::ظاهرة بنات >وش القصد؟؟!!::

. حركات بنات


انتشرت ظاهرة عمت اغلب البنات خصوصا المدن وتشاهد في ..

بـآلآسواق ...المستشفيات.... الاماكن العــــآآمه ... الجامعات والكليات
.
.
انتشرت موضه او بالاصح حركه تعليقه الجوال

من فوق العبآيه بشكل كبير

حبيت استطلع لنظــــرة الناس سواء شباب او بنات للي تعلق جوآلها

تعتقدون ان المقصود النقآط المذكورهـ ..

1_ يعني اني معها ايفون او بلاك ...

2_شايفه نفسها ترا راس ماله جوووال.

3_وش قصدها يعني بنت عز ...

4_يعني عطني رقم البن حقك تراني عندي بلاك بيري
معقوله هذا القصد !

سؤال للشباب والبنات لما تشوف بنت معلقه جوالها نظرتك
كيف بتكون ؟


انتظر آرائكم بصراحه

أتوقع أن لذلك أسبابا منها :
اتباع الموضة ..
التقلبد الأعمى ...
أما أن القصد أعطني رقم ... إلخ ..فلا أظن أنه السبب في انتشار هذه الظاهرة .. لأن مسألة تبادل الأرقام والتواصل ما بين الشباب والشابات أسهل من ذلك بكثير ... فالنت يسر ذلك بسهولة .. ولا يردع الفتاة إلا الوازع الديني فقط ؛ فكل شيء قريب وسهل الوصول إليه ... لا نقول إلا اللهم سلم سلم ..
شكرا لك ..

مثل الشباب ايام الايركسون يحطونه في المخبى الجانبي معلقه
يعني شوفوني معي جوال

اما البنات ما بعد شفت بنت معلقه جوالها

الشباب ok اشوفهم خصوصا الي يلبسون بدال

اما ترقيم البنات
من جد اسأل فيه بعد باقي شباب يرقمون في الأسوااق

يعطيك العافية يا الغالي

هذا التقليد الإعماء للموضات والتي يصممها للا سف مسلمين شفنا كثير

من الموضات والبعض ممنوع ولكن آخر أليل ما يضر نسال الله ألسلامه

والستر لبناتنا وبنات المسلمين وان يرد كل ضال وضالة

موضة وجزء من الشخصية لا أكثر ..
لا يمكن أن أرى حكماً آخر بهذا الأمر وللرغبات والمزاج دور في تحديد مثل هذا المظهر ..
صحيح بأن البعض ينتقد هذه الطريقة ولا يراها صحيحة ولكن لا يحق له الحكم جزافاً ..
يبقى قول أنه يجب الإهتمام بالموضة وهذا شئ طبيعي ولكن الأهم أن تبقى في حدود مراعاة
الذوق العام وبالعموم مثل هذه الظاهرة تجدها عن المراهقين لإكمال جزء من الشخصية العامة ..
وأرى بأنها حتى وإن وُجدت عن الأكبر سناً فالمهم أنها مجرد تنافس بناتي نسائي أمام بعضهن ..
تقديري ..

القصد أنها موضه لااكثررر ولكن قد تحتم أمور العمل تعليقه لسهولة الرد واحيانا يحدث سرقات وقد لاتكون لأبس لبس. يحوي جيوب جانبيه فتعليقه يكون أفضل حل . وبوجه عام هالحركه مأاحبها لأنها يساء فهمها مهما حسنت النيه .. شكرى لك ياقدير

مريت من هنا قلت اسلم عليكم .
وهذه امور شباب لا اعرف عنها شيء .

يا اخي الكريم لو دققنا في كل شي نشوفه قدامنا ونقول ليه سووا كذا كان صرنا مباحث من كثر الشوفات الغريبه
اللي لابس طاقيه كنها حجاب شغاله واللي لابس بنطلون مو له من كبره واللي لابس ثوب اخوه الصغير من ضيقه واللي لابسه عبايه ماتعرف لها ملامح واللي واللي
موضه والا قناعات شخصيه وكلن بعقله راضي ويشوف نفسه احسن الناس
ما تدري يمكن احد منهم مايشوف انه غلط ويحسب انه هو الوحيد اللي ماشي صح

انا اشوف انها اشياء لاتعني الاصاحبها

يعطيك العافيه.

