حـلـبـاء مـوووول في ضيــافــيــة الــبــيــت الأبـيـض .....!

سلاااااااام ياربعي

مرحبالي مياااااتي في مياااااات وان قلت مليووووون فلاني بكااااذب

وكل عام وانتو بخير وعاد عيـدكــم ويا مرحبـا بكم

كـم بـاقـي عن العـيـد ؟؟

مسـرع الأيام لا إله إلا انت سـبـحانك والله ان كأنه امس يوم سرت جـده وعنونه عـدى ثلاثه شـهور آآآآآمنت بالله قـول يالله وأقـول يالله ان الله يـحسن خاااتمتـنا وإن يثبتنا على القـول الثااااابت

العـلـم سلاااامــتــكــم



قبل امس كنت جالس حـذا ومــي وبــويه ومانـتـقـهـوى ونشوف وش علينا وما علينا نتـلفـت في الأخبــار بعد صـلاة المـغـرب ونشـوف مذا حـال العـالم من حـولنا مآآآسي ومصايب عسى الله يكفينا ، ومي ما تبكي وبـويه ما يـضحك وانا بـينهم ياواااااابه مال ذوليه فألتـفـت في بويه قلت مالك تضـحك قال : ايني ما اضحك على ومـك عين لو قالوا ان فيه بـسـه ماتت في روسيـا الأتحـاديـة بـكـت بكاء خـلف ... واللتفت في ومي قلت مالك يا ومـه قالت : ايني مابكي على ضـعـوف عينهم في التلفزون يـصـرمـون القـلب وتـهل من ذا الدموع بـي عنـها ......

وهنا وقـفـة تأمل لشـيـبـانا وبعض الـقسـوة الي يحـملونها وإحنا الي رحنا ضحـيتها لكن مو هذا محور حديثـا لان هذا الموضوع وما صاحبه من ملحـقـات يبغى لها منـتـدى كامل لحالها

العـلم ياطوال الأعمــار عـهدي بعمـري يوم هـبـت المـركأ وراء راسي ومديت ريـلي وعين مغمضها وعين مبـحـلـقهـا وأذكر اني اخر شي شفته قبل ما ارقــد بـويه يوم شال العـيـمـه حـقـت التـمر من ثـمـه واهبها في الصحن فأرقد بسم الله عليه بكل اسم واحلم حلمن ولا في الحلـم

فكــري اني نـزلت من كــابــرس SS سـودا طــــــــويـله إلاهو يوم وطاني السواق عند بـوابة (( الـبـيـت الأبـيـض )) فأنزل ياولد هو قصده يوم نزلني هنيه يعني اني وادخل البـيـت ذيه ولا انا امسك الرصيف ذيه وعاد احصل المواقف مواقف الباصات

فـعـود انـزل وافتح باب حوش البيت الأبيض الســلـفه (( سلك سحبته يدخل من داخل الباب يفتح من مقـبض السلفه )) فأدخل إلا طلااااااااااقه انهم صـف كاااااامل قـبلي من اليمين إلى اليسـار :

جـورج بـوش // رامسـفـيـلد /// كـولون بـاول //كونـداليزا رايس /// لـورا بـوش (( مرت بوش )) وبنـاتها الثـنـتيـن

ومـلا دخـلت إلاهم كلهم بصـوتن واحد : ارحبووووووووو مرحبا مليووووووووووون

فألتفت ورايه لا يكون وراي انسان ........ ياولد هو ليه الترحيب ذيه كله إلا قسـم انه لي ...... فتعال يا بـوش قال : مرحبلي يا بو علـوه تراحيب المطر قسـم اني خـجـلانن منك يا ولــد لا عاد اتصلنا عليك ولا عاد سمعنا صوتك ياخي اشغلونا بالأنتخابات في الاسابـيـع تي عـدت عين قسـم ولو عـوانـيـنا وأنسـابنا اني لاقـد وصلـناهم وإنــي لا قد طبيت عندهم وزيد جوالي كـان مـفـصــول لا عاد معي إلا جـوال المره ولا اطيق اخذه منها إلا إذا رقدت ولقيت شـر المحصـٌـل لا تزعل ولا تاخذ في خـاطرك علينا وابشر بالحق غير تعال ادخل ذبحنا البـرد هنيه (( كنا في اليـرين ))

