مختارات من قصائد سعيد بن ذياب

بسم الله الرحمن الرحيم

يسرنا أن نورد لكم مختارات من قصائد الشاعر سعيد بن ذياب من خلال

هذا الموضوع وأتمنى أن تنال رضاكم واستحسانكم


القصيدة الأولى قالها الشاعر ترحيباً بصاحب السمو الملكي الأمير خالد الفيصل

بن عبد العزيز آل سعود أمير منطقة عسير أثناء زيارته التفقدية لمحافظات

ومراكز المنطقة حفظه الله.

أنا أقول ليه النور فوق البلد منثور=وليه البشاير في سما الدار منثرة
وليه النماص أضحت كما النور في البلور=عقود وجواهر درّة فوقها درّة
وليه أحمد بن حسين في بهجة وسرور=وليه المشاعر بأعذب الشوق محترة
أنا أدري ولكن بعد في نشوتي مغمور=من الفرح كني ما أعرف اش صار بالمرة
فمعذور أنا وأحمد ومن مثلنا معذور=إذا كسب شوفة من يحب شوفته سره
هلا والوفا والحب له بسمة وثغور=تفسر مدى حب لوى أهل الوفا حره
هلا مرحبا ترحيبة ترتفع وتدور=وترجع كما مزن من العرش منكرّه
هلا ما سرى السراي في غبة الديجور=وما ردد الحادي نشيده وما جره
تراحيب نغذاها من المسك والكافور=تنشّر بشال نسجه الحب ومفره
يا بو بندر اللي بالوفا دايم مخبور=وطيب الشمايل وأبلج المجد له غره
أمير حكيم رايد بالبنا مشهور=ما هيب شهرة بالكذب والزيف مغتره
بنى ثم بنى أمجاد على النايف المعمور=ولو شاف مجد في مدى الشوف يفتره
مغامر ونجم ما انتظر صفقة الجمهور=على صهوة المجاد له كرّه وفرّه
نقول استرح قال أبك ناخذ من الميسور=وهوما ترك عسر الين أدركه مره
وصارت طبيعه ولو نحطه في أرض بور=بناها شوامخ مجد ما كنها ذره
ومن كان في سيرته ومواقفه مبرور=أمانيه تتحقق ورب الملا بره
كسبت المعالي لا مكابر ولا مغرور=ولا أنت الذي تغريه لامداح وتغره
مدحناك مدح من مشاعر غلا وشعور=على أفعال ماهيب سالفة حب أو كره
تعديت بأمجادك وطاريك سبع بحور=وأنا أدرج غي أبها مثل طارش بني مره
حباك الله فؤاد بزند الطموح يثور=وتعسف له الأمجاد غصب ومضطره
إذا الله عطى الإنسان قلب جسور ونور=يصلدفه طيب الفال في بحره وبره
بليهان لا برّك وحك الركاح بزور=يزم الحمل والخف يهبد به الحره
وجور الفتى عالنفس للطايلات مهور=ما يعرف مذاق الحلوه إلاّ من المره
ترى الدهر والتاريخ ما يرحم المثبور=يقلّب عليه أوراق سود ومغبرّه
يزيل القناع ويتضح للوجيه سفور=ولا عاد ينفع قول يا ليت لي كره
حاشا إمّا أنت يا خالد تعداك علم الزور=وديوان مجدك لو نفره مية فره
فتاريخك بماي الذهب زاهي مسطور=نقول ويقول الناس يالله دره
تواضع وشموخ وحلم واشراقه وحبور=وهيبة ملوك بشيمة العدل مكبره
أخذت أكرم الحاضر خطفت أدسم المنظور=وحاسدك من حسرته يستاك بظفرّه
ذرى فيك ذيب ذياب نعرفك صقر صقور=ونسبرك فوق سهيل لك سير ومجره
تجينا فحييناك باطلالة وزهور= وحب سويدا القلب منبعه ومقره
فمشكور يا خالد على زيارتك ماجور=ولا هو غريب دارك تجيه وتمره
وماجور يا خالد على جيتك مشكور=يثيبك بخيره ربي وجنبّك شره
ولا يا هنى أولادك على مجدك المنشور=كما البز لابيض ما حد عاب أو شرّه
لنا مطلب واحد يابوبندر بهالطور=نبي بيب ماء متحوبل كنه الجره
ولا حد يجي يمّه ولا يفتح الصنبور=فقط كلما أشتقنا لكم نبرد الحره

