يوميات عاطل ( الجزء الاول ) الله لا يوريكم ...

الفاضي يعمل قاضي

(الجزء الأول)


مرة من المرارير على قولة عنترة التكروني..... جلست العصر أتشمس في السيب حق بيتنا ممددن عصاقيلي الفاتنة المليانه نفر وبقع زرق (من كثر ما أتكسر وأنا اسوق السيكل زمان asdr)...).... وجنبي بريق الغضر الأحمر اللي حوافه مصديه (يقالك متولع بالتراث....).... وهذاك الشاهي اللي ظابطته أم عاطل الله يخليها..... جالس أشرب شاهي وأتشمس وخذ يا هواجيس......... مرة أفكر.... ليش الناس إذا تجمعوا في العزايم ما عندهم سواليف ؟؟؟؟......... ما عندهم الا: وينكم؟؟ مبطين ما شفناكم (أسخف سؤال... وتحس ان اللي يقوله ما يعرف يسولف...)..... ومرة أفكر لو طاحت السماء على الأرض شلون أتوزى ؟؟؟؟......... وبعض الأحيان أشطح بهواجيسي واقول: ياليت الجح يكون مربع بدل ما هو ممطوط كنه أصبع صعيدي ماكل كيماوي........... وهو أنا بس فكرت في الجح ولا لا.... وتجيني هذيك الفكرة الخيالية........... ليش بدال ما أنا كل عصرية أتشمس في السيب (منتب عاقل جزر الكاريبي على غفلة...) ليش ما أستغل وقت الفراغ هذا في شي مفيد عشان آخذ درجة النشاط كاملة..... قصدي عشان أكسب كم قرش أبيض في هالزمن الأسود اللي كنه قلب كافر....

الهايلكس 79 موجود..... والعزيمة موجودة (غداء ولا عشاء؟؟؟..... لا فطور هههههه بلا استخفاف دم)........... واكثر ما كثر الله مزارع الجح.......
من زود الحماس ودي يجي الفجر بكره عشان أدّهر من الصبحيّة..... وأنا رجال ملول ولا عندي صبر..... فجر يعني فجر منيب رايق.... هالحين العصر يعني قدامي مغرب.... عشاء.... أنصاف ليول..... وبعدين فجر..... لا مايصير الوقت كذا طويل.... واقوم وأخبط راسي في جدار السيب وطحت مغمى علي << (يقالك حركة عشان يروح الوقت بسرعة من فرط الحماس...).... وتجي أمي الله يجزاها بالجنة وتغطيني بكنبل قديم عندي اللي عليه رسمة أسد.......

يوم جا الفجر ألا وتقول حاط ساعة خرّاش...... فزّيت كني مروّع ....... وأغسل وجهي وأتوضى للصلاة بسرعة البرق الخاطف في يوم ماطر (قاريها في تقويم ولا بعد فهمتها، واللي فاهمها يدز لي على الخاصة)........ وأروكع للفجر صلاة سواليف الله يتوب علي، ومن زود العجلة قريت في الركعة الأولى أول آيه من قل هو الله أحد والركعة الثانية الآية الثانية يعني من العجلة ما قريت السورة كلها (طبعاً كلش بحسابه... العجله هذي واللعب بالفروض دفعت ثمنها وعرفت أن الله حق)... وأخلص من الصلاة وألبس ثوب الصوف المخرم واللي فيه حروق جمر (قمسن بالله أني ما أتتن حروق الجمر هذي من اللعب بالضو في المزرعة قسم بالله).........

وألبس الزبيريه (تكرمون ومن قال.... عاشت أيامك).... وأشغل الهايلكس وأمسك طريق الملك فهد وجهي شمال طالع لساجر اللي أشغلونا بجحها.... طبعاً أنا في الدلاله زيي زي جدتي ما أفك الطريق ولا أدل ........ لكن قلت يا عاطل نيتك صافية وأنت رجال تبي تترزق الله يعني طقها وألحقها وكل الطرق تؤدي لساجر...... لكن كل اللوحات اللي تجيني (قصيم/سدير/كويت/تركيا) ما فيه ساجر...... قلت ما بدهاش ساجر هذي أكيد أنها ديرة حونشيه وموزينها ولا يبون يعلمون أحد عنها لكني واصلها يعني واصلها..... ومن سأل ما تاه..... واوقف عند ديرة ما تتسمى جعل الله يخسف بها..... و أسأل أول شايب شفته.......