فيـه يصـيح على كـولون باول ورامسـفـليـد : ولد انت وياه سـروا قـوام افتحوا المـيـلس وولعوا النـور هي قـوام (( الله من شـحـنـتـن كانت بـالمـخـنفـر كـولون باول يـوم صـاح عليهـم قدامي ))
فنـعود نمشي انا وياه في اليـرين شويه فقـوله : منـيـن او نـدخل منيه ولا من الباب ذاك ..؟

قال : لا لا عيدك منيه عين ذاك مدخل الحـريم .. انت تشوف السراميك ذا تو المدخل والجبس ذا فوقه قسم يا بو علوه انه كلفني حول الخمس طاعش الف لك الله (( عبى الشيـبان يعلمـون بكل صغيره وكبيره شي يوده في بيـته ))

وأيـنا ما نتمشى شويه فيـه يقول : ابو علوه .....قلت : إيذاااااااني ........ قـال : تعال تعال وأوريـك بـلادن عمـلتها في البـقـع ذا تـونا وابـشرك زيد سـرت يـبـت مــورٌه أبيـار (( بتشديد الراء )) من البـرازيـل فـوره لي الماء تونا هنيه فـاصقـع بـ خمسين متـر إلا يوم طلع لي الماء في 30 مـتر فأكمل الباقي وابشرك أيـنا نـظـل نشـرب منـها ونسقي الغروس وزيد شفت الماصوره تيك ينـدر الماء فيها لين يـوصل البـراده تي هبتها عند الباب انت شفتها يوم دخـلت ؟؟

قلت : عساها من حيذ وطــٌـاني السواق ....... قال بـوش : اسلم اسلم زيد طلاااااااقه لو كان سـلمت منـاقــرة (( جــون كــيري )) عـليـها لكن قسم اني قـعدت في نحره اني خذتها البـلاد تي تـوك تيه كـلها

قـلت له : ليه مذا قـد عبي بك ..؟

قال بوش : ريال سـار تربـع بـي عـند (( تـوني بلـيـر )) وعـند (( كــوفي عنان )) عصـرية اولت امس ولا وعيت إلا توني يدق عليه يقول : إن الريال يـاه واشتكى عليه عنده يقول اني شبكـت بـلاده وبـلاد اخوانه ويقـول انهم ورثوها من (( كـندي )) ومعهم شهود ومـزكيه على كلامه

قـلت له : ايوه ومذا عبيت انت يوم قالك .؟

قـال : طلااااااقه اني نشبت لهم في حلوقـوهم ريال معي صكوكن عليها وكل صك فيه توقيع اكبر من راسي غير كوذيه ملا ودهـم ينكـدون علينا صـيفيـتـنا

عيـنها من الضرب ذاك انت تشوف الحيـد المـلون وسـط الثماله هناااااااك ......... ايوه ايوه اشوفه ....... قال : عين من حـدها من هلم إلــــــــــــــــــــى الشبك ذا في اخـر البقع كلها لـي

فكري اني قلت له : طيب منذا هي له البـلاد الي وراء الشبك هناك ..؟
قال بوش : ريـال يقـولون انها لكهـله ماتت من وحيــٌـاه يقـولون انها وصـت عليها انهم يهبونها كنيسه بعد ما تمـوت (( كنسوها في جنهم )) لكن شوف محلى الضيعه من بثورها تركوها كوذيه لاهم الي باعوني اياها ولاهم إلي عـملوها

وأيـنـا ما نروي ونسولف إلا يوم ظهـرت بـنـته مع البـلكونه تصيح : واااااابه يا واااااابه ......... بـوها : رمااااااااح ........ بنته : تـقـول ومـي ترا العيـش بـرد تعالوا كـلـوا بسـرعه

<<<<------------


قـال بـوش : هيا اقولك مشيـنا مشيـنـا عين المــره قـد قـامت من صبح سمعتها وحيـها ما تخوس في المطبخ قـد يـودت لـطـف ومعاصيب وشي يحبه قلبك ........ قلت هيـا سـرينا

فـنـعود ندخل في المجلس فألتفت يمين على المقـلط إلا فيـه فـراش وشرشف ومخده وقـمـيص مـعـلـق فـعـود اقـول : بـوش ريال مـنـذاهـو مرقده ذيـه ......... قـال بوش : أيه فـراش (( تـوني بـلير )) إذااني ولاني اعلمتك انه جانا السبوع ذا عـدى .......... لاوه لا اعلمتـني ......... قال : الريال اقبل السبوع ذا طاف تـفـاعـظـوا هو ومـرته افلحت عند عوالها وهو اقـبـل عندي قال او يقعد السبوع ذيـه وذا بعده ......... قلت لـه : وينه طيب ماشفته ...... قال : منه قد قام قبل ماتـاي قـال او يـروح ياخذ بدلته من عند الكـوٌاي (( المـغسـله )) ......!!!

