مجاراة بين سعيد مقب والرادار

سعيد بن مقبل

يدفعني التيار بجهود وأعود
ادفع بشوق من حشا القلب ساري

غايب ولو اني مع الناس موجود
وأدله مع الوحده وهب الذواري

أصبر واجامل وقت ن وحض مقرود
وطبعه يبدد حسرتي وانكساري

من شان من بيني وبينه كم عهود
وأهل الحسد أكبر سبب في انهياري

درب ألاماني ألاولي اليوم مسدود
راح الحبيب ومابقى لي طواري

أصد عنها وأتبع انسايم النود
واطرب لها لا كوسرن القماري

اسري مع نغمة صدى صوت مفقود
واصبح على صحرى الخيال القفاري

وين انت ياللي للبها قد وقدود
ياللي علي من البلاوي تداري

وقتي مع الهوجاس طارد ومطرود
ومن الندم تصفق يميني يساري


الرادار

يامرحبا ترحيب ماهوب محدود
من شاعر يعرف ذياب الغداري

عد المطر واعداد مادنت ارعود
واعداد ما حرف يترجمة قاري

باللي بعد يبذل في الحب مجهود
لأنه على صكات الأحباب ضاري

مايدري ان جدر المحبين مهدود
ولا درى اني عن سواياه داري

لكن يصبر والله يعوض ويجود
قدام يصدر له قرار وزاري

ويحل حبل قدله اسنين معقود
ويلد نظره صوب صيد البراري

وان كان يدري انه من الناس محسود
مافيه حي من الخطيات باري

والا من اقفا راح ماعنه منشود
طرده تعيب في رمال الصحاري

لكن قسمه يابن الاجواد في السود
لأنه معرض حالتك لاستشاري

وختامها مقصود خافي ومردود
يوم المثايل بين بايع وشاري

الردار ..
بصراحة لا البدع ولا الرد ..
كلاهما في القمة رغم طول القصيدة إلاّ أن الترابط والوزن وكل معاني الجودة حاصلة ..
كل شئ مثالي ورائع وفي قمة الذوق ..
أستمتعت بقرائتها كثيراً ..
فصح الله لسانك ولسان سعيد بن مقبل وفالكم الطيب دائماً ..
كل التقدير ..

مشكور شــاعرنا الرادار

البدع ,, روعووة والـــرد اروووع
حفظكما الله شاعرينا وبيض الله وجهيكما
استمتعنا كثيرا هنا ,,,

دمتما ,, لا عدمنا الابداع
كل التقدير

صالح لسانك ولسان ابو مقبل ,,,

شعار كبار ,,, ونصوص ترتقي الى سماء الذائقه

تحياتي

تبارك الرحمن الله يعطيكم العافية جميع