;<عهدي بها قــدام تلبس عبــايــه&lt

((( عهـــدي بهـــا قــدام تلبــس عبــايــه )))

--------------------------------------------------------------------------------

عهـدي بهـا قــدام تلـبـس عبـايـه =وانا بعـد قبـل البـس شمـاغ وعقـال
طفليـن نتهجـى حــروف الكتـابـه =الله يامجـمـل سوالـيـف الاطـفــال
كانـت لنـا فـي كـل شـارع حكايـه =وكنـا نقـول علـوم ماهيـب تنـقـال
وكنـت اتقـاســـم مامعـــاهـا مــعـــايــه =من( عسكريم )التوت ل(العلك) بو ريال
وكانـت بعينـي شاطـره بالقـرايـه =تقـرأ جـزء عـم وطــه والأنـفـال
وانـا لـك الله مـن مـواري غبـايـه =مدري ابو نقطـه هـو الـذال او الـدال
وكانـت لابويـه تشتكـي مـن شقايـه =وتعلمـه كيـف اربـط البـاب بحبـال
ياما على ظهـري ضـرب مـن عصايـه =يقول لي : خلـك وانـا ابـوك رجـال
وامـي تقـول : ادع لولـدك الهـدايـه =خوفي يصيبـه كثـرة الضـرب بهبـال
لا شفتهـا مـع اول الــدرب جـايـه =مدري انا اللي ملـت والا الوطـا مـال
أحـس قلبـي يرتجـف فـي حشـايـه =ماكنـه الا الضيـف لا هـز فنـجـال
ياما عـن ( السعلـي ) تخبـت ورايـه =لا خوفوهـا فيـه ثـم شافـت ظــلال
تقـول خـلـك يــا(محمــد) معـايـه =واستانس العـب عندهـا دور الابطـال
واغـار حتـى مـن عيـون اصدقايـه =لاطالعوها قلـت تكفـووووون ياعيـال

تسلم...و حلوه هزة الفنجال...

الله الله الله
على الذكريات الرائعه
على ايام الطفوله والبراءه والذكريات الجميله
على الزمن البريء

ابو سعد
حكايه لابد ان الكثيرين مروا بها وفي داخل كل انسان قصة براءه لم يمحيها الزمن
ذكرياتها الجميله تظهر بين الحين والاخر


يعطيك العافيه

يعطيك العافيه اخي كابتن المحترم


مشكور علي مرورك الراقي والتعليق المميز

ولكم تحياتي

هلا والله الاستاذ الغالي ذات الشات المحترم

سعيد جدا بمرورك الراقي وتعليقك المميز


ولكم تحياتي