((انا وجـــــــدتي))

بسم الله الرحمن الرحيم
السلام عليكم ورحمة الله وبركاته ..
أسعدالله اوقاتكم بكل خير ..
<== قام يتفلسف
كنت أسولف مع جدتي حفظها الله وحفظ لكم كبيركم في بيتكم ..
المهم وكانت سوالفنا عن زمااااااان يافن عفوا أيام زمان
كيف كان الواحد مبسوط ومرتاح اربع وعشرين قيراط بالرغم من
التعب ولقمة العيش الصعبة بس كانت في قلوب وضمائر صاحية
وحياة سعيدة بين الاهل والاقارب وأهل الحته ...( قلب مصري )
ماكانوا يعرفون الحقد ولا الحسد ولا القطيعة ولا التكبر ....
الله يسقي ايام زمان ...
كان مجتعهم متعاون مترابط على الخير وعلى الشر الرجل من
صباح الله يقوم يدور لقمة العيش والحرمه في بيت بعلها ..
مافي سهر ولا دشرة ولا كلااااااام فاضي ما يصيح الديك ألا وكل
البشرية في ذيك الايام صاحين ... الله يسقي ايام زمااااان ...
الحرمه ماتعرف تكذب على زوجها ولاالزوج كمان ولا حتى افراد
الهااااااوس ( المنزل ) يعني ... كانوا مقتنعين وعلى كسرة
خبز متحمدين وشاكرين الله على كل حاااااال ...
<== يسولف وكأنه لحق ايام زمان ...
سألت جدتي وش الفرق بين حرمه اليوم وحرمه زمااااان؟؟
حرمه يعني (امرأة ) لايجي واحد ويقول وشهي حرررمه ... فاصل
عدنا .. جاوبتني وقالت لي ( في مده ) يعني زمااااان الحرمه
ماتعرف النوم الى الساعة وحدة الظهر وما تعرف نقلة الكلااااااام
ولا تعرف المجاكرة والتباهي بين الحريم وكانت قانعة بزوجها ولقمة
عيشها وكانت مربية صالحة وفاضلة ( ترى صالحة وفاضلة ماهي اسماء
صفاااااات ياهووه ) تكد من فجر الله وتهتم ببيتها وعيالها ,وووو .....
تكلمت وقالت كلااااام نسيت نصه ..
اما حرمة اليوم عفوا اقصد الانسة والمدام والموزموزيل ...
( عولمة تقدم تكنولوجيا تخلف تحطم الاخلاق انحطاط فساد )
خرجنا عن الموضوع ... المهم حرمة اليوم ماتعرف النشاط ،
ماتعرف تصحى من النوم بدري السهر عندها واجب التبختر والكبرياء
مهم في حياتها مجاكرة جارتها وصديقتها ضروري الاهتمام بالبيت والزوج
مو مهم عندها تربية الاولاد على ( ماريا ) الخدامة الاكل والشرب من بيت
القرية والا الطاهي وعد واغلط كل المطاعم الحرمه تعرفها قبل الرجل قرب
لها التلفون والتلفزيون وديجتل واخبار الموضة والازياء كلاااااااااام
كثير قالته جدتي بس هذا اللي لحقت عليه,,,
ملاحظة هامة:: طبعا الكلام هذا كله ماينطبق على حريم الزمن هذا كلهن البعض
منهن وايضا ما ننسى الشباب اللي بعضهم رجوولة مافية عايشين على التقليد وحب
فلاااااان وذهبت الرجولة منهم لا عاد اللبس الايهادهم ...مالي دخل كلن يلبس على كيفه
شكلهم اتبعواالمثل اللي يقول( البس على كيف الناس وكل بكيفك ) مدري المثل صح ولا انا جبته من راسي ....
ولكن يبقى الاصل والتراث( قديمك نديمك لو الجديد أغناك ) .. في الختام ابي اعتذر من كل مرأه
ولكن هذا الواقع وبعدين هذا مو كلامي كلام العجوووووز ( جدتي ) ...
تحياتي لكم وآسف على الاطالة

جميل ماذكرته اخي المسكت وهذا هو الواقع


تحياتي









محبكم السليماني

تحياتي ابو عبدالله مشاركه رائعه الله يعطيك الصحه والعافيه والعربي وماوزلا . الله يستر عليك من الضغط والسكر .ههههههههههههه.


رعد الجنوب

تحياتي لك اخوي المسكت كلام جميل وواقعي ويعطيك العافيه انت وجدتك........................i:

صراحه كلام جدا واقعي وللاسف

لكن الله يهدينا ويهدي الجميع


*** مع الشكر لك اخو المسكت ****

والله يعطيك العافيه .

السليماني

رعد الجنوب

خال العمري

عناد الجرح

ياشيخ وينكم فقدناكم

لكم من القلب كل الود ولا زلتم بالذاكره

لاعدمتكم

مرور سريع
الشغله يبغالها تركيز

لي عوده باذن الله

ام فارس
اشكر لك تواجدك وبإنتظار عودتك

باقي بسأل جدي عن رجال اليوم

يقول علي بن أبي طالب رضي الله عنه
(( ربوا أولادكم لزمان غير زمانك ))
(( لا تأدبوا أولادكم بأخلاقكم لأنهم خلقوا لزمان غير زمانكم‏ ))
((لا تكرهوا أولادكم على عاداتكم، فإنهم خلقوا لزمان غير زمانكم)).


الله يحفظلك جدتك ويسعدكم
ويعطيكم العافيه ياااارب
ويتقبل منا ومنكم

المسكت

تحياتي وتقدير لك

يعطيك الع ـافيه والله يطول عمر جدتك ويخليها بصحتها وعافيتها
دمت بع ـطائك ..
تقديري ..

تبارك الرحمن الله يعطيك العافية وهي يارب وين امس عن اليوم يا المسكت

خلها على الله اليوم با الاشتراك ويا ساتر استر