مقتطفات من كتابي ( كفاح تمساح) يمنع دخول المستشرقيين والحوامل

سلااااااام
اسعد الله اوقاتكم بكل خير.. ذا اول موضوع اكتبة عندكم واتمنى انه ينال ولو بعض الرضى والأستحسان منكم
تفضلوا ..... بسم الله
يحتضن التاريخ رجالً عظماء غيروا سكه حياتهم. بل غيروا مجرى التاريخ ونقشت اسمائهم وافعالهم واقوالهم بماء الذهب. واصبحت سيرتهم العظيمة مدونه في الكتب .وعلى جدران المدارس ..وعلى صبات الكباري بالخط السريع.ومن منطلق قول الفيلسوف البريطاني مارتن ابو قذله
( not ذا بوى سيد ماي فاذر was بي.. بت ذا بوي c ها انا ذس) .
ها انا ذا يا محاتسيكم اضع بين يديكم باكورة مؤلفاتي الأدبية( كفاح تمساح) حتى تتجلى لكم الحقيقة كما تتجلى الشمس في كبد السماء . حتى لا تقولون ذا تسذوب وقاعد يهلس علينا بقصة حياته.
لقد عملت جاهدا ان يخرج ها الكتاب الي النور رغم انشغالي بقصة حب عذري.. و بمشاكل ومصايب حارتنا.
ولقد قسمت الكتاب الي عدة ابواب ماخذن بعين الاعتبار ان ذي رسالة تاريخيه احملها في عنقي <<(ايه يحلفون)
.وقبل ما نبدا احب ان اشكر كل من ساهم في اخراج ذا الكتاب من بحر الظلمات الي ساحل الأمان وهم:
1- دحوم الرزة : المنسق الأعلامي والثقافي والمشرف على الدعايه والأعلان للكتاب .وانا اشهد انه بطران وما حولك احد .وهو صاحب فكرة( تبي كتابك يمشي بالبقالات والعالم زحمه عليه. حط صور المطربة نانسي)..الوكاد انه وهقنا مع خلق الله

صورة للاستاذ دحوم الرزة ذراعي اليمين ونكبة زمانه وهوفي قمة التشخيص والزين فيه انه اذا صحى من النوم يبيله ساعتين لين يفرمت مخه على الوضع اللي حوله.ومن زود الفطانه اذا حس انه تورط بموضوع على طول يقول سؤاله المشهور: معك صرف ثمانية ريال؟
2- حسين علكة : المؤرخ التاريخي والباحث الجولوجي .من يومن بدينا بتأليف الكتاب والولد ما قصر... دزيناة يجيب لنا وثائق تاريخيه ومن زود الفطانه جاب لنا اوراق اسئله اختبار الكفائه ايام حفر قناة السويس. وما اقول غير مالت عليه وعلى اللي يدزة مرتن ثانيه .

صورة للاستاذ حسين علكة والهواء يداعب خصلات قذله ذي اللي مثل طرف زوليه طاقة الشمس. وبها الصور نلاحظ حسين شايفن نفسه علينا يومن فاز بفنلة مقدمه من شركه كوداك لافلام التصوير ..الوكاد انه علكه ولزقه ودايم يفضحنا بقسم الشرطه ويعترف بسرعه.
3- سحيم الأبكم:المدقق اللغوي والمنسق الأكاديمي بيني وبين (بقالة السعادة لصاحبها ابو خظيرللمواد الغذائية والألمنيوم) واللي كان له الفضل في تشليح ونهب الاقلام والقراطيس وقوارير الحبر من البقالة.وانا اشكرة حيل بالمرة.. واقول له لا تجيب طاري اسمي بقسم الشرطة.

الموسيقار والملحن سحيم الأبكم ونظرات تنم عن ان ما عندك احد وبها الصورة نشوف سحيم يتتن وهوماسك عصا وفي اللحظات الاخيرة يستعد لطمر جدار حوش بعد ما دربته اسبوع على القفز بالزانة (لابراء الذمة فقط.. الجدار اللي طامرة سحيم طلع جدار حوش مدرسة بنات)
شكر وعرفان:
( يتقدم مؤلف الكتاب وطقم الاساتذة الأفاضل اللي معه ..بالشكر الجزيل الي السيد الرهيب ..المعلم فرغلي الرومنسي صاحب (محل الرومنسيه .. لبيع الدجاج والبيض البلدي ) الراعي الرسمي لطباعة وتوزيع الكتاب واقول له يا يالفطين انحش ترا الحكومه درت انك تبيع بطاقات مشفرة.
وها الحين اعزائي القراء تعالوا نبحر بكم عبر صفحات (كفاح تمساح) من الجلدة الي الجلدة.وسنغوص بكم عبر الأسطر..مع تمناتينا لكم برحله سعيدة معنا . ومنعا للأحراج يمنع التدخين اثناء الرحله . مو حفاظا على صحتكم ..ابد.. حفاظا على الكتاب لا يحترق

