.. # ( بطاقة منفذ الإغتيال الغاشم هنا ) ! # ..

السلام عليكم


صباحكم / مساؤكم جميل

كل عام وبلادنا وحكامنا بخير ..

هههههههههههه شاااعر المجتمع ونكسل لية لا ((جزاء البقمي)) وربي ماجاء اللقب عبث*

على لساان ابو ناايف ^

بعد سماعي لهذه المكالمة التي جرت بين الامير محمد بن نايف حفظه الله .. والارهابي المنتحر ..
كان لابد ولزاما علي كتابة ما خالجني من شعور تجاه هذا الرجل العظيم صاحب الايادي البيضاء

الاب العطوف والخايف على ابناء بلاده من استغلال الاشرار لهم ..

الى مقام سيدي / محمد بن نايف اقول :

الشعر ياهل الشعر حانت فاقته =ولا خير في شعر ٍ على غير اتجاه

اتعب على بدعه .. وانقي باقته = لو كنت اجيبه من نحت صم الصفاه
اكبر من طروق الشعر وسياقته = ما شفت من جرم الغدر عند الطغاه
شرذمة ٍ دم الوطن اراقته =دستورها تكفير مدّين الصلاه
لو كان تجهل طعم جرم ٍ حاقته = ماكان وجه الليل يسترها دجاه
لعبت على خبل ٍ .. جحد علاقته = غاوي دليل ولا درى ويش السواه
قام يتمايل من طرب طقاقته = كرس لها بين المهالك ما جناه
خاوي فكر .. لو تجذبك لباقته =مثل الضرير اللي فقد نفعة عصاه
اعّيا طبيبه .. من بلا حماقته = وازهق حياته من خبث فكر ٍدعاه
نوّخ بعيره .. يوم ضيّع ناقته = لفت عليها ام الكباير من رداه
ام الكباير من رداها ساقته = في ذمتي من ساقته يلعن ثواه
ماهوب منّا .. كنسلوا بطاقته = ملعون خيّر من نكث بيعة ولاه
جعله فدا راس الوفا وعماقته = اللي على درب الوفا عطر ٍ نباه
روح الامن .. امن الوطن في ساقته = حامي بلاده ما توانى من وفاه
حر ٍ مواكير المعالي تاقته = يشلع لها يوم الردي يقصر خطاه
لا ما تخاذل .. ما يوّفر طاقته = لين خضعت روس الاعادي من دهاه
وجه ٍ تباشير السعد طلاقته = غنالها من زود ما ردت صداه
رايه سديد .. وميزته / حذاقته =يعطيك نبذه عن مفاهيم الحياه

ليث ٍ تدابير العدا ما عاقته = يسوق روحه فوق كفه من صخاه
هذا ( محمد ) .. من طغى بشقاقته = السيف الاملح كان ما عوّد دواه
من راس شيخ ٍ سيرته سبّاقته = تاريخ مجده .. منْحصر عند الرواه
( نايف ) .. نواميس الفخر عشّاقته =سيّد مقاديم العرب واده الدهاه
مزبان .. من كف الشقا .. طرّاقته = يبشر بعزه لا زبن منها ذراه
حاكم .. حكيم ..الطايلات .. شفاقته = شيخ ٍ مداغيش الوغى ترجي رضاه
وحنّا على عهد الوفا وثّاقته =ما نختلف مدامنا قيد الحياه
في ظل ابو متعب نعيش بساقته = اقولها والسيل ما يلحق ثراه

خالد البقمي


ما اقول الا بيض الله وجهك ..


تـــــــــقــــــــديـــــــــري

خالد البقمي
سلمت على نقل هذه قصيدة الرووووعة
يستاهل سمو الامير المدح
والحمدلله على سلامته

منورين يااحلوين لخلا ولا عدم من توااجدكم

صح السانك يا ابو محمد

ويعطيك الف عافيه على النقل ياخالد البقمي

وبيض الله وجهك

تقبل تحياتي
و
اعجابي

آل غيهب

منوووووووووور اخوي يالبية على الرد الذوووق (<< فديتك(:

خالد البقمي


يا لبى قليبك ع النقل الرائع
جميل بإسلوبك زمان اختيارك
منفرد بروعته عن كل المبدعين .

المشاركة الأصلية كتبت بواسطة عمري ولا احد قدي

خالد البقمي


يا لبى قليبك ع النقل الرائع
جميل بإسلوبك زمان اختيارك
منفرد بروعته عن كل المبدعين .

وه بس شهااادة اعتز بها (:

لبى قلبك يااااارب ماننحرم من تواااجدك