يوم النوم أم يوم الحوادث !!!

عصر اليوم الخميس ( اليوم الوطني ) لدولتنا أعزها الله حدث لي هذا الموقف فوقت كنت أقف بأحد الإشارات المرورية تفاجأت بسيارات ملونة بألوان جميلة وتسير بموكب رائع وتحمل الأعلام قادمة من الوراء بالنسبة لي وللسيارات الواقفة بالإشارة واللي حدث أن أحدهم أستمر بالمسير حتى أصطدم بسياراتي وأخذ شمعتين في طريقة ووقتها انفعلت بصراحة ونزلت بسرعة ونزل من السيارة المقابلة ثلاثة من الشباب فقلت يا شباب وش هذا الأسلوب ووش هذا التعبير بصراحة شوهتوا اليوم الوطني وهذا اللي نحذر منه دائماً إثنين منهم يتأسفون ويقولون معليش وبسيطة وكذا ، والثالث اللي هو السائق ساكت واخيراً نطق وقال يا اخي انا لم اقصدك قلت ادري بس يهمني تعرفون إن تعبيركم خطأ ويجب أن تتعلموا المعنى الحقيقي لليوم الوطني ففاجأني بسؤال وقال :
أنت وش تعمل وماهي وظيفتك بصراحة بردني شوي وقلت يا اخي تصدمني وتحقق معي قال سؤال وتكفى أجبني قلت ( مدرس ) وش تستفيد قال اهاااااا أنتوا اللي تلاقونها المهم إجازة بمثل هذا اليوم ( مضمونه ) وتقضونه بالنوم
( يالله لا تربح عدوه ) احنا بايش ولاّ بايش والحقيقة ( لحس ) مخي شوي وزاد وقال وش دوركم بمثل هذا اليوم فقلت السبت لنا مع الطلاب كلام بحس آخر غير ما أنتم عليه فقال شف مثل هذا الحادث قد يأتي بوقت غير هذا اليوم فلا تعتبر
التعبير الذي نقوم به مسيئ بقدر ماهو فرحة لأجل الوطن وتعبير عن مشاعر وكل شيئ بيد الله لو حدث مثل ما حدث معك ..
في الأخير قلت له برضه تعبيركم فيه نوع من الفوضى فعليكم بالتروي واحسان الطريقة ..

المهم قلت انتهينا وطلبوا مني أن آمرهم بشيئ فقلت لا سامحهم الله والسلام ..
الحين يا جماعة تشوفون في كلامه صحة وإنه أقنعني ولاّ وش تشوفون بالله ..
كل التقدير ..

ابو ريان
اولا الحمد لله على السلامة ، وشمعتين من السيارة ولا من العمر
انا اشوف ان الرجال
لحس عقلك كما قلت انت
وسلامتك

اولا الحمدلله علي السلامه
ثانيا الموقف مضحك حسيت فعلا ان هذولامستهترين بالقوه يعني تحقيق اوتهرب من الي سوه في السياره ولامدري وش
اقول عنهم عمي مايشوفو الإشاره ولاكيف
المهم انها جات كذا وسليمه ان شاءالله
الله يعينك علي التصليح وبس

سلامات اخوي ابو ريان واجر وعافيه ,, وكويس انها جات على الشمعات
==
الاحتفال بيوم الوطن المعطاء امر محمود ومرغب فيه لكن مو بمثل هذه المواكب الي تسبب زحمه بالشوارع وحوداث
==
الله يهدي العموم
==
سلامات مره ثانيه وتقبل احترامي

المشاركة الأصلية كتبت بواسطة حكيم المنتدى

ابو ريان

اولا الحمد لله على السلامة ، وشمعتين من السيارة ولا من العمر
انا اشوف ان الرجال
لحس عقلك كما قلت انت

وسلامتك

حكيم المنتدى ..
الله يسلمك ويعافيك
بس قسم إني أحس إن في بطنك كلامٍ أقوى من اللي قاله لي
أعرفك ( خبزة ) إيدي ..
هيا فلها وربك يحلها وما توك إلاّ حبيب
تقديري ..

لاتكون الشمعات (زينون) يابو ريان؟!!

أبشر بالعوض من الله يارجال .. وربنا يهدي شبابنا

تحياتي

المشاركة الأصلية كتبت بواسطة بسمة الكون

اولا الحمدلله علي السلامه
ثانيا الموقف مضحك حسيت فعلا ان هذولامستهترين بالقوه يعني تحقيق اوتهرب من الي سوه في السياره ولامدري وش
اقول عنهم عمي مايشوفو الإشاره ولاكيف
المهم انها جات كذا وسليمه ان شاءالله
الله يعينك علي التصليح وبس

بسمة الكون ..
الله يسلمك ويعافيك ..
هو مضحك وغريب في نفس الوقت ولحد الحين ما ني مستوعب ..
بس سيارتي أكبر من الإشارة وما شافوها وش عاد باقي ..
ربك يجيب العواقب سليمة ..
تقديري ..

