المركــاز

يوه يوه يوه ..... يا روايا هنيه ما أحلاها

الله يسعدكم ....... والله ما عاد أسير منيه ولا أدري مذا في المنتدا

سعادة المهندس اسعد الله قلبك وروحك

وكل من شارك في هذا المركاز

استمتعت كثيراً بما وجدت

وضحكت من اعماق قلبي على الكثير من القصص

وآخرها لقطة الباكستاني ......

موضوع راقي يدل على فكر راقي

ولي عودة إن شاء الله قريب بأحدى

قصص أو مواقف الديرة التي لا تنسى

اشكرك من الأعماق والشكر موصول لكل

من شارك في هذا الموضوع الرائع ....

تقبلوا ودي وفائق الاحترام .....

الله يسعدكم ويجعل ايامكم كلها خير وسعادة
استمتعت كثيرا بهذه القصص الرائعة والتواجد الراقي
اعجبني الاخ بترول خاصة انه ختم القصة بنصيحة وفائدة عظيمة
اما قصة مديرنا الغالي فهي فعلا من واقع الحياة القديمة وفيها
تصوير جميل لمعاناة الاجداد رحمهم الله ونحمد الله على مانحن فيه من النعم
بس مدري ليه الرجال يقول ( ادول لهم ) شكلة ما ينطق حرف الراء
حبيبنا المحترف ,, الحمد لله على السلامة طمّنا كيف الوالد ؟
اسأل الله ان يرفع عنه ويعافيه ويرزقكم البر به
ننتظر مشاركاتكم غالينا

المشكلة احيانا اذا كبرت الشكالة
والتي تسمى اليوم بالمهايطة وسابقا بالعفقة
وهذه قصة توضح نتائجها الشينة

قبل اشهر كنا في حفل زواج في احدى القاعات
بعد انتهاء الحفلة بقينا مجموعة بالقاعة نسولف ومعنا رجل متقاعد
دار الحديث حول الفرق بين الاحتفالات زمان واليوم



يقول كان بيننا وبين القرية اللي جنبنا مجاكرة
كلٍ يقول اني ابو فعالة يعني ( الافضل ) < كانت موجودة الى قريب !
كتب الله ان فيه واحد من ذيكـ القرية خطب بنت واحد من قريتنا ويوم الزواج كانوا يستعدون بكل شيء
للاستعراض والعرضة وكنا نستعد لهم بالكرامة والترحيب < اكثرها مقايرة !
وكان المدقال في الصباح مو مثل اليوم بالعصر او بالليل
يجيون الصباح وبعد الغداء ياخذون العروس
وعلى بيت المعرس .. المهـــــم ..


يقول جو من بدري وهاتكـ يا ضرب بالبندق وصوت
والشعر مدح وفخر وعلوم وبدوا بالحفلة في واحدة من البلاد
رحبنا بهم مع شيخنا ويوم شافهم بو العروس واجد قال للجماعة الحقوني
وطلب ثور واحد منهم بقيمته خوف لا ينقص الغداء جابوا الثور يلازمونه ملازمة عشان يذبحونه
افتك من بين يديهم ام انشب قرونه في بطن بو العروس واضربه اليرين الى هو من صيد امس
وش العلم وش الدبرة الرجال مات !! قالوا لا تفشلونا قدام العدو !!!
هبوه في الحصن حتى يروحون وبعدها ندفنه < شوفوا الظلم !

الضيوف يعرضون في المحضرة
والمفروض حسب العادة راع الشان مع الشيخ يطلقون المعراض بعد ساعة
ويقلطهم البيت لكن وين المضيف ؟ في الحصن ,راح فيها < الله المستعان
والشيخ ارتبكـ وضاعت علومه . ارتبك الباقين ونسوا يطلقون العرضة
والضيوف من العناد باقي يدبكون


يقول من كثر الاجهاد ومن حر الشمس اغمي على ثلاثة من العرّاضة
وخوفا من شرهة العرب شلوهم وودوهم بيت عجوز تقرب لهم في اسفل القرية
يقول والله ما فكهم الا اذان الظهر , خلف ما عادوا يبصرون الطريق صلوا وراحوا بيت معزبهم
وقام شيخهم وتكلم .. قال اخطيتوا فينا وفكركم انا او نحسر من العرضة والله لوما خوف ربي وصلاة الظهر
انا ما نطلق الى مغرب ولكن ترونا نطلبكم حق فهذي ما هي من عاداتنا لاحــن ولا انتــــوا
كان معنا ثلاثة مرضان اصروا على المشاركة شيمة منكم اتعبتوهم وسمعنا بعد صلاة الظهر
ان واحد منهم مات في اسفل المنزل وتروه بحلوقكم ولا بنسامحكم فيه مرة اشتوروا وردوا بنا
قام شايب في طرف المجلس وقال اما المرضان فودي انكم خليتوهم في بيوتهم
يموتون بين عولهم ولا تحذفونا بهم في الاسلام ان كان مات مريضكم بسببنا
فتروا مضيفكم مات بسببكم جاء وده يذبح لكم الثور فنطحه ولجي زقفة
هيا امّا انتوا فتغدوا وخذوا العروس والمرضان وميتكم والله يساعدكم
واما حن او نعدي ندفن رفيقنا والله يرحمه




