%% أبو ليلى شددددددددددددددد احزاااااامك ,, %%

المشاركة الأصلية كتبت بواسطة دكتور المنتدى

شعار مبدعين ............وعساكم على القوة ..........معاني جزله وحبك وسبك يرفع الراس وهذي مشاركة ليس لهل علاقة بالمحاورة .........فمحاورتكم على ماهي عليه..........تقبلوا تحياتي .......وحنا معاكم متابعين ومستمتعين


الله الله من سـبك نـشوفه ومن حبـك ونـغم
والمعاني تلامع مثل نجم لمع باعلى سمانا
من بدع نجم والي رد نجم ويلمع في سماه
انت تعرف مكانتكم وانامثلكم داري وعارف
غير بالله زيدوا من القــصايد تشنف سمعنا
غير بالله زيدوا من القــصايد تشنف سمعنا

حيّاك الله وبيّاك دكتورنا الكريم
وهذا الرد إحتفاء بمقدمك بغض
النظر عن المحاورة :

مرحبا يا معنّا ليس في القلب والآبدان غمّ=
اقلط الله يحيي مقدمك عند من يذبح سمانا=
قدر لحْيتك شيمه والندى وافي ٍ وتحسّ ماه=
علم ثابت سوا انت ولا من جانا من ربع ومعارف=
واجب الضيف له في خاطري حشمةٍ وايّا امْعَنا=
واجب الضيف له في خاطري حشمةٍ وايّا امْعَنا=

هههههههههههههههههه
ارحب ارحب يابو عوض
ياويلكـ مني

لا احتدم ليلنا فابشر بنارٍ وبارودٍ ودم
ياعسانا ندسم شاربك ياصحيبي ياعسانا
لين تصبح مثل من يعرف الدرب لا حصل عصاه
العرب بعضهم صالح وبعض العرب بالي وتالف
لكن الطب عندي نشقةٍ من غبار خيولنا
لكن الطب عندي نشقةٍ من غبار خيولنا

يا مناطح جبال الضور راسك تهشّم وانعدم=
هوّن ابروحك اشويّه خُطاكم تقصّر عن خُطانا=
واللذي تاه بدروب الخطا لازم ٍ يحمل خَطاه=
والله ان تبطي عظم ٍ يا مسيكين في حاضر وسالف=
ما تجيب المثايل مثل ما انجيبها في بدعنا=
ما تجيب المثايل مثل ما انجيبها في بدعنا=

العاصي يندعس بالنعل والكفو رجلٍ ينخدم
وانت منته بعاصي بس بادعس بكـ اللي قد عصانا
فانت شخصٍ يشيل الحمل ويوفّي اللي امتطاهــ
والله انّك رفيقٍ وافيٍ في طريق الشوك حالف
ماتلامس رجولي شوكةٍ لا ولا تلمس دنا
ماتلامس رجولي شوكةٍ لا ولا تلمس دنا

كان ودّي الترفّع عن َبعَض ما بدر منّك وتمّ=
وانا من عادتي يدّي رفيعه و ندرا من زرانا=
ليس ذلّ ٍ ولَكنَها سجيّه كريمه يا حصاه=
والخطل عادته يرمي ومخّه به الأقفال صالف=
ويش يدريك يا ذا الثور من قابلك إنّه أنا=
ويش يدريك يا ذا الثور من قابلك إنّه أنا=

الكفو لاهرج يرقى سنودٍ وغيرهـ منكتم
وانحن الليا ضربنا نوجع الخصم مانحسب خَطانا
وانت ياسعيد ذا الليله معي وضعكم مثل الفصاهـ
با تعداك واطوفك وباامر جنبك ثم بالفّ
لكن الثور والهيشه سوا في نعيم وفي هَنَا
لكن الثور والهيشه سوا في نعيم وفي هَنَا

بحرنا بالمنايا يلتطم ماللكم حتّى اللكم=
ما تخوضه بوارج و البواخر تغوص ابكل حينا=
كيف بك وانت مثل القشة الي تناثر في حشاه=
الشعر ليس لعبه و افهم العلم يا مال المذالف=
الشعر له قواعد سبك و الحبك هو منطوقنا=
الشعر له قواعد سبك و الحبك هو منطوقنا=

شعراءنا المحترمين
في الحقيقة كنت اداخل للرفع من روحكم المعنوية وتشجيعكم ،،، اما الان اصبحت بأمانه اداخل اعجاب بما تطرحونه !!!