صورة الكتاب ونحب ان نلفت نظر الجمهور انة يمنع استخدام بطاقات فيزا او شيكات بدون رصيد لشراء الكتاب.. عندك كاش تعال غيرة يفتح الله.
(باب وضع حارتنا قبل مولد الاطخم)
يقول المؤرخ حسين لبتن حدثنا ابو ظروس الفلكي عن جدة قال : قبل ولادة الاطخم بكم شهر عاشت حارتنا اجواء متقلبه ومطبات هوائيه .. ثم نطل العمامة من فوق راسه وشد شعر راسه وهو يصرخ:ياجماعة الخير يوم غبار ويوم ثلوج ويوم قيض (قيض = حر شديد الحرورة) . بس جالسن تحت فيت الكنديشه ( فيت = ظلال) وطاقن سروال السنه والفنلة العلاقي وقاعدن اهف بالمهفه للحصول على قليل من البراد .. ويوم طاقن الفروة ومتلحف ببطانيه ومتلطم ومغطي سيقاني بثلاث شراريب رياظه ام خطين عزكم الله وداهنهن بعلبتين فكس. ومولع الدافور اتدفى.(ثم صمت لحظه واسترسل قائلا بكل حزن): لقد غمرت الثلوج شوارع الحارة واكتست قمم البيوت وشاحاً ابيض من الثلج المتساقط. واستمر المناخ مخربط وملعوبن في حسبتة .حتى اجتاحت حارتنا عجة هوجا( عجة = عاصفة) محملة بالأتربه والقواطي وحبيبات اللقاح وبذور اللوتس. وغرقت حارتنا في بحرا من الرمال.وصاروا اهالي الحارة يكشتون للبر فوق سطوحهم كل واحدن طاقن خيمة فوق طعسن حمر بالسطح (طعسن حمر = كثيب من الرمل للناطقين باللغه العربيه الفصحى). وعاشت الحارة في قحط ومجاعة منقطعين النظير وانتشر الجراد وقضى على الاخظر واليابس.
( باب ولادة الأطخم.. وما حل بالحارة بعد قدومه )
ذكرت وكالة انباء حارة السعادة (أ ص)..(انه هطلت امطار غزيرة على حارة السعادة سالت على اثرها الوديان والشعاب ..عم بنفعها العباد واالجماد)..
( أص = اختصارلـ.. أم صبيح.. وتعتبر ام صبيح وكالةانباء متنقله ودايم شايلتن زمزميه قهوتها وخيشة كراث فوق راسه ودوجه وفرفرة بشوارع الحارة ومن بيت في بيت وخذ انواع الهذرة والحش بخلق الله )..