فنـدخل الميلس إلا ذا السـفـره قبـلنا إلا المشاغيـث والمعاصيب والسمن فـوقها والعسل يالطييييف ..... عـودت قـلت فـيــك يا بـوش !! قـال : ريال طلااااااقه انك زيد لو قلت انك او تـاي من بدري كان صـقـعت بحاااااااشي (( امـريكي )) لكن في الليل او تشوفه غير عـد اقـعد هناك وكل قبل لا يبـرد

فعدي اقعد فألتفت يمين ويسـار في السـفره ........ قال بوش : مالك مذا ودك به ؟؟ ...... قلت : عسى هو فيـه لبـن ......... بـوش : ابو ولـدي إذاهم ماهبـوه ........ ام اشهق شهقه ام صح كنوداليزا راااااااايس ،، كـونداليـزا راااااااااايس ......... فأقبلي مع الباب ويدها ملانه صابون وكلور قـالت : مالنا مـالنا الله يصيح عليك يا ذا الشايب من صبح مـلا ما تهـرم علينا سحاااااااابيه

قال : وينهـو اللبـن ذا شـريـته قـبـيـلا ......... فأيها ترد : كأني دريت عنك وين هـبته قومتنا من صبح وحنا في خويس وحوسه في المطبخ (( وهي ما تهـرم نـط رامسفليد كان جالس على الكنب في الميـلس ))

قال : اقولكم ياعرب صحتوا علينا الله يصيح عليكم عدي يا بنت عنيني هبته فـوق الـفـريـزر ذا في المـطبـخ الثـاني بجنـب غـرفـة كـولون باول

فألتفت فيه يا بوش : قـال عسى الله يصيبك ومالك ما تحاكي يوم انك انت ذا شلتـه انبح صـوتي هنيه وانت باصمن محلك

فرد يا رامسفليـد : وانت خـليـتـنـا نـروي من يوم اقبل بو علوه اشتليته وافلحت به تـوريه بلادك زيد ليتها لك والله لا عـاد شرهتي إلا منه

عـود رد يا بوش : مالك ما تقـوم تاكل من الـعـيش قـم عين مـحلى طعـمـه .......... رامسفيـلد: بس مالي بـه فيـني حـرقـان قـطع صـدري ماخلاني ارقد من امس

المـهـم فكري اني ما اكل وادلبغ في السمن وبوش حـذايه زيد ياكل بـدت له ماكبـر لقـمه ....... وشويه فيـه يدق جوالـه إلاهـو رقم غريب (( من كبينه )) فـرد : ارحب من معي ...... المتصل : معك (( تـوني بـليـر )) اقولك انا اجيب بـدلك وفنايلك من المغسله معايه ولا اخليها تقـعـد ..... بـوش : مرحبلي يا توني ابو ولدي وينهو جوالك مالك ما تدق منه .......... بليـر : يابن الحلال مفصـول لكن انا اجيب ملابسك معي ولا لا ........ بوش : ايوااه جبها جبها عيدك واسـرع تعال عيني على عيشـن هنيه يهول الاهوال ......... بـليـر : ليــٌـه كأن عـنـدك أحــد ......... بـوش : ماني واعلمك غير اللحق هيا مع السلامه فيـه يقـفل

ام فيـه يـلتفت فيني قال حلباء مووووول : طلااااااااااقه من عوالي يا غـداك وعشاك الليله انه هنيه وامنـعني من قـولت بروح عند فلان ولا عـلان عين ما معك سيـرة منيه إلا إذا صـدرت الرياض انت سمعت الانه ......... فأرد : ريال عين ما معي إلا اليومين تيه وزيد باقي ملابسي واغرضي في الفندق عين ولا قـلت إلا و أسـلم وعليك في اليومين تيـه واصدر ............ قال : ماعليك من قد الملابس وأغـراضك عيني وارسل الولد ذلـحين يسيـر يـيـبـها كلها ويسدد الفـندق وتعال نحمده عين البيت كبير والسعه وعين العـوال فرشـوا لك في غرفة لحالك (( وهـو ما يهرم دخلت كونداليـزا راااايس يابت اللبن ))
يابته واهبته في السفره وعادت تـفلح .... قـال بوش : اقعدي افـطري يا بنت معنا ........ قالت : لا لا بسير افطر داخل عند الحـريم (( حـديكم هي استحت مني ولا ايش ..؟ ))

