قصيدة في مدح المملكة العربية السعودية

قصيدة (حنا جنود الوطن)


المملكة ما هي مكان للإرهاب

أعز وأطهر بقعة بالوجودي

من دونها شعب يفادي بالأرقاب

والمسلمين اعموم عنها تذودي

بقيادة آل سعود زاكين الأنساب

ما غيركم حكام يآل السعودي

انتم هل العوجا تحلون الانشاب

اشبال ليث من عرين الاسودي

حنا لحكام الوطن شعب واقراب

نحمي وطنا ما نخون العهودي

قبلة جميع المسلمين اطهر تراب

عنها يصد الله عيون الحسودي

فيها رسول الله محمد والاصحاب

واحكامها في شرع خير معبودي

الدين واحد لا مذاهب ولا احزاب

لله وبأمر الله ركوع سجودي

واللي يخالفنا بلا ذنب واسباب

عساه بأمر الله لرشده يعودي

واما تعدل نغلق بوجهه الباب

ما عندنا له غير قدح الزنودي

حنا جنود للوطن شايب وشاب

بأمر الفهد يأمر وشعبه جنودي

أمن الوطن دونه مفتلة الأشناب

دونه جنود صامدين صمودي

معاهدين الله على الشرع بكتاب

بحماية الله للوطن والحدودي

امن الوطن ما يدخله كل مرتاب

يعدلون اللي بفكره صدودي

شبابنا لا يغركم كل نصاب

في ديننا الإرهاب ماله وجودي

يا الله ياللي من ترجاك ماخاب

تجعل وطنا في معزه وزودي

اعمارنا دون الوطن مالها حساب

على عهود اباءنا والجدودي

تمت ونرجي منك يا خير تواب

تغفر لنا يوم الجوارح شهودي


الشاعر
محمد بن ناصر العريني

صح لسانك يا محمد العريني

صح لسان الشاعر ويستاهل وطننا الغالي ذلك واكثر .

شكرا لك دكتورنا العزيز بارك الله فيك .

صح لسان الشاعر وتسلم على روحك الجميلة يا دكتور ..
تقديري ..

اختيار رائع وذائقة اجمل

شكراً لك