تهتزززززززز من شوقه فصوص القلاده

[poet font="Simplified Arabic,4,indigo,normal,normal" bkcolor="transparent" bkimage="backgrounds/7.gif" border="none,4,gray" type=0 line=200% align=center use=ex length=0 char="" num="0,black" filter=""]
والله ماهي رغبتي فـي بعـاده =لكًني اعرف قيمته في رحيلـه
نخلق لنا جو الزعـل والنكـاده =حتى نرى للبعد فينـا وسيلـه
في كل عامن صار للبعد عـاده =واكثر غيابه كان يومن وليلـه
مرتاح في بعده ولا لي وسـاده =والقاه مثلي راحته مـا تجيلـه
يزداد شوقي لـه ويكثـر وداده =والقى سعودي فيه يوم اشتكي له
واذا تلاقينا تشـوف السعـاده =من فرحته كل الفضا مايشيلـه
نبضه يزيد احسًهـا برتعـاده =عصفور بللًه المطر في مسيلـه
تهتز من شوقه فصوص القلاده =والشعر مايقبل على الراس شيله
انفاسهـا نـارن توقـد وقـاده = والريق كن النار تمنـع مهيلـه
الشرح عن وصف اللقا والاعاده =اشوفها مني غـدت مستحيلـه
حتى القلم ماظن يوفـي مـداده =الثانيه فيه(الـف ليلـه وليلـه
يابو محمد دلنـي وش مـراده =اللي يقـل خلًـه ودور بديلـه
مايدري ان البعد روح السعـاده =مابين بعد اوبعد قصه طويلـه
[/poet]

الاخ / راضي

أنا أشهد اني استمتع بما يسطره قلمك

وما تجود به نفسك

حقيقه انت تختفى بين الفينة والاخرى ومن ثم

تسعدنا بمثل هذه المشاركات التى تثلج الصدر

بوح جميل وكلمات ومعاني ..., قل ان نجد لك مثيل اخي راضي

سلمت يداك اخي لنا شاعرا في هذا المنتدى

مع تمنياتي لك بالتوفيق الدائم

المليحي

الشرح عن وصف اللقا والاعاده اشوفها منـي غـدت مستحيلـه
حتى القلم ماظن يوفـي مـداده الثانيـه فيه(الـف ليلـه وليلـه
يعطيك العافيه راضي
تحياتي لك على تدبرك للمعنى
واستنتاجك بالوضع الصحيح للكلمه
دمت لى اخاً اعتز بك
واشكرك من القلب على كل جهودك
اخوك
المسكت