عـودنا كلنا وخلصنا وجلسنا في البـلكونه نشرب الشاهي الأمريكي فتعال يا كولون باول استحب مركـأ من داخل المجلس وعدى جلس بجنبي قال : حي الله بــو علـوه يا اعز من جاانا أسفـرت وأنورت ...... سلمت سلمت بوجودكم طال عمرك (( الله من خـجـل )) ...... فيـه يقـول : اقـولك مذا ما كان يقولك الشايب ذيه ((ميد بوش )) يوم كنتوا تدورون من وراء البيت ودونه لا تقول انه ما يرويك بلاده وبـقـوعه ثـمه ......... قـلـت : ايوه ايوه وراني ياها كلها ووراني الـبـيـر ذا حفـره و وراني بـقع الكهـله ذا يحد بـقعه هو من الشمال يـاولد اثرهم نشبـو في نحـره بـثـورها ....... كـولون باول : حـليـلك ليتك شـفتهم يـو تـنـاشـبـوا في الأمـاره مع بـثـورها ماوعيـنا صبح إلا جيب الشـرطه عند الباب فأشتلوه من تو الباب ووده الأماره ثمه فيه يحاظيهم فتعلانوا الجدف لكن سلم الله اني اعرف ريس رقباء قد درس معي الثـنوي مدير المركز ولا كان أمسى في التوقيف

وأينا ما نسـولف إلا هو يوم اقبـل رامسـفـلـد وبأيده زنبـيـل كله غـميل ام اهبه في النص قــال : بـوعـلوه انت وكولون باول هـكم الغــمــيــل ذياااانه قـشــروه ويـلـدوه كله اما انا وعـدي اشـب النـار و أولع الجـمر ونهب الغـميل فيه

وايني جالسن كوذيه إلا فكري اني اكلت شويه من الـزغاديب واخذت بي عيني محلي ولا امداني ارمش إلا اسمع صـوت : بو علوه بوعلو قم قم العـشـاء قـم الـعـشـاء

وافـتح عيوني إلا خـويه ما يصحيني صلاة العشـاء و إلاني في الصـالة حقـتـنـا إلا امي بـاقي ما تـبـكي وبـويه ما يضـحك عليها والأخبـار باقي ما انتهـت ............. وسـلامتكم

مـزوحي مـزوحي

هههههههههههههههههههههههههههههههه
ههههههههههههههههههههههههههههههه





يعطيك العافيه ياولد


اكثر ماعجبني


قصه الكهله

وقصت الكبينه



الله يرج ابليسك ياشيخ


والله ياني ضحكت لين بغى

يتشقـق بطني الله يحفظك ويرعاك








ولد ابوه

الله يعطيك العافيه
اشكرك من الاعماق على اثراء المنتدى بهذه المواضيع الجميله والممزوجة بما فيه الفائدة
اضحك الله سنك
والله يعين امك كم بتجلس تبكي اذا بتجلس تناظر بالاخبار
اواد خل البساس والله انها في نعيم

تقبل خالص الموده
اخوك
ابو عبدالله

ولــد ابـوه

مرحبلي مليوون والله يحيك ويبقيك


اضحك عساه بالعافيه و وسع صدرك ريال عين الدنيا سعه نحمده

تسلم يا عسل على مرورك لا عدمناك

دبـاس الجـارح

يسلم لي راسك انا فداااك

واشكرك واشكر مروك العطر على صفحتي يا بو جرح

وما امي فالله يخلي لك واحدن امه فكري انها لو وزعت طيبها على حلباء كان كفاهم زيد باقي فيه فائض


تسلم ياعزيزي على حضورك والف شكر عليه

يعطيك العافية

مميز دائما

روابي نـجـد

الله يحيك ويحي حضورك الي اسعدني

المتميزه انتي الله يعطيك العافيه

والف شكر على مرورك

حلباء موووووول هلا فيك يالغالي

اخوووووووك ابوغلا حبيت اسلم

عليك وهذا من دواعي سروري

ابو غــلا

حياك وبياك ياغالي

وصل سلامك ربي يخليك

الف تحيه على مرورك ولا هنت عليه

سلك سحبته يدخل من داخل الباب يفتح من مقـبض السلفه

هذه حركات أبواب اهل الديره بيطبقونها حتى عندهم في امريكا

هههههههههههههههههههههههههههههههههههههههههههههه

عيـنها من الضرب ذاك انت تشوف الحيـد المـلون وسـط الثماله هناااااااك ......... ايوه ايوه اشوفه ....... قال : عين من حـدها من هلم إلــــــــــــــــــــى الشبك ذا في اخـر البقع كلها لـي

