زكاة العوال معاكستها زكاة المال ... ابن حمري

صلوعلى النبي





ياربي تسهل الامر وتزيّن ألاحوال
ترانا بلا رحمتك هلّكا ومتهاوين

ولا عندنا غيرك ليا صك جال(ن) جال
ضعوف ألاوادم ياقوي فيك متقوين

أبي رحمتك حي وفي القبر وألاهوال
نهار الحساب مشيّب الرضّع الولّدين

لنا حقوق وعلينا حقوق وماحط يشال
زمان يخلي ضاحكينه من الباكين

ماينزل به الراحل ويرحل به النزال
ومواعيدنا واجالنا كل شي بحين

فياحظ من طابت فعايله والاعمال
وياشين حظ أللي لاوحده ولا ثنتين

هبوب الزمان وكنته والبراد اشكال
تقلب به الدنيا واهلها على الجنبين

ولا اصعب على الصاحيين من كثرة الجهال
ولا اقسى على الجهال من سطوة الصاحيين

عسى الله يصيب مدور الشر بالسلال
وعسانا لاظلاّم ولاحن بمظلومين

ولانطرد المقفي ولانكره الاقبال
ولانخطي اليا صار مانقبل المخطين

لو انهم تناسوا فعلنا مانقص مثقال
من اللي تناسوا جعلهم دايم(ن) ناسيين

ولا تذكرونا غير في حزة الانكال
ليا اشتدت الازمة وخالط صفا الماء طين

نطب الخطر والخوف والموت طب هبال
تقول اننا بمقابل الموت مسترين

بنفنى وتفنى عيالنا بس لانزال
عزاز النفوس اللي على حقنا عيين

على الراس كوفيه ومن فوقها دسمال
ومن فوق دسمالي عقال(ن) يميل يمين

ولو ماتحوش ايماننا مال مانهتال
لو الوقت عاري وجه عشناه مستورين

ابو خمسة لاقل من قيمة ابو ريال
فبو نصف يقدر يقتل احلام بو قرشين

مايوجعك يالسائل سوا جفوة السؤال
ليا صرت تقضي دين ظهرك بمثله دين

ولا فيه بيت(ن) سالم(ن) من بعض الاشكال
وهدّامته قِلّه وبنّايته كثرين

لنا ماضي وحاظر مانبكي على الاطلال
مايبكي على الاطلال ياكود محرومين

لهم ماضي(ن) حلوى لكن حاظر(ن) بطال
وذولا عرب موتى ولو عادهم حيين

تقل العوايد يوم تتعاقب الاجيال
وسلوم الرجال الاوله تتعب التاليين

ولو نبكي اللي راح ياويل حالي وال
بعد روّحوا شيباننا الزُحّل الوافين

موصّيننا بالصدق في القول والافعال
وفي جمعة تهتاب من قوها الطمعين

غدينا شتات وحن عيال(ن) على رجال
رخصنا والاجناب اصبحوا عندنا غاليين

نحب الجمل والحمل ونعذرب الجمال
وهو اللي يقود الزمل من وين اليا لين

من اول يوم إن القل والمال ماينطال
قبل شركة الكهرب تنور بيوت الطين

يوم ان الرفيق اغلى من الروح والمنزال
ويوم ان الرفيق ان غاب نفقده فقد(ن) شين

وذالحين الاخ يقاطع اخوه حيل وحال
ولو حسّته الايام ولاّ غراب البين

اخوي ابن ابوي ان كان مايردع العيال
اليا عال فيني رحت به في ( سند الاثنين )

ابيعه كذا واشرب ورا بيعته فنجال
وانا دون عمري قبل يولد الى ذالحين

جروح العرب تبرى وجرح الاخو قتال
وجرح العرب واحد وجرح الاخو جرحين

ولو يبتلى والله ماخليه لين يهال
علي القبر ولاّ أنتصر له من الغاويين

يقولون جيبك اكبر اخوانك العقال
وانا اقول وقفة الاخ تسوى كنوز الصين

عطاني الزمن كل شي إلا مره واطفال
عسى الله يكمّل زينتي في الحياة امين

لاتحزن ولا تزعل تماسك وهد البال
ترى العاقل اللي يحسب حساب وقته زين

رفيقك تحمل له ثلاث لاشك ثقال
لكن رابعته افطن لها واخذ حق ودين

والاولاد وهبه لاعمام(ن) ولا بخوال
عسى الله يصلح ماعطانا من الجنسين

ياكم بنت هامل جا ولدها بطل الابطال
وكم بنت شيخ(ن) جا ولدها قصير ايدين

زكاة العوال معاكستها زكاة المال
لاطاب إلك واحد فدفن عوالك الباقيين


الشاعر / علي بن حمري

جبرني الوقت
إختيار راائع وبلا شك لشاعر راائع غني عن التعريف
جمل الله حالك يابعدي ولاهنت

اخووك

المشاركة الأصلية كتبت بواسطة المسكت

جبرني الوقت
إختيار راائع وبلا شك لشاعر راائع غني عن التعريف
جمل الله حالك يابعدي ولاهنت

اخووك

المسكت

أشكرك على مرورك ولا عدمناك ..

ووجهك أبيض


تحــــــــيـــــــاتــــــــي

جبرني الوقت..

الله يعطيكـ العافية على انتقائكـ الرائع..

و علي بن حمري شاعر كبير صح الله لسانه وعلا شانه..

كل الود،،

البرنس الجنوبي

جبرني الوقت

صح لسانك ولسان ابن حمري


اختيار اكثر من رائع

اولاً : اللهم صلى على محمد وعلى آله وصحبه اجمعين .


الأخ العزيز : جبرني الوقت .

اهنيئك على هذا الإختيار الموفق
والطرح الذي كان هو الأروع والأجمل.

الشاعر علي بن حمري شاعر كبير
ومتمكن ولا يعرفه الى كبار شرواك.



تقبل فائق تقديري . ودمت بكل الخير .

المشاركة الأصلية كتبت بواسطة البرنس الجنوبي

جبرني الوقت..

الله يعطيكـ العافية على انتقائكـ الرائع..

و علي بن حمري شاعر كبير صح الله لسانه وعلا شانه..

كل الود،،

البرنس الجنوبي

الله يعافيك ... ولا هنت ع المرور


تــــحــــــيـــــــــاتــــــــــي

المشاركة الأصلية كتبت بواسطة آل غيهب

جبرني الوقت

صح لسانك ولسان ابن حمري


اختيار اكثر من رائع

صح بدنك وعلا شانك ولا هنت يا ابيض الوجه ...

تـــــــحـــــــــيـــــــاتـــــــــي

المشاركة الأصلية كتبت بواسطة عمري ولا احد قدي

اولاً : اللهم صلى على محمد وعلى آله وصحبه اجمعين .


الأخ العزيز : جبرني الوقت .

اهنيئك على هذا الإختيار الموفق
والطرح الذي كان هو الأروع والأجمل.

الشاعر علي بن حمري شاعر كبير
ومتمكن ولا يعرفه الى كبار شرواك.



تقبل فائق تقديري . ودمت بكل الخير .

شرواك الطيب ...

ولا هنت يازميلي الله يوفقك وبارك الله فـــيـــك


تحـــــــيـــــــــاتـــــــــي