه حصلته لقوم

كم خنجر(ن) لو نصابه من خشب

شفته يهمّل زرار امحازمه

الرد=
يا ناس يا اهل الشعر وين الرشاد=
اشوف راع الردى والشرّ ماد =
والكذب وسعّ نطاقه والنصوب=
ما كنّ للخير دربٍ واله بوب=
مجهول بمعرّفه و يهبّ قوم=
للمنحية هو لنا و لا لقوم=
باسمه يعرّف وارى انّه منخشب=
قبلٍ يجي الضرب تحت امحازمه=

اسمع
مسكين يامن جهل درب الرشاد
سمعتك معروفة وسط البلاد
وش حيلتك يالمنافق والكذوب
ما غير كسب المشاره والذنوب
بافرض عليك الضرايب والرسوم
والحقك باللي سبقك امن الرخوم..؟
شفتوا وشفنا العجايب والعجب
والناس في غربله وامخاصمه

الرد
ياللي طرشت الحيا للبر شاد
سايف مع اهل الوفاء خل البلاد
لاتذوب لا شفت لك في الشك ذوب
ماعاد تقدر تفرّع م الذنوب
تنساق خلف الكتابة والرسوم
غرتك طول المباني والرخوم
ما تشوف روس المعاني والعجب*
والناس بمزايدة وامخاصمة

البدع :

المعركة بالعـداد وبالعتـاد
ما هي بهزل القوافي والهداد
تدري ترى الناس غاصب وامغصوب
مثلك وشرواك في الدنيا ينوب
من عـزّ يلقى حصاده كوم كوم
واللي كما البوم حوّم لا يحوم
كم ناجح(ن) مثلنا ما قد رسب
يشطب ملفاتكم بـمْراسمه

أعتذر عن التأخير لظروف الإجازة ,,

الرد=
من ضيّع العقل ما يفيد العتاد=
ما عاد يبني ويبشر بالهداد=
ثوبه بصوبٍ ويرمي الشُّمْغَ صوب=
البيّنة في الشمال و هو ينوب=
كم غربلتْه الحوادث واللكوم=
ألين ما كبْده و راسه يحوم=
و اللي نزل قلتنا فورا رسب=
ما تنفّعه بهرجه و مراسمه=