مــا طاب جرح اللي هوا بنت الاجناب<<:$

مــا طاب جرح اللي هوا بنت الاجناب ** لوحبته يظهر من الناس حجير هاذا بلى الحب وبلى ابوك ياعقاب **كان المحبه ذنب فالبعد تكفير في ساعة ماكنت حاسب لها احساب ** ما كنت احسب ان اللذي صار بيصير تدري وش اللي يكسر قلوب الاحباب ** حكم القدر لا قال لفراقهم خير صدمة وجتني والزمن كشر انياب ** والوقت تكشيره ماهوب اي تكشير يا قلب لا تشره على كل من غاب ** من راح من كيفه يجي دون تبرير جاني من اللي كنت احسبنهم اصحاب ** شين عجزت ألقى لهن ضقت تفسير والخاطر المكسور يا عذالي طاب ** والوقت ما قصر محى كل تأثير والمخطي اللي من كثر ماخطى صاب ** يشفع له إن لا وقف وقفته غير واللي يعيش بديرته عيشة اغراب ** يقطع على شان المعزه مشاوير يا ساحة الغاوين يا قل الالباب ** وما كل طير لا كفخ يقدر يطير ما أقول ما فيكم رياجيل واشناب ** اميّز الشعار بين الشواعير ناسن تدور للقب بين الالقاب ** وواحد من الالماس شعره قناطير وإحدن بماله يكسب إعلام وإعجاب ** مثل ما قالو يدهن السير ويسير مثل المنيحه بين تسعين حلاب ** ومافيه احد يكره حليب المصاغير أو مملكة جوها طواغيت الارهاب ** وسوو لهم مع زحمة الناس تفجير وحنا نكافح والامل ما بعد خاب ** حتى ندمرهم من الشعر تدمير وإن كان راحو بين ميت ومنصاب **دون السعر ناقف صفوف وطوابير وكلن معه شلفا ولد غانم ذياب ** من شان لا يصلح لاخطاء تكرير ويبقى فقط شعار عراب كتاب ** ناسن ما يلحقهم فالابداع تقصير اقولها صادق ولانيب كذاب ** الشعر ميراث الجدود المناعير وأنا حميته من مفسد وخراب ** وأعسف بها العاصي واسخره تسخير يا كم حرقت اعصاب وارتاحت اعصاب ** موتو قهر يا شلة عوير وصوير ما ضاع حق ومن ورى الحق طلاب ** وسود النوايا من طرفنا مغاتير وكلن على قده يفصل له ثياب ** وكلن على قدره يقدر بتقدير واللي يبى القمه ولا يبذل أسباب ** ينبح ليا شاف القوافل على السير [youtube]

زيارات الملف الشخصي : 1461

بہرسہتہيہج

مشاهدة ملفه الشخصي

زيارة موقع بہرسہتہيہج المفضل

البحث عن كل مشاركات بہرسہتہيہج

السفير

تسلم يمينك على هذا النقل ...

وتشكر على التنسيق وإظهار الموضوع بالمظهر الراقي ...

إحترامي

جبرني الوقت ..

اسم اقترن بالابداع ..

لست بكفوا لكي اقيمك ..

تقبل ودي ياامير الود ..

سفيرنا الغالي الله يعطيك العافية على هذا النقل المميز ... ويكفي

اقولها صادق ولانيب كذاب ** الشعر ميراث الجدود المناعير

وأنا حميته من مفسد وخراب ** وأعسف بها العاصي واسخره تسخير

يا كم حرقت اعصاب وارتاحت اعصاب ** موتو قهر يا شلة عوير وصوير

ما ضاع حق ومن ورى الحق طلاب ** وسود النوايا من طرفنا مغاتير

وكلن على قده يفصل له ثياب ** وكلن على قدره يقدر بتقدير

واللي يبى القمه ولا يبذل أسباب ** ينبح ليا شاف القوافل على السير

السفير

يعطيك الف عافيــهـ

قصيدة رائعه

دائماً تواجدك جميل

تقبل أطيب التحايا

ســ ي ـــف الـــ ع ــــرب