سألنا الرجل اللي يسولف علينا وش الفائدة من القصة
قال باختصـــاااار ,, شوفوا نتائج المهايطة
فوق كل قوي اقوى منه ووراء كل غني اغنى منه
القوة لله وهو الغني الحميد



القصة لا تعني انتقاص من جيل معين او فئة بعينها
فقد يكون مبالغ فيها او غير صحيحة , لنعتبرها مجرد سالفة
والمهم الفائدة وكلام المتحدث في الاخير
وسلامتكم

الله يسعدكم

يقول احدهم كنت شابا يافعا ورحت مع الجماعة لسوق الربوع يقول :
مرينا باحدى القرى واذا فيها عزاء على ميت .
قالوا لازم نعزي وبعدين نتسوق .
قالوا انت يالشاب خذ الحمير اكرمكم الله وقدم بها او نلحقك حوالي عشرة من الحمير .

يقول العزاء داخل ساحة لها بابين من الشرق والغرب .

الجماعة او يدخلون من الشرقي وانا عديت بالحمير من مسراب تحت الساحه .
يقول خلتني الحمير وانطلقت ودخلت مع الباب الغربي وشقي صفوف اهل العزاء من الخلف وانا وراها واقابل الجماعة عادوا او يسلمون واركبيهم يالحمير واخرجي مع الشرقي وانا وراها وادخلي مع الغربي وهم يسلمون .

يقول والله ما عاد قالوا فيها كلمة ان عودوا يطردون الحمير معي والناس ماتوا من الضحك .
ويوم تعدينا المنزل فتعال لي ضرب ما انساه يقلون تفشلنا يافشلان .

اسأل الله ان يغفر لي ولكم ولصاحب القصة فهو رجل معروف بنكته ولازال على قيد الحياة .

السلام عليكم ورحمة الله

لاحظت امرا قد يكون فيه نوعا من الخطورة في مجتمعا

وخطورته تعود على صاحبة وعلى غيره في اغلب الاحيان
هذه الظاهرة هي (التواصل من اجل المصلحة ) وقد اصحبت
منتشرة هذه الايام وبكثرة .
ابو فهد من الجماعة موظف في المكان الفلاني لازم نسلم ونرحب ونعزم
ليش فيه معاملة بسيطة عند فلان وهو يمون عليه ويقدر يمشينا .. انتهت المعاملة .. انتهت العلاقة !!

المهندس ضابط في المكان الفلاني وولدنا انقبل عندهم سلام وكلام وعزايم
حتى خلص الولد الدورة العسكرية وتعين في خشمٍ ما
انتهت العلاقة ولا كنهم يعرفونه لا من الوالد ولا من الولد

ابو ريان معلم في مدرسة ال فلان والولد في الثانوي تكفى يا بو ريان الولد يبغى نسبة طيبة علشان يلقى وظيفة او ينقبل
في الجامعة ..

النماذج الثلاثة : لا نقول انهم يخالفون القانون ولا يفضلون احد على الثاني ولكن بصفة تواجدهم هناك
طلب منهم الامر سواء قدموا ام لم يقدموا ..

هل هذه الصفة ما يطلق عليها النفاق الاجتماعي
ام التواصل المصلحي

بل التواصل المصلحي من باب :

صلى المصلي لأمر كان يطلبه ******* لما انتهى الامر لاصلى ولاصام .

