جرحتني مرتين والثالثة بالنار

دائما .. عندما يثار الجرح في وجة من يضع قلبه على القطن ...
يكون لون الدم قد تناثر على لون القطن .. فحوله من ابيض . ناصع البياض ..
إلى احــمــر ... يثير الرعب في العين .. ..

اترككم مع جرحي الجديد ... لعلي اجد المتنفس في نظرات الشفقه التي سوف تسلط علي ..

جرحتني مرتين .. والثالثه بالنار = والثالثه يا صاحبي محسوبه
جرحك تعمق بي و ثار = و سبب في شعور الحب غيبوبه
طعنة ظهر .. منك يا غدار = اجريت دمعي منك باكذوبه
كنت احسبك تحفظ الاسرار = وتعرف هوى قلبي و مطلوبه
كنت ابتسم و أقول .. اتغار = وأفرح إلا جتني مراسيل مكتوبه
لكن اليوم اصيح يالعار = وحزني مع السكة ما سكن ثوبه
ذوقتني يا صاحبي مر .. و أمرار = انا اشهد انك صرت اعجوبه
عطيتك احلامي و قلت اختار = حتى خفوقي صرت محبوبه
الغزل و الشوق وكل الاخبار = حتى عيوني اقدمها طروبه
يا حيف لامن عليك الزمن جار = تصبح الدنيا هموم مكتوبه
تسأل تقول .. كيف هذا صار = وشعلة قهر بداخلك مشبوبه
ضنيت نفسك يالغضي بحّار = وركبت بحر ما تعرف أسلوبه
جرفك موج كالجبل تيار = حتى غرقت وما وصلت دروبه
يا خساره حبنا طاح و انهار = وانت الذي تحمل كامل ذنوبه
لا تعتذر ما تنفع الأعذار = هذا النهار واضح من غروبه
يا قلب .. وأنت مؤمن بالاقدار = أعلن شعورك من الحب توبه

حتى الجروح لاشك ما هي سويّه
دام افترقنا يالله عسى خير
ما كل مكتوب علينا بليّه
ما كان ودي تجرح القلب وتسير
ولا كان ظني تقتل الحلم فيّه
كثرة صدودك والبعد والمعاذير
ما عاد خلت للسوالف بقيّه
ياما عطيتك من صباحي تباشير
وأخلصت لك بالقلب حب ونيّه
كان اعتقادي لو حصل يوم تقصير
تبقى مشاعرك الوفية وفيّه
واللي طلبته قلت لك تم ويصير
ما كنت داري إن موتي بيديّة
صدق المشآعر صابه اليوم تغيير
كل شي تغير فيك والله عليّه
دايم أدور للهجر منك تبرير
وأقول يمكن جاك منّي خطيّه
حتى خيالي مالقى فيك تفسير
أروح وارجع باليدين الخليّه
رفعت قدرك وارتضيتك عن الغير
فيما مضى كنت بزماني هديّة
واليوم ردي مايبي منك تفكير
هو باقي أردى من حياتي الشقيّه

شجاك اليوم يا قلبي تسابق صوبك الآهات
وتحي جروح قد ماتت من الماضي أسميها
وكل ما قلت ألملمني يبعثرني ألم وشتات
يخاويني الألم والجرح يعيشني بلاويها
تخاصمني انا البسمات والأفراح والضحكات
وادورها ولا ألقاها وأصرخ ثم أناديها
لعب فيني الشقا لعبة واسلي نفسي بالعثرات
وأصاحب جرحي الدامي وبالأحزان اغنيها
وسادة راسي أهاتي وأغطي نفسي بالحسرات
أونس ذاتي بجروحي من اولها لتاليها
أكحل عيني بدموعي وأمسح دمعي بالعبرات
وأبني بالشقا بيتي وتتعالى مبانيها
أنا من وين ما أهرب ألاقي الجرح والونات
من الماضي من الحاضر ياربي منين ألاقيها
وأهونها وأقول أنسى وتذكرني بها الدمعات
تعبت أكتم تعبت أسكت تعبت إني أخبيها
أنا الساهي أنا العايش ما بين الهم والآهات
على عرش العنا متوج وأتسمى بأساميها
حكاية همي اكتبها على جدار الشقا كلمات
وكل ما قلت أبمحيها يا ويلي كيف أبمحيها
معاناتي أترجمها وأبينها لكم بأبيات
من الحرمان كلماتي من العبرة قوافيها

الله يجيرنا وانتم من الجروح الظاهره والخفية ويسهل الامور


الغزل و الشوق وكل الاخبار = حتى عيوني اقدمها طروبه
يا حيف لامن عليك الزمن جار = تصبح الدنيا هموم مكتوبه
تسأل تقول .. كيف هذا صار = وشعلة قهر بداخلك مشبوبه
ضنيت نفسك يالغضي بحّار = وركبت بحر ما تعرف أسلوبه
جرفك موج كالجبل تيار = حتى غرقت وما وصلت دروبه
يا خساره حبنا طاح و انهار = وانت الذي تحمل كامل ذنوبه
لا تعتذر ما تنفع الأعذار = هذا النهار واضح من غروبه
يا قلب .. وأنت مؤمن بالاقدار = أعلن شعورك من الحب توبه

رائعه سلمتي وسلمت اناملكـ
على ماطرحتي
ولكـ ودي

ونة جرح

اختيار مميز
وطرح اروووع
لا هنت ولا تحرمنا جديدك

جرحتني مرتين والثالثه بالنار * والثالثـه يا صـاحبي مـحـســوبه
جـــرحـــك تـعمق بي و ثــار * و سبب في شعور الحب غيبوبه
يا قلب .. وأنت مؤمن بالاقدار * أعلن شعورك مـن الــحب تــوبـه

تحياتي وتقدير لكى