صورة لأم صبيح وهي في حالة استرخاء وتفكير عميق ..ويقولون ان ها الصورة يومن صادوها سلاح الحدود وهي تهرب تتن واسئلة اختبارات.
تقول ام صبيح ان هاك اليوم والتي تلبدت السماء بالغيوم وتكدست.. وبدا المطر يزخزخ .رويدا .رويدا . دوت صرخه رددت صداها جدران البيت وشوارع الحارة معلنتن عن قدوم مولود اطلق عليه ..الأطخم .. نظرا لجمالة ونظارة بشرته .
فقد كان ..صغير المبسم والشفتين..مورد الخدين.. واسع العينين ..اشقر الشعر والحاجبين.. عريض الجبهه والمنكبين..يمتطي صهوة جوادة الأبيض منطلقا كالريح في ضوء القمر عبر حقول سنابل القمح حاملاً الشعلة الأولومبية << وش تبي ذي
وبعد ولادته اصاب الحارة ربيع.. ونبتت الأزهار على حافة طرقات الحارة والجدران والبيبان والشبابيك . واختفى الجراد وظهرت فراشات زاهيه اللون تحوم في سماء الحارة وعلى برادات المويه حقت مسجدنا. واخذت العصافير والبلابل تشدوا اجمل الالحان على اسلاك الكهرب فرحاً بالربيع .. واللي يشوف الحارة يقول داخل مشتل لبيع الزهور وادوات الزينه والخياطة . حتى اصبحت الحارة وكأنها قريه ريفيه تقبع في احظان جبال الألب الفرنسية..وظهر السرور والسعادة على خشش القاطنين والمقيمين بالحارة وفاز فريق الحارة بالكاس بعد سنين عجاف من الهزايم ......
( باب النشأة والترعرع واي شي يخش بصناعه الأخشاب)
( كان رفيقي الاطخم مثالا للمواطن العربي الصالح ويسمع كلام الدكتور ..ويحترم سيارات المرور ويربط حزام الامان... ويباشر علينا بالمدرسة) << احد الأقوال المئثورة اللأستاذ دحوم الرزة امام وسائل الأعلام قبل لا يشوتونه هو وخشته بالسجن بلحظات.
بذا يبدا الاستاذ دحوم الرزة ويقول ..نشاء الاطخم وترعرع في بيتهم <<(ماجبت شي جديد اجل وين بترعرع فيه.. يعني تحت خزان السطوح...؟ كمل عسى الله يصلحك ..بس)
وكان من زود وسامته يزدحم بيتهم بحريم الحارة ويصفون سرا للظفر ببوسه على خدة المورد .حتى ان اكثر نساء الحارة الحوامل يشيلون قشهم ويخيمون امام بيت الاطخم للتمقل فيه والتوحم عليه .عل وعسى يجيهم طفلن حلو مثله

لا تعليق ما اقول غير اشوف فيك يوم ياللي كان السبب
(يقول دحوم الرزة بعد ما ارتشف جغمه من بياله الشاهي وحك دميجته ..وبدت سعابيله تقاطر)
اصاب ثلاجة مطبخهم قحط .واندثر اللحم والسمك وتلاااااشت الفواكه والخضروات والحلاويات من الثلاجه ..وطفر ابو الاطخم وفلس من كثر ما يشتري مقاضي لسد رمق جوع الزائرين حتى اصبحت ثلاجتهم خاويه وخاليه ولم يبقى فيها سوا بقايا من قراطيس زبدة وحبتن برشووومي.وقم انت يابو الاطخم وحط لوحه فوق باب بيتهم وكتب عليها :
( اعزائي حريم حارة السعادة..تم ابتعاث الأطخم لجامعة اكسفورد وخلوة ينفعكم يامال مانيب قايل)
(باب حسبنا الله ونعم الوكيل ويسقط ابو خظير)
بها الباب يدلو الاستاذ والموسيقار سحيم الأبكم بدلوة ويقول :
(مدت الادام دل الدام ودان ددوم) << ترجمه المقطع (مرت الايام تلو الايام وكان طخوم)
(عزيزي القارئ نعتذر لك ..لو تركنا سحيم يرطن بالكلام بيجي عيد رمضان .وحنا ما فهمنا شي من كلامه واختصارا للوقت سنعرض لكم اقوال سحيم بعد ما تم ترجمتها )
يقول موسيقار الحارة سحيم الأبكم بعد الترجمة
مرت الايام تلو الايام وكان طخومي يكبر و ينمو يكبر و ينمو و ينمو . حتى خش المدرسه وصار كل صبح يروح للمدرسه كعابي معلق مطارته على كتفه وحاطن صامولي بالجبن في مخباة .وكانوا بنات الحارة يترصدون له بالدرب .. اللي تقول له ..يالبى قلبة تبيني احل لك الواجب ؟.. واللي تقول له فديت هاالزين كله وتعطيه بقلاوة .. وصار الولد ما يعرف يركز في دراسته لان الولد طموحه يصير عالم بالفيزياء النوويه والسبب البنات اللي امتحنوة والعرابجه اللي يفرون حول بيته ..وابي اقول لكم سر خطير... مر على الحارة يوم سميناة يوم (تشريق الملابس) كل بنات وحريم الحارة ادهروا بالسطوح يعلقون الغسيل على الحبل والسبب ان الاطخم كان هاك اليوم فوق سطح بيتهم يكت حب فوق عشة الحمام ..الـى ان جاء اليوم المنحوس واللي قلب حياة الاطخم فوق حدر.كان يوم اغبر في حياة الاطخم . هاك اليوم حيث كان الاطخم مدرعم لبقاله ابو خظير وبينما كان الاطخم بكل براءة وعذوبه الطفولة وفي قمة الأدب يهًم بفتح الثلاجه بالبقاله لأخذ عسكريم توت ابو باغات ..شافه ابو خظير وقال وهو فاغر ومندهش ( ول ..ول ..اهب ..وش ها الزبدة اللي طالعتن من الثلاجة) وفجاءة طاح من اعلى الرف كرتون سمن (ابو ملعقه وشوكه) على راس الاطخم وبنط بخشته طبطاب البقاله ( طبطاب = بلاط بس مصنوع من الاسمنت وخالي من الزخرفه والزحلقة)

