سامح الله خصمي !!

وش بلا قلبي اللي غارق في عناه
لا دناه أخر الليل اكتسته الهموم



كم لناره وهي مستسعرة في حشاه
كل ما قال حظه قام عيا يقوم



يا علي لا تلومه لو يعاف الحياه
ساعده في ظروفه قبل طيح العزوم



لو لقيته ينادي لا تجاوب نداه
بس خله يفضفض من لهيب السموم



داخله ينفجر لو شاف شخص نهاه
وأنت تشره ولا تدري ببعض العلوم



حالته مثل طفل غارق في بكاه
فاقد أمه وعيا عقبها لا ينوم



من تسمع لصوته قال ذا وش بلاه
ون عرف حالته يقبل بقلب رحوم



ما أحد فيك يالدنيا تحقق مناه
والمآسي بها تزداد يوم بيوم


سامح الله خصمي كم رمتني عصاه
واتحاشا ولا أطيق ارتخي للشتوم

أتجاهل جروحه واتناسا خطاه
خوفتي لا يبين الكسر عند الرخوم

صح لسانك ملايين ابوعلي
دومآتمتعنا بروائعك
لك شكري وتقديري..

يخرب بيت الشِعر والقصيد كله إن لم يكن لبن لقفص فيه حضور ..
أمتعتنا شعراً في المساء وفي الصباح لأنك شاعر مبدع وممتع ومقتع ..
لله درك وصح لسانك ولك تقديري ..

صح لسانك يابو علي

نص رائع ومميز تسلم يمينك

تحياتي

صح لسانك يابو علي على هذه الدره الثمينه وشكرا لك ملايين وننتظر الجديد فانت كما عرفناك مبدع .

لاهنت .

ما أحد فيك يالدنيا تحقق مناه
والمآسي بها تزداد يوم بيوم




صح لسانكـ ملايين
كلمات رائعة بروعة شاعرنا القدير
وتستاهل الخمسة نجوم

تقديري

سامح الله خصمي كم رمتني عصاه
واتحاشا ولا أطيق ارتخي للشتوم

أتجاهل جروحه واتناسا خطاه
خوفتي لا يبين الكسر عند الرخوم

روووووووووووعة ..
عقد جميل واسطته هذان البيتان .. فلله درك ..

قصيده اقل مايقال عنها رااائعه ..
صح لسانكـ واعتلى شانكك ..