شوفوا وش سويت ...؟؟؟

السلام عليكم ورحمة الله وبركاته

قاعدة لحالي اللي طالع واللي نايم ومافيه الا انا في البيت وعلشان مااخترع
قلت اروح المطبخ اسوي طبخة مدام ان البيت فاضي
اذا ضبطت كان بها ..ماضبطت الا محد يدري ..
المهم رحت المطبخ وشمرت عن اكمامي
طبعا اخر مرة سويتها كانت فااااااااشلة مع سبق الاصرار والترصد

المهم ما اطول عليكم اخليكم مع الكـــــــبة

المقادير :

3صحن صدور دجاج بدون عظم (2صحن للكبة وصحن للحشوة )
2بصلة بحجم البيضة
2كوب برغل ناعم
2مكعب مرقة ماجي دجاج
فلفل أسود -كمون-بهارات مشكله -ملح
صنوبر حسب الرغبة

الطريقة :

ننقع البرغل في ماء مذاب بها مرقة ماجي حيث يغمر الماء البرغل وينقع لمدة ساعة
* نفرم الدجاج الخاص بالكبة مع البصل
نحضر البرغل ونفرمة مع الدجاج مره أخرى
نضع الملح والبهارات والفلفل والكمون( حسب الرغبة في الكميه )على الخليط السابق مع العجن باليد حتى تتجانس مع بعضها
الحشو
نضع قليل من الزيت في تاوة ونضيف قليل من البصل المفروم حوالي ملعقتين من البصل
ثم نضع الدجاج المفروم (الصحن الخاص بالحشو)مع التقليب
ثم نضيف الملح والفلفل والكمون والبهارات حسب الرغبة ثم نضيف الصنوبر المحمص
ثم نبدأ بعمل الكبة حيث نأخذ مقدار بكبر البيضة حتى ينتهي المقدار
ونحشوها بقليل من الحشو ونرصها في صحن مستوي
وعند القلي لابد أن يكون الزيت المستخدم للقلي ساخن جدا وعزير ثم يخفف النار حتى تنضج

وبالهناء والعافية

هااااااااه عجبتكم حتى لو ماعجبتكم قولوا حلوة

المهم اذا شفتوني اختفيت بعد بعد مايذوقونها اهلي
لاتخافون يمكن مسوط ضرب على راسي والا احد من اهلي راح الطوااااااري

خلفتنا عليكم العافية

أنا من أول أقول عندنا طباخات ...ودي أسميك ((الشيفه ليالي )) بس شيفه هذي ماتنفع...

بس باسميك ((أم كبيبات ))

والله أنك شطوره دائماً أقعدي لحالك علشان نتلذذ بأكلاتك الشهيه ,,,,


سعُدت بمروري من هنااااا

ليالي

اكلة مشهية .. وخاصة إني عزابي .. وعسى ربي يرحم حالي

تقديري

والله اني بغيت القاهم
بس ماهو من الطبخه
الا من الضحك على المقادير
صنوبر حسب الطلب
ومقدار البيض
مدري في اي ميزان نصنف هذا المقدار اول مره اسمع مقدار بيضه
لا ومن شان تتجانس وكلمات بصراحه خلتني اعيش وكان هذه الطبخه فلم
فيه غرق ومذبحه واشياء تخوف وبيض في كل مكان
عموماً والله اتوقع بعد كل هالخويس ماهو مصوط الا هراوة قفى المسمع
ههههههههههههههههههههههههههه
اقول الله يعطيك العافيه
على هذا الاختراع الرائع
واهم شي هو الابتكار وليس التقليد
والله يالبرغل اني قاعد اتخيله مسكين
وهو يصيح ويقول اني اغرق تحت الماء
ههههههههههههههههههه

الله يعطيك العافيه على الاكله الشهيه والرائعه



تقبلي مروري




دمتي بخير

يسلموووو يدينك ليالي
شهيتينا للكبه ومافي من يتقنها هاليومين
ماشاء الله عليك واضح عليها لذيذه مررره

ايه ماشاء الله مره طعمها حلو
بالله سؤال كيف احكم وانا ماذقتها ؟؟؟!!!
واحد مدري وشسمها كبه مدري كبانيه ارسليها فيديكس بعدين احكم عليها ....

وتحياتي ..

تسلم يدك ليالي على الكبه

وترى بترسلين منها لي

ياحلوكم يابنات المنتدى طلعتو طبخات شكلها حلو بس ماندري عن الطعم نجربها ونشوف

ماعندي ماعند جدتي بالطبخ بس من بنات المنتدى نتعلم إنشالله

ليالي جنوبية

سلمت ايديك والله شكلها لذيذة مررره وترى التكرار يعلم الشطار

والله لايحرمنا من طلتك البهيه وأكلاتك العسل ياعسل

ولك كل الود والتقدير

والله منتي هينه يا ليالي

كبة دجاج واختراعات وحركات من ورانا لو اني بدال امك اروح كل ليلة اسمر واخليك تخترعين لين اجي ههههههه

تسلم يدينك يا عسل

المشاركة الأصلية كتبت بواسطة دمعة حائره

أنا من أول أقول عندنا طباخات ...ودي أسميك ((الشيفه ليالي )) بس شيفه هذي ماتنفع...

بس باسميك ((أم كبيبات ))

والله أنك شطوره دائماً أقعدي لحالك علشان نتلذذ بأكلاتك الشهيه ,,,,


سعُدت بمروري من هنااااا

الله يخليك ومنك نستفيد يادمعة
سعدت بتواجدك ومرورك يالغلا

المشاركة الأصلية كتبت بواسطة صقر عمري

ليالي

اكلة مشهية .. وخاصة إني عزابي .. وعسى ربي يرحم حالي

تقديري

مشكور
وصدق الله يلطف بحالكم بس تتفرجون مايمديكم تتمتعون بالطعم>>>ثقة عمياء

المشاركة الأصلية كتبت بواسطة صالح آل سلمان

والله اني بغيت القاهم
بس ماهو من الطبخه
الا من الضحك على المقادير
صنوبر حسب الطلب
ومقدار البيض
مدري في اي ميزان نصنف هذا المقدار اول مره اسمع مقدار بيضه
لا ومن شان تتجانس وكلمات بصراحه خلتني اعيش وكان هذه الطبخه فلم
فيه غرق ومذبحه واشياء تخوف وبيض في كل مكان
عموماً والله اتوقع بعد كل هالخويس ماهو مصوط الا هراوة قفى المسمع
ههههههههههههههههههههههههههه
اقول الله يعطيك العافيه
على هذا الاختراع الرائع
واهم شي هو الابتكار وليس التقليد
والله يالبرغل اني قاعد اتخيله مسكين
وهو يصيح ويقول اني اغرق تحت الماء
ههههههههههههههههههه

دوووم الضحكة

بس وش تبغاني اقول اخاف اقول اصغر من كورة التنس ماش ماتزبط وبدال ما اكحلها اعميها

علشان كذا قلت قد البيضة

والصنوبر علشان فيه ناس يحبون يكثرون وناس مايحبونه

وابشرك البرغل ماغرق الا انتشف الماء كله

بس للامانه والله عجبت من ذاقها

شاكرة لك مرورك وتواجدك

المشاركة الأصلية كتبت بواسطة نايف العمري

الله يعطيك العافيه على الاكله الشهيه والرائعه



تقبلي مروري




دمتي بخير

الله يعافيك

شاكرة لك مرورك وتواجدك

دمت كما تحب