الأستاذ أبو ريان
دائماً من السباقين للنادر المفيد
أشكر لك هذا النقل ونأمل أن تتحفنا بأكثر من هذا وخاصة أن القصائد لشاعر كبير
وشاعر معروف على الساحة الشعبية فلك وله أتمنى دوام التوفيق

ابو ريان

الله يعطيك العافيه يا غالي

شخصياً كنت أتمنى ان أشــاهد مثل هذا الموضوع

ومبادرهـ رائـعـه للإطلاع على بعض قصائد هذا الشاعر العملاق

تقبل خالـــص الود

قصيدة رائعة جداً .....من شاعر كبير كسعيد بن ذياب.
ويستاهل خالد الفيصل .....

شكراً لك أبو ريان .

هذه القصيدة قالها الشاعر بعد رؤية الصورة المشوهة للديمقراطية والحرية الغربية

التي يتشدق بها بوش وإدارته الفاشية وحكاية الشرق الأوسط الكبير الذي يريدون

بأفكارهم السوداء رسم خريطة جديدة له وهاجموا من خلال وسائل إعلامهم الشعب السعودي

وحكومته الرشيدة وحاولوا ولا زالوا يبثون الدعايات الواهية على مملكة الإنسانية

وبلاد الحرمين الشريفين وقبلة المسلمين وقبلة الكون.


الـــــبــــــــدع

يا من أجرى سفينة نوح وارسيتها في بر الامان

داو راعي الجهل بالرشد واللي حداه البله داوه

فانك الحاكم المتصرف إن قلت علم ندرا

الامل فيك يا ربي وصدق الرجا وتحريتنا

تفقر تغني تعز تذل تكسي عيال اللاش يوخ

نرتجي الخير من كفك وزود النعايم والفضول

مالك الملك والاكوان وعنانها بيديك لام

وانا مؤمن بربي واتصفح كتابه واقرا طيّه

حيث ذا مؤمن بالله له منج واللص غير

سر مع اهل الوفا والطيب والمرجله يا للي تمنى

لا ترافق خباث السعي للمورد اللي مر مرّ

يوم أرى ساعة الأحداث في صفحة الأيام تشر

قلت يا قلب مالك والمشاريه ولبوشك لها

كم فتىً له طموح حال من دونها وعدٍ وعد له

يا عسى ما نهبط اسواقنا إلاّ شموخ بلادنا

ما هيب اسواق مربية الربا من ورا كيل أهلها

وأنتم يا أهل القصا لا تجذبون القلوب إلى قصاكم

لأنه مثل المرض فتاك فعله وخلق الله أبوه

وأنت يا اللي على ما يرضي الله لزين الراي تلحق

دام للخير ساعات ومواسم نبي منها جنى

الـــــــــــــــــــــــــرد


ليت أبو يه ديمقراطي ونسوي برلمان

ثم يسمع كلامي مثل ما سمع كلامه بالهداوة

وانتحاور بلا قمع وتسلك وارايٍ وند اراء

ليت ما غلق شيوخ القبايل نوافذ حريتنا

لا ولا خرموا صدر المجالس على غير الشيوخ

لا وحرية التعبير ما قالوا انها شي فضولي

ليتهم يسمحون اشبع فضولي كلامٍ في كلام

أتغذا ديمقراطيةٍ وأرتوي ديمقراطية

وإن حرية الراي أصبحت للكبير وللصغير

ليت يا ليت كم كررتها لين ملّت ليت منا

كنها حلم ليل وكنها سحاب صيف مر مر

قلت يا ليت لكن بعد ماشفت بوش وعصبة الشر

قلت يا لعنبو حرية الغرب وابو شكلها

دام هذي ديمقراطية الغرب وانصافه وعدله

السموحه يا ابونا والعذر يا شيوخ بلادنا

أنا أصب الكم القهوة وتبقى المراكي لأهلها

شرقوا غربوا حنا عصاكم على كل من عصاكم

سمعٍ وطاعةٍ وبوش يعقب وخيّب الله أبوه

حن عرب سلمنا معروف حن مسلمين لراية الحق

ما تغيّر ثوابتنا ولا يختلف منهاجنا

سهيل الشرق

سيف العرب

الأشقر

أشكر لكم مروركم الكريم وبإذن الله سنحاول إضافة بقية أشعار

هذا الشاعر من خلال هذا الموضوع ولكم التقدير

أبو ريان

أسعدت مساء ، وبيض الله وجهك ، ومتعك بالصحة كما أمتعتنا بهذه القصائد .

