صدر السحاب

صدر السحاب

شاقني صدر السحاب اللي تدر اديودة
عقب ما جاله من المنشا هبوب ارياحي

سخره رب كريم مايمن بجودة
وانزله بأرض يعمرها الفطين الصاحي ‍

والرعد والبرق به ويسوقها من نودة ‍
والفشق والسيف عندي من خيار اسلاحي

بارقة سلات سيفي والفشق برعودة ‍
ماسبق صوت رعدبه كود برق لاحي

يحضنة وادي غوير ينعرف بعدودة ‍
لا ارتكا للمزن حدرله بسيل ماحي

يعترص في وسط بطنة حين لطم اخدودة
‍وايتغنا بالغنايم وقتها ويلاحي

يثبتة وسمه ورسمه والغثا بحدودة
‍والعيون الراهية ما قلها منضاحي

في ثرى عد قراح يحتمي بجنودة
‍لو تزاح الشامخات الصم ماينزاحي

نبع عينة يرتهي في ظل شف اورودة
‍ ويتبدد للضمي من جكر صوخ قاحي

همة اللي ما اشتكى نقصه ولا من زودة
يسنده درب القدا لاشاف علم ناحي‍

لو دروب المعرفة باقفالها مسدودة
تدري ان عندي على بيبانها مفتاحي‍

ولو تغار الغيمة اللي في جبال السودة
شردت سكانها والعالم السياحي ‍

والختام الورد طيبة والزهر من عودة
كل ماهز الهواء الغربي بغصنة فاحي

بيض الله وجه من يقوم بتنسيق القصيدة الامكانيات محدودة

لاجيت ونسق بيوت القصيدة

الفها منا فتنلف منا

عموما ..

اشكرك على هذه القصيدة الرائعة ..
وانا زيك اعاني في تنسيق القصايد

واعتقد هناك مشكلة وسوف ابلغ الإدارة بذلك

وصح لسانك

إحترامي