بقالة ابو خظير واللي صار فيهاالحادث وتلاحظون مقفى ابو خظير وهو يتأمل موترة الونيت بعد ما سرقناه وفحطنا فيه وبعنا مكينة موترة وجبناة له للبقالةبالدف.
و ويكمل سحيم قائلاُ:وشالوة بصندوق ونيت الي المستشفى وجلس في غيبوبه . ومضت فترة طويلة والحارة تترقب عودة ابنها الجميل الاطخم .وخرج من المستشفى بشكل ثاني .وهنا بدت معاناة الاطخم بالحارة صار يروح كل صبح للمدرسه والبنات يرجمونه بالقواطي وقوارير الميراندا حتى ان وحدتن من البنات عطته كنافة فيها سم فيران بس ربي سلمه .وانطرد من المدرسه وارسل المدير ورقة الطرد الي ابوه ومكتوب فيها( الولد مابه امل يحفظ جدول الظرب وصفقني ان صار عالم ذرة ونشويات )..وصاروا العرابجه ينحاشون لا شافوة ويومن سألهم ليش تتوارون من امامي ناظري << ابوك ياللغة العربيه الحميدة .
طالعوا فيه وقالوا ذاك اول يوم انت مزيون هالحين اذلف انت وخشتك اللي مثل جرس المدرسة. وهنا قرر الاطخم ان ينتقم من ابو خظير النظول شر انتقام وأن ياخذ بثارة. وأن يجعلة عبرة لمن لا يعتبر
ويختم سحيم الأبكم حديثه بها السمفونيه
( ادوح ..ددم ..ندود..ياددوم)
الترجمه ( بالروح .. بالدم..نفديك..يا طخوم )
(شكر خاص للاستاذ سحيم الأبكم على ها الحماس وتراك غرقتنا بسعابيلك طال عمرك )
(باب الحب عذاب ..تعيش ام عنبر ويسقطون بنات الحارة )
نظراً لأن حبنا يمر بمرحلة الشرنقة وخوفاُ من العذال والحسد والعين ما اقدر اعلمكم عن ها الحب العظيم .الوكاد اني اعتبره تكفير ذنوب وتخليص دين ودفعه بلاااء مالت عليها وعلى اخوها الاقشر بس

صورة الحبيبه ام عنبر سندرلا حارتنا والحواري المجاورة وهي توها طالبة بمحو الامية.ونلاحظه تسريحه شعرها واللي يسمونها تسريحة (الليمون الاسود) وتلاحظ عزيز القارئ ام عنبر وهي مبصمه ببراطمها ونظرة التحدي والشموخ تشع من خشتها تحس من نظراتها انها تشجعك وتحثك لتسطرها بعفريتةعلى ها الليمون الاسود اللي نابتن براسها. انا ما قهرني غير القلب الوردي ..و شجرة الكرز (شجرة الكرز = حنفية بيت ام عنبر اللي بالسطوح) مالت عليها وعلى كراعينها الشهب