أنا: هييي يا الطيب وين ساجر؟

هو: هه؟ وشو؟ وش تبي أنت؟

أنا: أبي ساجر.... لكن بدون مخلل

هو: وشو؟؟ (أنا ما أداني الصقهان وفي نفس الوقت أستانس عليهم إذا مني قعدت أقلب عليهم وهم ما يسمعون)
هو: ما أعرفه يالله انقلع...

أنا: ساجر.... ديرة الجح اللي منها خلف هذال وجهيمان

هو: جهيمان؟.. أييييييييه.. ساجر..... أنت في ساجر يا ولدي ورى ما تقلط وتتقهوى.. أم العيال مسويه تبوله وكفتة بربري...

أنا: مرسي أوي يا طنط.... لكن أنا رجال مستعجل أبي جح عشان يمديني على سوق الرياض

هو: ما فيه خلاف... أنا عندي مزرعة متروسه جح... أنت بس أدخل داخل....


أنا ما صدقت خبر...... وقلت جاك التيسير من أوله يا عاطل ...... أكيد الوالده مبسوطه وصاكتك بدعوه....

وأدخل المزرعة بالريوس... ما عندي وقت ناوي أحمل وأدز للرياض بسرعة الكسوف (أسمع بالتشبيه)... لكن في نفس الوقت الشايب هذا ما ارتحت له.... أشوفه صاد ومطلع جواله الأريكسون (الدعاية هذي مدفوعة الثمن) وقاعد يدق ويهمهم وهو يطالعني ويبتسم (يعني تراني ما أتكلم فيك)..... لكن أنا ذيب.... صرفت الرجال يمين وشمال وسواليف في الجوالات واسعار الصرف والعملة ومشاكل البطالة في أوكرانيا..... كل هاللفه عشان يوريني جواله... وآخذه وأطالع آخر مكالمه.... ويصير ملعـ.... ولد الذين داق على 990 (يا خرااااااااااااااااااااااااااشي).... أنا حسيت أن الدعوة فيها إن (لاه يالذيب عسى ما تكلفت... حسيت بس...)......

المهم قلت له: مشكووووووووووووووور يا أبو الشيبان وما قصرت....وجحك مبروك عليك والله لا يغير عليك.... يالله مع السلامه يا حاج....

رد وقال: بدري يا هوه؟ وين الناس؟ وهوه دخول مزارع الجح زي الطلوع منها؟...


أنا تخلخلت عظامي.......... مهوب من كلامه (ما يخسي الا هو... صفقه على وجهه على مسكه منومه وأطرحه)... لكن اللي شفته شي جعله ما يمر على أحد........... الدنيا من بعيييييييييييييد زرقاء.................. شوي وتصير حمراء............. شوي تقلب أزرق............ شوي ترد حمراء................. ما فهمتو؟ هذي سيارات الشرطة جايه تسوي مداهمة للمزرعة عشاني فيها............... أنا أنقطع نفسي وصرت أتنفس مع أثمي (واحد جااااهل يحسب النفس ينقطع عن الخشم بس)........... وأركب الهايلوكس وأعطيه الأول وأدعس بأقوى شي لدرجة أن ساقي اليمنى جاها شد عضلي........ ماش الهايلوكس ما مشى..... صرت مع الربكة ما شغلته......... وأشغله ولا أشتغل الموتر شرّق (هذي تفاصيل... الجنس الناعم ما يفهمونها لو يطيرون ويوقعون)........ وأشغل السيارة وماش ما عندها خبر تشتغل (زي أفلام الرعب لما الممثل يركب السيارة ويشغلها عشان ينحاش ولا تشتغل والسفاح القاتل جاي لمه ببطئ... الوضع زي كذا)....