انا عن نفسي ماعمري شفتها أبد،،
لكن افتكر بالحج وزعوا علينا مثل الشرايط نهايتها مكان لتعليق الجوال وبطاقاتنا بس كنا ندخلها من تحت العبايه مو ظاهره أبد
اما غير كذا فمالها داعي تحطه بالشنطه افضل ،،

ولكم ودي جميعآ،،

وجهة نظر:

هذه حريات شخصية وشكليات لا تقدم ولا تأخر وعوضاً عن ذلك يجب الالتفات لما هو أهم من هذه الشكليات بالنظر في القضايا التي تهم المصلحة العامة والأخطار المحدقة بمجتمعنا من كل حدب وصوب.

حظاً موفقاً للجميع

اما هذي كنها جمس افغاني هههههههههههههههههههه
بالنسبة لهذه الظاهرة فهي مسايرة للموضة ولكنها بايخة
في حق اي بنت تسويها
لأن النظرة بتكون لها مثل اللي تقول هذا الجوال للي يبي يرقم
وندري ان ايامنا هذي الجوال عاد مع اي شخص
وما عاد يبي له دعايات

تحيتي لك

^

هههههههههههههههه

موضوع جميل...
أكتفي بالقراءة



مودتي

ما اعتقد أنها اي وحده من اللي ذكرتها

مع اني ما احبها لكن
انا أحيانا اضطر أشيل جوال او أعلقه اذا صرت مستعجلة او بروح مصلى أصلى فبدل ما أشيل قشي كله أشيل الجوال بس او اذا بروح الممشى او منتزه تعليقه او شيله باليد أسهل
مع اني قد سبق ضيعت لي جهاز جديد بسبب هالحركة بس ماتبت

واللي يقول غزل وترقيم هذا نتاج تفكيره هو واستنتاجه
لأني أشوف حريم كبار يعلقونها هل يعني هذا أنهم سيئات لا طبعا

بارك الله فيك ونفع بك

المقصد من هذه الأمور هي نوع من الظاهرة ظهرت مؤخراً بدون قصد يذكر أو سبب بعينه وإنما هي مجرد أفعال يتم تقليدها

تزول بعد إعادة تفكير الكثير منهم بأنها لا معنى لها

ظهرت قبل فترة النظارات ذات العدسات الواسعة التي لا أكاد أشاهد وجه الطالبة منها وهي يعتقدون أنها موضة مع العلم أنه يقال أنها وضعت أساساً لدول الخارج المقصد منها تغطية النمش في الوجه حتى لايظهر جلياً أمام من حولهم حيث خروجهم الدائم في الشمس بعكسنا فوجدنا الاغلب يطبقها دون أن يعرف الهدف منها وزالت هذه الموضة لأنها كانت منتشرة ومؤقته

فهي صرخات موضة وتقليد لاأكثر تزول من نفسها وتظهر من نفسها حسب تقبل الجيل لها وحسب قناعتهم


تقديري لك

خربطلي
من اجمل الكتاب الذين اقرأ لهم
دائما مواضيع تلامس الواقع ومثيرة احيانا ,, شكرا لكـ ايها القدير
ولكن تراكـ احرجتنا بالسؤال كيف تكون النظرة اذا شفت واحدة معلقة جوال ؟
انا اذا شفت بنت حلوة ما اطالع وين حاطه الجوال اطالع اشياء ثانية امزح امزح مجرد مداعبة !
اعتقد اخي العزيز انها متابعة موضة ليس الا
والنظرة عادية ويا ليت وقفت على الجوال وبس ! فيه علوم كايدة يا خربطلي


تقديري لكـ