قد تحرج القافيه اذا شاب القاف الشاعر ،، ويقول كلمات ،، لو وجد غيرها ما قالها ،،، فإما تتنازلون عن القافيه او لا تبالغون في الرد على المعنى !!!! واصدقكم القول ان كبار الشعراء فقدوا بعضهم لهذه الاسباب ..


اما هذا الدكتور /// فانا معجب فيه ،،، ولكن حولوه لي العيادة اقراء عليه ههههههههههه
والسبب ما ادري الا وهو وسط العرضة برزفة والله انها زينه ،،،
لكن ما هو وقتها !!!! سلموني الريال ،،، عساني القى له علاج .


اخوكم
حكيم المنتدى

سعيد عوض العمري
و
ابوليلى المهلهل


يعطيكم العافيه وعساكم عالقوة

المشاركة الأصلية كتبت بواسطة حكيم المنتدى

شعراءنا المحترمين

في الحقيقة كنت اداخل للرفع من روحكم المعنوية وتشجيعكم ،،، اما الان اصبحت بأمانه اداخل اعجاب بما تطرحونه !!!

قد تحرج القافيه اذا شاب القاف الشاعر ،، ويقول كلمات ،، لو وجد غيرها ما قالها ،،، فإما تتنازلون عن القافيه او لا تبالغون في الرد على المعنى !!!! واصدقكم القول ان كبار الشعراء فقدوا بعضهم لهذه الاسباب ..

اما هذا الدكتور /// فانا معجب فيه ،،، ولكن حولوه لي العيادة اقراء عليه ههههههههههه
والسبب ما ادري الا وهو وسط العرضة برزفة والله انها زينه ،،،
لكن ما هو وقتها !!!! سلموني الريال ،،، عساني القى له علاج .

اخوكم

حكيم المنتدى

حيّاك الباري يا حكيم
وبصراحة على قدر ما تعجب من الدكتور
إلا أنني أعجب من تحليلك ونظرتك الثاقبة
وكلامك في مكانه وهو مطبّ الشعار
أو محكّ الشعار إن صدق التعبير,,

أسعدني مرورك و مداخلتك
ولك مني كل شكر وتقدير ,,

المشاركة الأصلية كتبت بواسطة امرؤ القيس

سعيد عوض العمري
و
ابوليلى المهلهل


يعطيكم العافيه وعساكم عالقوة

حيّاك الله يا الحبيب الغالي,,
في الحقيقه أنت وأبو ليلى لكم قدر كبير في
خاطري وعلى قدر ما تشرّفت بالمحاورة مع
ابو ليلى إلاّ إنني أحنّه كثير من أغلب
الردود و كنت أودّ محاورتك ولكن هوّنت
فإما أن نكون صفّا واحدا وإلاّ فلا ,,

الله اللي شفا المرضان واللي شفا الصم البكم
الزعل ماورد بيني وبينك ولو ترضا رضينا
والمشاريه ماهي لي ولا اسمع هروجٍ للوشاه
لا تخبط في المعنى وفي القاف تغرف بالمغارف
فانت تورد نياقٍ هينه ماتساوي نوقنا
فانت تورد نياقٍ هينه ماتساوي نوقنا

ههههههههههههههه

الله يغفر لنا فيك يا ابو ليلى ,,
استلم يا حبّي /

المزاين نورّدها ولا نقنيَ الاّ هيْ وقمّ
والجهول اللذي ينكر يثرثر وحنّا ما علانا
يوم ما تقني الاّ الجُرْب في ذودك ولاْ لك غناه
ما يهمّ ان زعلتوا وانْ رضيتوا علينا يا معارف
الدرر والذهب وايّا النفايس تروج ابسوقنا
الدرر والذّهب وايّا النفايس تروج ابسوقنا

انا نفسي عزيزه لا عفينا عفينا ما انتقم
لكن اشوفك الليله بذيلك تلاعب كالحصَانَا
لا تعود مثل مداح ميت ولا فاده غناه
ياولد حاسب امن السيل لاجاك متعلي وجارف
وانا بشريك وابيعك وسعرك ترا مايعوقنا
وانا بشريك وابيعك وسعرك ترا مايعوقنا

انت بيّاع للرفقه وانا شاري العهدو ذمم=
يوم بعض العرب شيمتْه في ركبته يا جعل ما انا=
مثل طبعه عسى الله لا يحيّيّه ولا يْحيّي نباه=
سيلكم ينحدر في بحرنا هيّن ٍٍ ماله مصارف=
لا يزوّد ولا يِنْقص ولا له أثرْ في كمّنا=
لا يزوّد ولا يِنْقص ولا له أثرْ في كمّنا=