المشاركة الأصلية كتبت بواسطة لاهووبــ

سلامات اخوي ابو ريان واجر وعافيه ,, وكويس انها جات على الشمعات
==
الاحتفال بيوم الوطن المعطاء امر محمود ومرغوب فيه لكن مو بمثل هذه المواكب الي تسبب زحمه بالشوارع وحوداث
==
الله يهدي العموم
==
سلامات مره ثانيه وتقبل احترامي

لاهوبـ ..
الله يسلمك ويعافيك ..
والحمد لله بسيطة ولم تكن هنا المشكلة يا غالي بقدر ماهي الطريقة المستخدمة للتعبير من قبل البعض ..
يعني مثل ما قلت المواكب والزحمة وكذا ..
تقديري ..

ههههههههههههه

يا ابو ريان .. اولا الحمد لله على السلامه

ثانياً الولد باين عليه ذكي بصراحه يعني عرف يصرف الموقف

ولكن انت اهم شيء انك سلمت

وبالنسبه لليوم الوطني فصراحه معك ناس مايدرون كيف يعبرون عن الفرحه

ولا يوجد هناك ضبط من قبل الجهات المختصه ..

المشاركة الأصلية كتبت بواسطة عاشق النماص

لاتكون الشمعات (زينون) يابو ريان؟!!

أبشر بالعوض من الله يارجال .. وربنا يهدي شبابنا

تحياتي

عاشق النماص ..
السيارة إلاّ فيها الزينون بالبيت واللي معي وقتها وحده تقبل الدفش
راسك العوض يا غالي ..
وترى الهدف من الموضوع باقي يبيله وصول ..
هم صح ولاّ لا ..
تراهم قالوا كلام يستحق الوقوف عنده ..
تقديري ..

اكيد اللي صدموك عسكر .. مافيها كلام

والحمد لله على سلامتك ...

والسيارة على مسؤوليتي تتحمل اكبر من اللي صار <<<

وباقي قدامك ثلاث ايام احتفال باليوم الوطني ...

نصيحتي .. السيارة اللي بالبيت لا تطلعها ...

تحياتي

الحمدلله ع السلامه

الغريب اشلون مشيتها لهم ..أكيد الخطأ عليكم سوا

بس ماشاء الله ع السواق عرف اشلون يهدئ الوضع ..وبالاخير كل شئ
قضاء وقدر

يعطيك العافيه ..

الحمدلله علي السلامه والخسارة في السيارة ولا في الرقاب

اليوم الساعه 6المغرب كنت في مراجعه لم ظافر وعاد طريق المدينة ما يحتاج اقسم با الله

انهم همج بمعنى الكلمه وعلى دخلة شارع حراء جمس فيه حريم فيهم واحده تقو ثور على ينبه

هي الزعيمه ولبسهم ووجيههم اخضر وابيض ياوطن ودي اتلفت لكن ام ظافر عبى الحار ص الذكي

والثانية اخاف على الوداعة حقتها سلمت عليهم با لذراع من وراء القزاز ههههههههه ودعيت للحريم

با القوة ونصرة الوطن دام الفرحه والتعبير مع بنات مليح تعبير عن حب الوطن

يابوريان قل الله يستر من التوالي ونا خوك

ههههههههههه
اول شي ماصدمك انها القنبله انفجرت فيك
والثانيه تستاهل هههههههههه
والثالثه الحمدلله على سلامتك
وودي انك تشوف عيال الرياض حتى المجنون اليوم صاحي
موكب اكثر من 100 سياره الدوريات مالها وجود
والمصيبه ماوقفو عند اشاره
المشكى على الله
استهبال وتهور ماهو فرحه

المشاركة الأصلية كتبت بواسطة زاهر آل عابس

ههههههههههههه

يا ابو ريان .. اولا الحمد لله على السلامه

ثانياً الولد باين عليه ذكي بصراحه يعني عرف يصرف الموقف

ولكن انت اهم شيء انك سلمت

وبالنسبه لليوم الوطني فصراحه معك ناس مايدرون كيف يعبرون عن الفرحه

ولا يوجد هناك ضبط من قبل الجهات المختصه ..

زاهر آل عابس ..
الله يسلمك والحقيقة صرف الموقف وخربطني بقوة وحاس كل تفكيري
والتعبير السلبي هو اللي نصيح منه ..
والضوابط بكثير من الأمور لك عليها بصراحة ..
تقديري ..