وأخييييييييييييييييييييييييييراً الهايلكس أشتغل......... وأدز علطول بأطلع مع باب المزرعة ولا ذاك الشايب الملـ... قليل الأدب واقف قدامي (بزعمه فدائي) وهو يصرخ: تكفى لا تنحااااااااااااااااااااااااش أبي المليووووووووو.... طبعاً ما كملها لأني دعسته وكني أشوف ضروسه نشبت في الدفرنس.............. وسيارات الشرطة قربت مرة من المزرعة وسوو زي الطوق حول المزرعة......... أنا سويت فيها مغامر وأدعس وأقابلهم وجه لوجه.... هم خافوا وقالوا الولد شجاع ورهيب وأسمعهم بالمايك: وخروا عن هالقوي يا هووه نروح زحفان على المقلعين .......... واسمع تصفير ويطققون بواري ويصفقون......... أنا أنبسطت وكبر راسي وأديور وأرجعلهم مرة ثانيه وفي نيتي أستهبل.... تنطيل... ردة وجه.... جلنطات..... الشغل اللي أنتم خابرينه (وللمره الثانية هذي تفاصيل... الجنس الناعم ما يفهمونها لو يطيرون ويوقعون).... المهم رجعت لهم وسوو زي الحلقه حولي بالسيارات وأقعد في النصف بينهم أستهبل.... تخميس واطقق بواري وأطلع نصف جسمي من الدريشة.... أمشي على كفرين وأطلع الولاعة وأحكها بالأرض ألين يطلع شرار...... أرفع غزاله........ الشباب كيفوا وقاموا يصفقون ونادوني بالمايك: يا مقلع أنت يا مهستر يا مهجدهم واللي يرحم والديك وقف نبيك توقع على فنايلنا... أنا راسي كبر وصار أي حركه راسي يلمس مراية السقف.... وقفت ونزلت....الشماغ على الكتف وأمشي بشوي شوي وما دخلت ألا أصبعي الكبير بس في الزبيريه عشان يطلع صوت وأنا أمشي..... والسلسلة أم مترين قاعد ألف بها على أبهامي دار ما دار.... يوم وصلت لهم قلت: يا ورع أنت وياه شوي شوي بالدور.. يالله صفوا سرا منيب فاضي زحمة وقرف....
قرب مني الضابط وهو يبتسم ابتسامة غريبة وقال: صدق أنك مخفة..... ويرعصني بذاك البقس as)اللي خلا راسي يصقع في ظهري لدرجة أني أشوف العسكر اللي وراي مقلوبين........ مع هالبقس طبعاً أغمي عليY)....... وصارت هذي خطة منهم أنهم يرجعوني لهم بدون مطاردات وقلق.... وأنا ياني برييييييييييييييييييييييييء مرة صدقت وانطلت علي الحيلة (أنطلت مأخوذة من التطلي وهو مأكول حالي كتير كتير).............



لماذا تم القبض علي؟؟؟؟؟؟؟
ما قصة لاعب الكونغ فو الصيني والمتواجد في غرفة التحقيق?؟؟؟؟؟
ما قصة الزنزانة التي بدون باب أو حارس؟؟؟؟؟؟؟؟؟
أهم شي.... هل الشايب اللعين مات أم أنه....................... مات؟؟؟؟؟؟؟؟
ما سر الطفاية التي في غرفة ضابط التحقيق)).((؟؟؟؟؟؟؟؟؟؟
هل ( عاطل بن فاضي ) جامد القلب كما يقال وعابط مع الحكومة(.......... أم أنه مع أول كف كب الخراف كله وكع بكلشsdfrw)؟؟؟؟؟؟؟؟؟؟

لا تستعجلون كل شي رح تعرفونه في ( الجزء الثاني)

نقش خالد

8
8
8
من جد طويلة نسيت احسب مدة الاشتراك بيخلص قبل تخلص قراءة

عاد لو كتبت الجزء الثاني اش بيصير

نقش خالد

ههههههههههههههههههههههههههههههههه
ههههههههههههههههههههههههههههههههههههه
لحسة مخ القصة ذي خخخخخخخخخخخخخخخخخخخ


يعطيك العافيه بس بصراحه
هذي مشكة البطالة
و الفاضي يعمل قاضي


وتكفى ارحمنا بلاش جزء تاني

تحياتي لك

اخي نقش خالد اسلوب رائع لكاتب متمكن اشكرك وآمل في الجديد.