أسعد الله أوقاتكم بكل خير
قال الشاعر
يا صاحبي حال العرب والمسلمين

لامن سألته كيف الحال قال هاه

الوضع مزري والبلاء إنا عارفين

وش ترتجي والناس ضيعت ....والصلاة


والله القصص واجد بس شفت المدراء ذا اليوم نطوا على أجهزتهم يا ومتي منكم هههههههههههههههههه
كل شويه يطلع من قترة الجهاز واحد يتبادي ويقول ترى حذفت موضوعك ورده لا تروح أنت وجهازك ههههههههههههه

المهندس الله يباركلك في مركازك وأنا أستأذنك والجميع بس طالبكم القصة تيه وفي أمان الله

القصة قديمه حيث جاء أمر بفتح مدرسه خاصة لتحفيظ القرآن ولكبار السن ومن ممزاتها يستلمون رواتب أخر الشهر من الدولة المهم فيه شخص فرح عند سماع الخبروراح.
قالوا التسجيل أنتهى المخلوق حظه شين دايم والتسجيل عند واحد من ربعه بس ما يبغاه أبدآ رجع وفيه رجل شاف الموقف وأستغله وقاله عندي وانا أدق المزمار
بس هات الدراهم والناس تتحرك قال ما فيه مشجله هههههه قعدبها والمبلغ واجد أكثرمن اللي بيستلمه مسكين بس يبغى يعاند رفيقه ومنهاالرواتب طيبة ذيك الأيام

الحاصل جاء دور الوسيط وقال تكفى يا بو فلان قال تم لو تطلب ولدي هههههه

تمت موافقة المجلس وجاء المجتهد
وفي نفس الوقت ماهو مرتاح من ها اللعبه والطبخه قال في نفسه ليش ما أسأل رفيجي بدافع الإختباروالإهانه سأله قام المسجل وزعل وقال أفى وأنا أبو فلانه ما أرتشي ولا أمد يدي
في الحال راح المجتهد للوسيط وهو زعلان وسأله وعلمه بالحاصل قال الوسيط أنت غبي وما معك من العقل مصه هههههههه
قال المجتهد ليش؟؟؟؟ قال ما فيه أحد يقول أنا مرتشي
قال صح وأبشر بالحق الليله عشاك عندي تعشوا وكلن راح بيته

اليوم الثاني وبعد سماع اللي يسجل بالعشاء
شاف الضحية و في الحال طرده
المجتهد ركب حماره ورجع بيته هههههههههه

راحت الدراهم والخروف


وسلامتكم

مخاوي الصقر

حياكـ اخوي وما أنا الا ضيف هنا !
اتشرف بوجودكـ غالينا وليسـ للمهندســ سوى الترحيب بالجميع
اما العمل الاداري فيبقى للادارة

نورت ويا هلا بكـ وننتظر جديدكـ

سالفة سمعتها من احد كبار السن
قد تكون بين المباح والمحذور لكنها للمسموح اقرب !
لهذا احببت ان اوردها فمنها نقيّـم وضعنا اليوم ومدى تمسكنا بالدين والتقاليد
ساوردها لكم كما هي وإن اختلف الاسلوب فالرواية واحدة
هذا العجوز الوقور تجاوز المئة عام , مبتسم دائما
ورغم علله لا تجده الا ذاكرا مسبّحا
سألته عن احوالهم مع النساء قديما
فكان له الكلام التالي ..

يقول ,, يا ولدي كانت حياتنا غير حياتكم وحيانا خير من حياكم !! كيف ؟؟
قال ,, كل شيء كان معنا وبين ايدينا ولكن مخافة الله كانت بين اعيننا ! بعكس وضعكم اليوم
كنا نمسي مع البنات في البداوة , نرعى الغنم سوى ونبيت احيانا في بيت شعر واحد
بعض الصبايا لا يوجد من اهلها احد لكنها تعتبر الكل اهلها ومحارم لها
طيب ما كان فيه فيه نظرات إعجاب متبادلة ؟ ماكان فيه غمز ولمز ؟
قال وإن حصل فراس مالها وعد بالزواج وغزل عذري
كل هذا يهوووووون !! الشيء الخطير .. يقول :-
كنا احيانا نسبح في الغدران مع البنات !!؟؟!!
يا لطيف ! وبعدين ؟؟ قال يسبحون البنات في طرف الغدير وحن في العميق
طيب ما يتغير فيكم شيء ما تدوخون مثلاً ! قال .. يا ولدي
اذا ما منعنا الخوف من ربي تمنعنا الغيرة والحميّة
هذا جزء من سالفته وجزء من حياتهم سابقا





هنا اقول ..
والله انه الاختبار الحقيقي لمخافة الله وشيّم القبائل
وقد كانوا ناجحين بتقدير امتياز ,, تصوّروا لو يحدث هذا اليوم !
كيف سيكون الحـــال ؟

الله يرحم حيهم وميتهم
ويرحم حالنا




دمتم بمخافة الله سعداء

المهندس ..
أمّا السالفة الأخيرة فلا ظنيت يسلمون أهلها من الحساسيّة
وكان معي قصة وسالفة بس بعد هذي تبت
طبت وطاب حديثك ..

