معاناة زوج مدرسة..و..معاناة زوجتة مدرس

معاناة زوج مدرسة..

جاني يسابق خطوتة يوم جاني
موعد زواجة حددة رابع العيد

مدرسة وابنة فلان الفلاني
فيها جمال الوجة والروح والجيد

من بعد ذا هذا حصاد الأماني
ماكان حلم صار واقع وتاكيد

ابله خذيت ابله وربي بلاني
وغديت انا مقرود ضمن المقاريد

اكنس المنزل واغسل الصياني
غصب علي لوبه علينا مناقيد

واحيان تنهرني وتمسك اذاني
صارت اذاني للحبيبة مجاويد

وغديت له سايق بحلقي عناني
قامت تقودني مع السوق تقويد

يطبخ غدانا مطعم التركماني
اما العشة فشفاش جملة وتفريد


- - - - -

معاناة زوجة مدرس

بديت بذكر الله نزيه لساني
عن قولة البهتان وسب الاجاويد

يامحسن الضبعان شعرك لفاني
بمدرسات كالرسايل بالتماجيد

رسالة التعليم واجب دعاني
اخدم بلادي وانشر العلم وافيد

ياكم رجال ياخذ حساني
تكد على بيتة عنود من الغيد

من راتبة تعطي اجار المباني
ومصروفة الشخصي بطيب وتهديد

يشكي لها محتاج والعمر فاني
وانت السند يابنت مالي مسانيد

يقول يم فلان حظي عصاني
عن المواجيب ضايع خالي الأيد

للوالدة لزوم نعطي عشاني
بعض الدراهم زايدة كسوة العيد

الخادمة تدفع معاشاة زماني
ولياخذا منها فلابه مناقيد

ودار الزمان وضاع كل التفاني
جاب العروس وقال شور الصناديد

ان جازلك يابنت شوفي وعاني
حسرات جمرات للروح وللروح تزهيد

هذا جوابي واضح بالمعاني
ببعض الرجال الي سفيه ورعديد

وصلوا على محمد وريث الجناني
عديد رمل بالصحاري ورا البيد


- - - - -

المحاورة المرحة بين عبدالمحسن الضبعان ((حائل)) و شيهانة الجبلين ((حائل))..

واعدي ابكي دمت فنيال ام اسدر

شــكــراً عــلى مــرورك ريــا نــة الــعـــود

مشــــــــــكور يابن ظاااافر

غير ذا يلقى موظفة والا تي تلقى موظف فتحمد ربي ترى ماعاد به وظاااااااااااائف

انشالله لو بواب اهم شي متوظف بلا دلع

شــكــراً عــلى الــمــرور أبــوهــا يــشــتــرط الــراتــب ]]]مـــثــل زمـــيــلــي وفــوقــهــا
الــشــغــا لــه والــســواق /400/ شــهــريــاً