للبنات فقط..اختبار تحديد المستوى للقبول بكلية اللغات و الترجمه

السلام عليكم ورحمة الله وبركاته ..

إعلان مهم للبنات اللي يبغون يسجلون

بكره في اختبار تحديد المستوى للقبول بكلية اللغات و الترجمه في جامعة الامام

الحقي ما تلحقين

..

تم تحديد موعد اختبار تحديد المستوى للقبول في قسم اللغة الانجليزية يوم الأحد الموافق
14-3-1431هـ

أولا
الهدف من الأختبار :

هو اختبار الهدف منه قياس مستوى اللغة الانجليزية وخلفيتك عنها ..

ثانيا:
كيف يتم قياس المستوى ؟

على أساس درجتك اللي تحصلينها في اختبار القبول راح يحطونك في المستويات ..

يعني ..

(1)
إذا كانت درجتك في الاختبار ممتازة راح يحطونك علطول مستوى أول .. بدون أي مشاكل ..

(2)

لما تكون مقبوله راح تدخلين دورة مكثفة 1 أو دورة مكثفة 2
على حسب الدرجة ..
تدرسين فيها وتقوين لغتك .. بعدين يكون فيه اختبار ثاني آخر الترم يحدد مستواك بعد الدورة المكثفة
إذا اجتزتي الاختبار راح تروحين لمستوى أول بإذن الله ..
وإذا ما اجتزتي الاختبار (لا قدرالله ) راح يطلبونك تحولين لقسم ثاني ..

(3)

إذا كانت درجتك ضعيفة في اختبار القبول ، راح يطلبون منك تحولين لقسم ثاني غير الانجليزي..

ثالثا:
ماهي طريقة الاختبار؟

طريقة الاختبار 100 سؤال اختيار من متعدد (اختياري)
وتستخدمين ورقة خاصة فيها دوائر تعبينها على حسب الإجابة .. لأن التصحيح آلي ..
وتختارين إجابة وحده بس .. ولازم تطمسين الدائرة زين بالقلم الرصاص ..

رابعا:
ماهو محتوى الاختبار؟

الاختبار يحتوي على
قسم أسئلة كلمات (vocabulary )
قسم أسئلة قواعد (Grammar)
قسم أسئلة فهم واستيعاب [ قطع صغيرة وعليها أسئلة ] (Comprehension)

خامسا:
كيف استعد للاختبار ؟

طرق الأستعداد كثيرة ..
ممكن تذاكرين القرامر والفوكاب اللي درستيهم بالثانوي .. واختبار القدرات ..
وممكن تجيبين كتاب لقياس الانجليزي أو كتاب قرامر وتدرسين منه ..
فيه كتاب حلو ومفيد جدا موجود في جرير وتعبت من كثر ما حرجت عليه
وهذي صورته ..

وفيه مواقع للتدرب ومراجعة الانجليزي
http://www.edufind.com/english/practice/test-ces.html

http://www.test-your-english-now.net/

http://esl.about.com/od/englishtests...ng_English.htm

بالتوفيق حبيباتي

يا بنات نسيت اقول لكم

الاختبار باذن الله راح يكون في مقر الكليه

بحي النفل الدايري الشمالي مخرج 5

بالتوفيق

يسلموو نونو
لكن هالاختبار لخريجات الثانوي والا للي حابه دبلوم والا شوو .؟؟

هلا وغلا عطووره



لكن الاختبار هذا

بكالوريوس

يعني تخرجت من الثنوي و تبي تكمل البكالوريوس

يعطيك العافية على الخبرية

نوووواره مشكوره ياقلبي