صورة تجمعنى مع نسيب المستقبل امحق مستقبل السيد طبشورة وانا قاعدن ادربه السباحه في احد المزارع. وبيني وبينكم وديته لصاله رياضيه ادربه بذاك وشافناالفلبيني حق المسبح وقال ممنوع تسبح ومعك كفر سيكل.استخدم طوق النجاة وطردنا من الصالة..ويعتبر السيد طبشورة سبوق واسرع من النعامه وانا اشهد انه نشبه ودايم انا وهو هوشات ومكافخ والزين فيه اذا تبي تصرفه وترسله يجيب لك تميس من عرعر وانت بالرياض ما يطول دقايق وهو مرتز عندك والتميس معه الوكاد انه دبل تسبدي هو واخته ومتى يجي اليوم اللي اسدد ديوني وفتك منهم.
(باب المفقودات وياقلب لا تحزن)
حرصاُ منا على الامانه الأدبية والخلق الرفيع نبشركم انه حطينا باب خاص للمفقودات. يعني عزيزي المشاهد ان ضيعت شي تعال دورة بذا. واتحدى اي مؤلف صلح زي كذا مثلنا..

يعلن الاستاذ دحوم الرزة عن فقدان قدرهم من المطبخ وعلى المواطنين والمقيمين اذا شافو ها القدر في احد المجمعات التجاري او المستشفيات الرجاء ابلاغ اقرب مطعم مندي .وحسب ماذكر الاستاذ دحوم الرزة ان ها القدر كان يستخدمة نابليون بونابرت اثناء الحروب والمعارك كان يضبط الكشنه والكبسه ويعزم قادة جيوشه
.
.


يــــــتــــــــــبع
7
7
7
7

صورة نادرة لأبو خظير وهو منفص بعينه وفي حالة أصابه ضحية مالت عليه وعلى عينه. وقد صرح احد علماء اكتشاف اسرار المحيطات والبحار اليابنيين وقال اذا تبون تعرفون سر لغز مثلث برمودا لازم نعرف سر عين ابو خظير اول شي ..ويقولون ان به عالم متخصص بالليز روسي الجنسيه قال ان اسرع شي بالأصابه الدقيقه وما به امل تخطي الهدف.. الليزر همن عين ابو خظير افندي.

صورة السيد فرغلي الرومنسي وهو يسوي دعايه للكتاب امام محلة اللي يشتري الكتاب يعطيه اربع حبات دجاج . ونلاحظه فرغلي وهو فاق ها الابتسامة والله متدري ذي ابتسامه ولا فرامة لحم.. الوكاد ان وزارة الصحه قفلوا محلة بسبب انفلونزا الطيور وانا اقول له هارد لك يا كابتن فرغلي



انتهى

................................

الاستنتاج:
كثير من يتخذون المظهر الخارجي للشخص مقياس للحكم عليه
كثير اللي غرتهم المظاهرالجذابه. وانصدموا بالواقع المر التي تخفيها تلك المظاهر .
من السهل انك تشوف أشكال كثيرة ومختلفه ..لكن .. من الصعب انك تعرف الجوهر الداخلي لتلك الأشكال.
التصرف وحسن التفكير والتدبير بالمواقف والأزمات .تعكس لنا المظمون الداخلي لكل شخص بغض النظر عن شكله الخارجي .



وتقبلوا فائق التقدير والأحترام





قراسيووووووووووووووووس

يا لـــــــــــطيف....عطشت لين وصلت هنا.... كيف زمان كانو يحجون فى رمضان!؟
ولا إحنا مدلعين.... ولا مذابنا كوذيه مهطبلين ياذا الأجيال ....شباب الأمه

أقول
بطلع اشوف الصور مره ثانبه غير ولا وصدر إلا فى خير
هيا.... هستا لافستا أطخم باشا

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههه


أخوي الأطخم من أول مقال كتبته في هذي المنتديات كتبت وقلت أنك مبدع وهذا مايؤكد كلامي

وكلامك أروع من الرائع وإن شاء الله يكون هناك سلسلة كامله لهذا الكتاب الرائع



أكرر شكري وتقديري لك


أخوك ومحبك التمساح العااااااااااااااقل

هلاااااااااااااا فيك الاطخم

بصراحه تعبت من كثر مااقراء
هذا كله مقتطفات من كتابك

هذا والله موسوعة ماهو كتاب
هههههههههههههههههههههههههههه
هههههههههههههههههههههههه


بس عليك نسيب رزه شخصية
خخخخخخخخخخخخخخخخخخخخخخخ
خخخخخخخخخخخخخخخخخخخ

حظك والنسيب

تكفى المره القادمة قصر الكتابة شوى
علشان نقراء صح

وسلمنى على ام عنبر
هههههههههههههههههههههههه
ههههههههههههههههههههههه

والله يوفق،،،،

انا اشهد انك ياصديق مخ مااااااافيه .
موضوعك مهستر ومنتهي نمره واستماره خخخخخخخخخخالله يرج مخك ياشيخ .
والله شي متعوب علي واكراما مني راح اعطيك شهادة تختوراه فخريه تخصص زحف وصرقعه خخخخخخخخخخخخخخ
يعطيك الف الف الف الف (<<<<<< تستاهل اكثر )عااااااااااااااااااااااااااااافية .
وننتظر جديدك ز