وصح لسان أبو ذياب وبيض الله وجهه على هذا الأسلوب الرائع الجميل .

أبو مشعاب مرور كريم ولاهنت

وانتظر القادم للشاعر سعيد بن ذياب

وهذه قصيدة للشاعر سعيد بن ذياب بعنوان( عزاء وبيعة) وقد قالها الشاعر
بين يدي مولاي خادم الحرمين الشريفين في قصره حفظه الله

يامن له الأمر من قبل وبعد يا منزل الآيات = لحكمك صابرين وسنتك فينا مواريها
تباركت وتعالى اسمك وما تامر علينا آت = نريد أو ما نريد اللي يريد الله واليها
فقدنا غالي حبه في اقلوب الغلا ما فات = أبوُ شيخ زعيم لدولته عزز مباديها
ألا يا روح فهد المطمئنة بايمن الدعوات = إلى الله راضيه مرضية ٍ والعفو حاديها
ألا يا لله تغمره بملايين من الرحمات = وسكنه بجنان الخلد طوباها وعليها
بحق صراخ طفل ودمع شيخ وزلزلة وآهات= بحق الراعي اللي عالرعية كان راعيها
توسع مدخله واكرم نزله بكوثر الجنات= وروّه سلسبيل واطعمه كرمة دواليها
فهد فهد المراجل والمواقف ساعة الزحمات= رسى لحمولها واشتالها وادرك مغازيها
فهد فهد المحبة والسلام وشامخ الرايات = ليا منه بدا يطفي الفتون ونار موشيها
فهد فهد الإعانة والإغاثة صدق أبو الفزعات= مع أول داعي للخير تلقى اسمه يلاقيها
فهد يا خادم البيتين كم في اليمين هبات= جعلها مسرح ايمانه وتفكيره يناجيها
لو انه ينفدى جينا ملايين لابو الطولات= نبيع أرواح مجاني وروح الفهد نشريها
لو انا ما نموت ان كان قلنا نكبة النكبات= ولكن البقاء لله باولها وتاليها
سهام الموت ما عنها مصاف ولا لها درقات= تجي مامورة باحكام رب العرش تبريها
يارب احسن عزاءآل سعود واكرم وارحم اللي مات= وعاف الحي وارشدهم سبلك اللي انت راضيها
ووحد رايهم وارفع نباهم واصلح النيات = وسددهم على خير البلاد وخير اهاليها
عزانا يالشعب فيكم يا مال الخير والطيبات = يا بيت الجود يا آل سعود يا فرحة مناديها
اذا بدر غرب يشرق بدر متوهج الطلعات = ويبقى الخير موصول بدار ٍ حبنا فيها
يابو متعب وانا في موقف كله نقا واثبات= أغص بعبرتي ويردها إيماني ويثتيها
يدٍ تمسح دموع الحزن وايدٍ ترسم البيعات = إلى اللي ربٍ اختاره زعيم القوم باديها
نمد لك اليمين على الوفا في العسر واليسرات = يمين عن جميع الشعب قاصيها ودانيها
يمين ما تغيرها محون أيامنا الصلفات = ولا يخلع لزمها إلا بشر مالله بهاديها
يا عبدالله وحبك له مرابع في صميم الذات = يمين الله كل الشعب يذكرها ويرويها
سألت اللي بحمده سبح الرعاد في المنشاة =ومن جلى النهار بزينة واغطش لياليها
يهبك العون والتوفيق والراي السديد البات = ويمنحك الهدى والنور في ظلمة ديا جيها
ويشد ازرك بسلطان سيفك أينما الوجهات = ويجعل حظكم نو يسمهر في علاليها
يقوله شاعر حب الوطن في ذاكرته أبيات= أرددها وادونها وطول الوقت أغنيها

وتقبلو خالص تحياتي ووفق الله الشاعر سعيد بن ذياب فقد رفع رؤوسنا
وصح لسانه وبيض الله وجهه