الاخ الغالي هتان

شكرا لمرورك

وابشر اللي تامر فيه يا غالي

نقش خالد

الغالي سهيل الشرق

انا اللي اشكرك على المرور

جعلك سالم

نقش خالد

انا باقول سالفه عن عاطل بس قصيره
يقول يا ريال فنك تحب العلوم كان فيه عاطل
راح يوم مع ابوه لسوق الغنم
المهم من كثر العطاله في الطريق يتمنى يلقى الغنم غاليه من شان يكاسر مع راعي الغنم
وتصل لحد المضاربه ويقطع من طول الوقت عليه
وخلها تصل للمحاكم والشرط اهم شي يحس انه ماهو جالس فاضي؟
وصل مع ابوه والهايلكس الى سوق الغنم
نزلوا لقوا واحد جاي من خارج المنطقه باع كل اللى عنده وما تبقى معه الا خروف
قال ابوه بكم قال والله انا ودي امشي خذوه باللى تبون؟
ارتفع ضغط العاطل وصاح والله انك تبقيلنا منها شوي وش هالغلى والله انكم طماعين !!!!
قال الله ياخذك خذه بلاش وفكنتا من طول لسانك هههههههههه
انقهر يقول في نفسه الله يقلع اليوم اللى تعلمت فيه بيع الغنم
ليش ما ترفع قيمتها ولا يا بوي انه مايدري وش تحت هالصوف بس يقول هي جذع ولا ثني ولا عاجر ويمسك ظهر الخروف ودائما ما يكتشف انها نعية صوره بعد السلخ
مسكت معك اليوم تقول خذوها باللي تبون0
المهم قال الابوا والله ما نبي نغشك وكنا ضيفنا الليله (اجودي)
خذ 500 ريال واركب الخروف بالسياره
قال تم بدون مجادله مسافر ولا صدق
المهم نرجع ركب العاطل مع ابوه وهم في الطريق وشايل هم الوقت الطويل
قال لابوه خلني اركب مع الخروف فوق
وكان يخطط الريال في السر انه يفك الخروف من السياره
ويجلس يطارده في شوارع الرياض ويروح عليه شوي من الوقت 0
المهم بعد الحاح من العاطل وافق الوالد على الرغم من ان الخروف مربوط
فرح عاطلنا وقام يسرح بخياله ويقول الخروف بافكه الحين
وبيجلس يركض ويركض وانا وراه ويمر من عند مكتب ديوان الخدمه
ويمسك ثوبه بثمه قدام المسئولين ويفهمهم انه نشيط بس يبي شغل
ويمر على مكتب العمل والعمال ويقول له حتى حلاب غنم ابي
ماهو بس حلاب بقر مثل الوظايف اللى اعلنت عنها بس عطنا راتب ممتاز
ولا يهمك نشتغل ونعلف الغنم من شهادتنا الجامعيه في مجال علم الغنم اقصد علم النفس 0
ما تصدقون ما خلى شي الا وتخيله 0
ولما رجع للواقع فك الخروف من السيارة ولا امدى الخروف يمشي خطوتين
الا ويجي ذاك القلاب ويدهسه ويدهس احلام خوينا العاطل معه0
فذهب الخروف وذهبت احلام العاطل0
اعذروني على هذه الهلوسه000
اخوكم
دباس الجارح
اشكر اخي نقش خالد

هلا وغلا

دباس الجارح

فرح عاطلنا وقام يسرح بخياله ويقول الخروف بافكه الحين
وبيجلس يركض ويركض وانا وراه ويمر من عند مكتب ديوان الخدمه
ويمسك ثوبه بثمه قدام المسئولين ويفهمهم انه نشيط بس يبي شغل
ويمر على مكتب العمل والعمال ويقول له حتى حلاب غنم ابي
ماهو بس حلاب بقر مثل الوظايف اللى اعلنت عنها بس عطنا راتب ممتاز
ولا يهمك نشتغل ونعلف الغنم من شهادتنا الجامعيه في مجال علم الغنم اقصد علم النفس 0
هههههههههههههههههههههه
حلوة حلوة

اشكرك على المشاركة واتمنى من الاخوة والاخوات المشاركة

نقش خالد

نقش خالد
في انتظار الجزء الثاني
لك خالص الموده
دباس الجارح

مشكور نقش حالد

هلا اخوي دباس الجارح

ودي احط الجزء الثاني بس اخاف يزعل هتان

قد وعدته ههههههههه

تامر يابو عبدالله


نقش خالد

هلا والله

الجريح