في زمانك محد يشيل همك>>>>لاحبيبك لا أخوك لا رفيقك

أروي ضمى غيرى وأنا يابس الريق
وأضحك واجامل لو مانـى برايـق
وإن ضقت أسلّي خاطري بالطواريق
وأستلهـم الفرحـه لنفسـي دقايـق
وإن شفتك بعينيي وفي خاطري ضيق
إنزاح هم القلـب وأصبحـت فايـق

--------شمس عمري---------

أبكي قصيده وأشبك البيت بالبيت
وأشكي قوافي الليل من كل ضيقه
وأدخل في بحور الشعر لامن تجليت
وأغوص في وسط البحور العميقه
في حبكم لاني بحي ولا ميت
كني كسير الطير ماله طريقه
في زمانك محد يشيل همك
لاحبيبك لا أخوك لا رفيقك

--------شمس عمري---------

ماتهم اللي يهمك
لو بغيت تعيش صح
صل فرضك وأقضب أرضك
وخلها للي عيونه ماتنام ونام
صرت أنا للحب والدمعة أسير

--------شمس عمري---------

في حياتي يوم راحة ماظهر
مظهري جنه ومضموني هجير
مرقدي تمثيل والواقع سهر
جيت يمك وأنت عزمت المسير
صرت ضدي مع صواديف الدهر
الوداع فراق والموقف مرير
والعزى ماضيك والحاضر قهر

--------شمس عمري---------

وعذابي كان لي نفس صحيحه
خيرت مابين صدك والمنيه
أن نويت البعد ضاقت بي الفسيحه
وأن بغيت القرب خان القرب فيه
كيف بخفي الحب وجروحي صريحه
كيف أحجب الشمس ياخلي بيديه
كيف أداوي علة النفس الجريحه
وين أودي دمعة العين الشقيه

--------شمس عمري---------

من مواني الليل لعيونك سريت
ودمعتي تحلف علي أهلها
كم بكيت بداخلي لو مابكيت
كبرت همومي وقلبي شلها
كم تناسيتك ولكن مانسيت
لو تغيب الشمس يبقى ظلها
بأنتهي بك مثل مافيك أبتديت
وماسوت عزة زماني وذلها

--------شمس عمري---------

أنا بدوي وبعيشتي ماتنعمت
ورمز البداوه سيف وللكيف دله
محبوبتي صحراي في حبها همت
أعشق سهلها والرجوم المطله
يكفي إني من البداوه تعلمت
إن الركوع لغير ربي مذله

--------شمس عمري---------

أنا الذي من شوف الأحباب محروم
والله يكافي شر زلات الأقدام
قبل أمس مع ربعي سواليف وعلوم
واليوم طاويني هواجيس وهيام
أضحك ضحى قبل أمس وأبكي ضحى اليوم
ياسرع دورات الليالي والأيام

--------شمس عمري---------

شكواك للي طالبه مابعد خاب
ودعواي لك يالله تطول سنينه
كم واحد من الحب منصاب
الحب قاتل ماأحد يقدر يدينه
يادمع عيني لمن تغرب ومن غاب
ياشيب عيني لمن يفارق ضنينه
قلبي عذلته لكن القلب ماتاب
والحب تلعن ساعته وسنينه

--------شمس عمري---------

أبشتكيلك دامك أعز الأصحاب
شكوى جريح يبتسم من ونينه
القلب ياخلي جريح ومنصاب
خلا دموع العين تنزف حزينه
على هنوف صكوا دونها الباب
من عقب ماحنا ظنين وظنينه
حلفت ماأنساها ولو فوقي تراب
وأنا بوسط القبر لأقول وينه

--------شمس عمري---------

يامرحبا أعداد ما لاحت بروق
ترحيبة المؤمن بحكم الشريعه
رسالتن جتني من أعز مخلوق
ومن كان مثلك طيب مانبيعه
ياطيب الجدان من جذر وعروق
أفعالهم كل الخلايق تذيعه

--------شمس عمري---------

من يوم ماذوقتني حر فرقاك
واليأس والحزن في حياتي غرسته
شريت لي ثوب على شان لقياك
والثوب راحت موضته ما لبسته
وشريت عطر مازهاني بلياك
أربع سنين بعلبته ما لمسته

--------شمس عمري---------

أرسلك المرسول يامعرب الجد
من ساس قوما"يحتمون المظله
يحمل تحياتي بها الود ممتد
من ضامري ماهي سواليف شله
البعد ماعنه الرجاجيل تنحد
لو حال من دونه سماء نجد كله
والحر مهما راح لابد مايرد
للنايف اللي كل حر فطن له

--------شمس عمري---------

الليالي شرهتني ودنياي أمحقاء
بين كتمان الحقايق وشرهات الرفيق
والله أني ماتوقعت مدري ماهقاء
ينخدع فيني صديق وغيره في حريق
مستعد أقضي العمر من دون أصدقاء
بس ماأخون الصداقه ويجفاني صديق

--------شمس عمري---------

مافيك عيب إلا قلبك متيني
وتصد عني والصدود القطيعه
إن كان واصلني فهذي يميني
مبسوطه لك والمواصل شريعه
0وإن كان قاطعني يبالله يعيني
مر الفراق ولا حلاوة خديعه
لكن صبري والرجاء واليقيني
وسيلتي عن كل بلوى وجيعه

--------شمس عمري---------

كان ودك ماتزيد الصدر ضيقه
لاتسمع للدعاوي والشكاوي
وش يهمك وش صديق من صديقه
مامشالك بالمحاسن والمساوي
رافق اللي فاهم واجب رفيقه
لانخيته جاوبك راعي نخاوي

--------شمس عمري---------

غربة عمر منها المشاعر عطيبات
ولجل الرجاء جربت كل الطرايق
ورد الامل في زحمة اليأس مامات
يحيه دمعن به رموشي غرايق
بصوتي أجاوب صرخة العمر بآهات
مدام حظي من عناء الوجد عايق

اسيرة الحزن


يعطيك العافيه

ماقصرتي


كوني راضيه .... دوما


اخوك


طلووووووووووووووولي

يا ضايق الصدر بالله وسع الخاطر = دنياك يا زين ما تستاهل الضيقه
الله على ما يفرج كربتك قادر = والله له الحكم في دبرت مخاليقه
ما فات خله ولا تهتم من باكر = وأغنم من اليوم ما ساقت توافيقه

يعطيك الف عافيه اسيرة الحزن

فعلا كلام جميل

تحياتي
وردة العرااق

موضوع مميز ومعلومات بغاية الجمال