حلباء موووووووووول

وينك عن منتديات بني عمرو

ماشاء الله عليك عاينك ماخذ دورة

عند وحدة من الكهيل وما معك أحلى من علومهم

كلك والله ذوووق ترى احب أمزح معك

والا والله إنك تسوى قبيلة


يعطيك العافيه

دخلت كونداليـزا راااايس يابت اللبن ))
يابته واهبته في السفره وعادت تـفلح .... قـال بوش : اقعدي افـطري يا بنت معنا ........ قالت : لا لا بسير افطر داخل عند الحـريم (( حـديكم هي استحت مني ولا ايش ..؟ ))

لا يكون فكرها انك سرت تخطب

وبعدين مالك ما خذتني معك طلاقه لو كنت انا ذا سار لأخذك معي غير تسير تتضيف ولا تعلمني

تحياتي لك يااااااااااااااااااااااااعسل

ابو مـانــع

مرحبا بك مليووووووووون يالغالي

الله يسعد لي ذا الوجه

ما من قد الدوره فطال عمرك فاخذتها عند ومي تكون او تروي عن حلباء كلهم الله يخلي لك واحد امه

اسعدني والله مرورك وتعقيبك الي اثلج صدري


والقادم احلى بأذن الله

تحيااااتي لك والف شكر

المـعـنـى

مرحبلي مرحبلي مرحبلي

ولد عين لو ما بقي العالم ذيه كله إلا ذيك السكنه ما افتكرت اخذها اخذوها

وما اني ليه ما خذتك معي قلت لك يا رقده غير انك عيت تسمع تقول صك الباب وافلح وراك فعود اخليك ترقد
وسرت خذت عزيمة بـوش ..


مزوووووووووحي مزووووووحي

ربي يسعدك ياعسل والف شكر على مرورك

انت دائمان تعتمد على التعبير الجذاب الذي سرعان ما تسحب قارئك الي ان يستمخ مع كلماتك ويندمج في طيات كتاباتك
اسلوب رائع واداء متميز يخليلك شيبانك ووترى الغرب سرقو فكرة السلك الي يفتح الباب وغيروه بقفل الكهرب بس الفتح من داخل البيت من حيث كنت منقعر قدام التلفزيون وانصحك بعدم الحلم في مثل هذي الروايا ما شفت مسرحيت حسين عبد الرضاء الي قال الحلم ممنوع حلم فيه سياسه وحلم فيه قلت حياء دمت اخوي نترقب منك الاجدد وليس الافضل لان مواضيعك دائمان لايعلى عليها وتستحق مرتبة الشرف ......... والله الله في حلباء

العــنـاء

مرحبلي مليووووووون

ارحب عداد ماهل خشمك (( كم قد زكمت في حياتك ؟؟ ))

تسلم لي ويسلم راسك على الرد الي اثلج صدري يالغالي

واما الحلوم تيه فمذا ودك نعبى زيد لو اعلمك بحلم حلمته يوم راحت تورا بورا قسم ان ماناعي إلا جيب الشرطه عند باب المنتدى يقتادوني بمسامعي غير اصه اصه


الف الف شكر ياعسل على مرورك وحضورك

تحياااااااتي لك

الاخ حلباء مول/

تعجبني مواضيع هذا الكاتب/

تقبل تحياتي والجميع يسألون عنك واين لاخ حلبامول قلت لهم سافر عند صديقه بوش هههههههه/

تحياتي لك ولا عدت تطول علينا ياريال/

تقبل تحياتي /

المشاركة الأصلية كتبت بواسطة الأثلي

الاخ حلباء مول/

تعجبني مواضيع هذا الكاتب/

تقبل تحياتي والجميع يسألون عنك واين لاخ حلبامول قلت لهم سافر عند صديقه بوش هههههههه/

تحياتي لك ولا عدت تطول علينا ياريال/

تقبل تحياتي /

للرفع من المواضيع التي طابت لي ،،،