صالونة الدجاج الهندية.........

طلعنا يوم الخميس مخيم ووحده الله يعافيها جابت الصالونة ومعها رز ابيض

قد ماقول روعة قليل طعمها خيال وهاذي طريقتها

المقادير

-نصف دجاجة مقطعة قطع صغيرة وممكن تشترونها مقطعة اسهل لكم
- علبة معجون طماط
-علبتين زبادي
- زيت
- بهار ناعم
- ملح
-فلفل
-كزبرة خضراء مفرومة المقدار تقريبا ملعقة اكل (ممكن تستغني عنها اذا مو موجوده عندكم)
- ثوم مفروم او مقطع حسب الرغبة وحدة تكفي ( واللي مايحبونه مو لازم)
- نصف كاس ماء تقريبا

الطريقة

- نحضر القدر ونحط فيه شوي زيت تقريبا ملعقة اكل
- نضيف له الثوم ثم الدجاج ونحمسه شوي
-نخلط صلصة الطماط مع الزبادي ونضيفهم للدجاج
-نضع الملح والبهار والفلفل
-نضيف مقدار ربع الى نصف كاس مويه على الدجاج (ممكن اضافة حبة بطاطس مقطعة )
-واخيرا نضع الكزبرة الخضراء
- نغطيه و نتركه نصف ساعة على نار هادية
- وبعدين ناكله مع رز ابيض او مع خبز

ممكن نحط لحم بدل الدجاج لكن نسلقه قبل لأن اللحم يبيله وقت يستوي

ترى اللحم اطيب لكن الدجاج اسرع وقت

الطبخة لذيذة وسهلة

ومقاديرها كذلك شويه لابصل ولاطماط

وتصلح وقت الازمة سريعة

وكل من جربها اعجبته

----------------
طريقة الرز الابيض البسمتي

المقادير لشخص واحد

- كاس رز بسمتي ابيض ويفضل المهيدب
-ملعقة وسط ملح
-ملعقة كبيرة زيت
-كاس ونص الى كاسين ماء

الطريقة

-ينقع الرز بماء مغلي
-نضع الماء والملح والزيت على النار
-اذا غلى الماء نضع الرز ونتركه على نار عالية الى ان ينشف الماء
ويترك مده ربع ساعة تقريبا على نار هادية

وبالعافية

اختي الفاضلة ليالي جنوبية
الله يعطيك العافية عزيزتي على هذا الطبق
ونحن في انتظار جديدك القادم.

سلمت يدينك يا عسل

وان شا لله نجربها قريبا

الله يعطيك العافية

ليالي جنوبية مشكورة طبق ولا اشهى
وهذي صورتين لطبق صالونة الدجاج وايضا صورة لطبق اللحم

المشاركة الأصلية كتبت بواسطة سحابة خير

اختي الفاضلة ليالي جنوبية
الله يعطيك العافية عزيزتي على هذا الطبق
ونحن في انتظار جديدك القادم.

مشكورة اختي سحابة خير على المرور

المشاركة الأصلية كتبت بواسطة بنت الشيخ

سلمت يدينك يا عسل

وان شا لله نجربها قريبا

الله يعطيك العافية

بنت الشيخ

الله يسلمك ويعافيك

شرفني مرورك

المشاركة الأصلية كتبت بواسطة غالي الأثمان

ليالي جنوبية مشكورة طبق ولا اشهى
وهذي صورتين لطبق صالونة الدجاج وايضا صورة لطبق اللحم

مشكور اخوي

على المرور

على الصور لانها وضحت الطبق زيادة