هههههههه أما شباب اليوم بياكلونهم وهم في التلفزيون خل باقي أو يشرّع معهم .... الله يصلح لنا ولكم الذر و الذرية

لكن الحقيقة إن البنات زمان كانت العفة فيهن أكثر بكثير .... والأمل والخير موجود في بناتنا وشبابنا هذه الأيام الله يحفظهم ويسترهم ويستر عليهم

ترقبوا سالفة .... الله يستر مدري كيف بأقولها ههههههه

الليلة باعطيكم سالفة من البادية
وبعدها الدور عليكم تسولفون وتروا الدعوى سمرة
يعني ( روايا ) بسـ في الأخير اكيد نطلع بفائدة
ومنكم نستفيد فلا تبخلوا علينا
احلى العلوم سوالف الديرة !


يقولون - والمصدر مجهول - بس سمعتها من واحد
كان فيه واحد يجي بارانب كبااااار ! ومن كثرها يضيّع احياناً
اذا انقطعت السالفة نسي وش كان يقول << من كبرها اكيــد !!
كان يسولف على ناس في مجلس وبدأ بارنب طويلة وسمينة
في عرض مايقول ..
يقول طلعت يوم(ن) للبرية بجيب ( في اكس آر ) ودي اوسع خاطري واخذ بي الهاجوس
وقطعت البرّان وفجأة والا الذيب قدامي ! يقول وانا اطرده بالسيارة وراه وراه يروح يمين وراه
يلف يسار وراه ,, يمين يسار .. وهو يسولف .. دخل واحد المجلس وهو يقطع السالفة
المهم سلم عليهم الرجال وجلس !! قال واحد من الجالسين
اسلم يا بوفلان كمّل الله لا يهينكـ


قال وين وصلنا ؟؟
قالوا .. تقول يمين ويسار , قال ايه ايه ..
يقول شوي والا السيارة ( تتعتع ) انتهى البنزين ولا ودي يفوت الذيب
قال وانا انزل عليه قد تعب الذيب وانا نشيط ووراه رجليه وطردي طردي ! ويدخل واحد عليهم
سلام كيف الحال ويجلس !! ويقوم واحد يقول له
اسلم يا بو فلان كمّل طال عمركـ

قال وين وصلنا ؟ قالوا ,,
تقول طردي طردي ورى الذيب . قال اييييه وانا امسكه
واقلبه ومعي سكين صغيرة وانا انشبها في حلقه وانحره هم اضربّه على كتفي
رجل من هنا ورجل من هنا ويشّر على كتوفه . فجأة ويدخل عليهم ضيف
سلم الضيف وجلس قالوا كمل يا بو فلان سالفتكـ والرجال شكله ضيّع أم السالفة


قال وين وصلنا ؟
قالوا تقول رجل من هنا ورجل من هنا !
قال .. كيف ؟ قالوا هذا علمكـ آخر شيء تقول رجل منا ورجل منا
قال في ليل والا في نهار ؟ قالوا والله ما ندري انت راع السالفة
الرجال نسي سالفة الذيب وشكل عنده سوالف وارانب واجد
قال يا الربع ودكم اعطيكم غيرها ؟ << راح تفكيره بعيد
قالوا الله يدلّكـ بس ودنا نعرف آخر قصتك مع الذيب !!
قال ايه ايه ايه الذيب ؟ قالوا ايه !قال ايييييييييييييه
الذيييييب وانا ارميه واركب السيارة وارجع ونسي انه خلص البنزين
قال .. احسبها سالفة ثانية واستحيت اكملها لكم



يا شين الارانب الكبار تخرّع !

مو مهم .. الحاصل
بعض الارانب الصغار حلوة
بس الكبار ما تنبلع وخاصة اذا الواحد بدأ يفصّلها
واحيانا تنفلت من بين ايديه ولا عاد يلحقها ويتورط
ما علينا يقولون اكذب الشعر اعذبه او العكس
وعلى قولة اهل الديرة ( روايا في فيايا )

ها اقعدوا في الستيرة
والسرى عند بو ريان وبو سيف
والله الله في روايا الديرة تكفون
(عسيكم بالــ عافية )

يالله يابو ريان ويابو سيف بس تكفون نبغى اصغر من ارانب المهندس تروه يكبرها . ههههههههههه

الله يسعدكم جميع وننتظر ارانبكم على احر من الجمر لأن عندنا بعارين .هههههه

ههههههههه
شوف أنا في الطائف وصعب والله ألقى ارانب تعرف جبال وصعب ألحقها بالجيب

.... لكن عطوني فرصة وأعلمكم