ابو ريان

سلمت على المجهود الطيب


وصح الله لسان بن ذياب

وليس بغريب على ابوريان الابداع واختيار كل ماهو رائع

فالك الطيب

هذه القصيدة قالها الشاعر متغنياً في النماص

النماص أرض الوفا وأرض الغلا والكرمات=والرجال السالمين الغانمين الطيبين
فوق في روس النوايف شيدوها أهل الثبات=لبسوها العز حلة والشرف تاج مكين
قلعة في منتها للمجد والعزة صفات=درة مصيونة ما ساوموها الطامعين
شامخة بشموخ اهلها مالكين المكرمات=طيبين الأصل في مشرى الجمايل كاسبين
ما تغيرهم تصاريف الزمن والنايبات=الولاء والعهد منهم للقيادة حافظين
الفتى منهم تربى عالوفا والطايلات=ماتردى والغلا جاء من شمال ومن يمين
داعية عمري وشهري واردين الكايدات=يوم للشدة مواريد وللصولات حين
أشهد إن المدح فيهم طاب من كل الجهات=يا مزبنة الدخيل ويا عذاب المدعين
في نماص الخير نطّمنا عقود القافيات=من جواهر من درر من مكنوز ثمين
لاجل تستاهل نماص الحسن كل المعطيات=الله اللي حطها سلوة عيون الناظرين
في النماص الحسن له معنى وللنظرة شتات=الجبال أغضان تتمايل وسهل ما يلين
للطبيعة سحر أشهى من عيون الفاتنات=للجمايل أبعاد تتعدا مسافات الحنين
في روابيها يطوف الشوق بصيود المهاة=والزهور بطيبها يتجدد الحب الدفين
كان ترجيع الصدى لا غرد القمري وآهات=من فؤاد مثخن بالجرح من جور السنين
لو تطل مع شفاها تاهت النظرة ساعات=تحسب إن التهم بجبال السراة معلقين
من شفاها هجرس الما من على صدر الصفاة=تسمعه لحن وبلور تراه بألف عين
المهم إن المعالم والشواهد بينات=لو يقول اللي يقول وينظمون الناظمين
النماص الواسطة في العقد بجبال السراة=ما بخل ربي عليها زادها من كل زين
كلما جينا النماص خطاي حيل مسرعات=وإن تعدينا النماص خطاي قالت وين وين

الأخ أبو نايف شكراً على الإضافة الرائعة لقصائد بن ذياب

وأتمنى أن توافينا بالكثير مستقبلاً


الغراني مرور كريم ولاهنت يا الذيب

أسعدني مرورك

بيض الله وجهك اخي العزيز ابو ريان على ما سطرت لهذا الرجل الخلوق صاحب المواقف المشرفة لبني عمر و فلك وله جزيل الشكر
والحقيقة ان قصائده درر ثمينة تكتب بماء الذهب

العلالي مرور كريم ولاهنت

وسعيد بن ذياب مثل ما قلت شاعر معروف لدى الجميع

ونسأل الله له التوفيق

قصيدة البرتقالة

الــــبدع


يالله ياعلم(ن) تاريخ ما عدا وما سوف يات

أنت ما غير اللي بيده التدبير والأمر كان

تنبت الزرع في الأرض الجديبه لو افلس طينها

فوق سبع السما والعرش الاعلى منصب الملك راسي

راسي(ن) كيف ما شا كيف ما يعلم تجلّى وعلا

يوم بعض البشر في موقفه مهزوز وإن راج مات

يالله لا احرمتنا من موقف كل(ن) يحب ارتقاله

نرتقي صهوة الامجاد بارسان الوفا والعنان

الــــرد

كانت امريكا تتحاشى وتخشى دولة السوفييت

واما ذا الوقت عاثوا واستبدوا العالم الامركاني

من ورا قندهار إلى العراق الى افلسطينها

والله ماذلنا منهم لكن الذل حب الكراسي

حبها أعمى بصايرنا ما ندري تحت ولاّ على

أجمل الحان بوش العزف عالصاروخ والراجمات

وانحن نعزف هزايمنا بلحن وغنوة البرتقالة

وان نقص نقص من شارون ولاّ بوش وفىّ عنان