اشكركم جميعآ على ردكم ومروركم السليم من غير قطع اشارات

اخواني الي ردو علي اخجلتو تواضعي واحرجتوني
وانشاءالله سوف اقدم بمافيه الخير لكم ولنى

اخواني
ارجوكم رجاء خاص اشترو الكتاب تراني مطفر والدين قصم ظهري وبصراحه ابي افتك
من ام عنبر

وشكرآ اخوكم المخلص والطالب الفذ


الاطــــــخم

قراسيووووووووووووووووس بطعم الفكه من ام عنبر

عانولي مانا ازعل واضيق الا من ذا يروي العون وذا يستغلني ذيه عسباب يتفقع عيوني

اقلك في ذمتك انت صادق في علمك ذيه كوله منذا اويقراه الله يهبله أأأأأ استغفر الله العظيم


ولا اقلك هيا زان زان

واقسمه خمسه وثلاثين جزو ام اقرا كل جزون يوم
ايوووووواه عبا ذلحيم

ريــانه شكلك من الحبشه

ههههههههههههههههههههههههههههههههه

مو كذيه يتكلمون اهل الجنوب


مذابك يوم انك تخربطين بالكلام ياوابه

اقول ماودك تشترين نسخه من الكتاب وتكسبيني دراهم ومعه هديه صحن بسبوسه ازين لك

والله يالأطخم أشهد أنك حكيم أحلى مافي القصة الأستنتاجات ويعطيك ألف عافية على أسلوبك العظيم










أخوك أبوغااااااااااااااااازي

اشكرك من كل اركان وزاويا قلبي المنفرجه

اخي العزيز ابو غازي اااانني اقولها لك ومن منبري هذا انه لفخر لي انك مدحت كتابي العظيم

واكرر شكري عبر رسائل الوسائط المتعدده والبلتوث وبعد البريد الممتاز

خخخخخخخخخخخخخخخخخخخخخخ

ياجماعة الخير بعد مداولت ومشاورات قررنا نحن مدير شركة سدو وردو للكهرباء وصناعة الورق والحديد وكل شي في الدنيا التالي:
عملية جراحية في أرقى المستشفيات في ألمانيا ولكن ذلك بعد تكرم الأستاذ الأطخم علينا بالموافقة.


وشروطنا هي:
[I]أذا كان جميل نجعلة سكرتير المدير وهو أنا طبعا[/I:
وام أذا كان غير ذلك فايمسك باب الشركة أحسلة




ونرجومن سعادتكم الرد علينا في أقصى سرعة ممكنة لأجراء الأوراق الرسمية وشكرا..

ملحوظة لغير الأطخم قرأتها/ العلاج سوف يكون في أفضل المستشفيات الألمانية وهي السعودي الألماني

أبوغاااااااااااااازي

بس دام انه كذا ابشر بسعدك بس الدراهم من جيبك لاهنت

وتراني انا احلى واحدآ بالحاره بس انتبه ترىا يقولون عني اشاعه لارحت وسالت عني لاتصدقهم وابشر مالك الا من يكتب محل الاطخم لبيع البسبوسه باسمك ولا يهمك

اهي وياليت تحط فلي راتب ترى زوين


وتحياتي وروودي من المحلات الي جنب مسشفيات السعودي الالماني

تقبل خالص شكري

اخوك الاطخم والطالب الفذ

الاطـــــــــــخم

يوووه السالفه طويله
وبعدين واللاته يا فيه شي هنينه انه يخرع
ونظرة تستخفي
في عرب مدري ين هنيه
نزلت تحت لقيت الاستنتاج
تذكرت ابلة الحديث
جاتني عقده
:S_0: <<مدري وش يبغى هذا بس انا وافقت

ايوه صدق
وش دخل الحوامل تمنعونهم حليلهم
اممممممممه امم المشكى على الله
خربو العرب