غاااابت النجمة

انشغلنا بالليالي وعدّاد النهار=
وانشغلنا بالزعل وانشغلنا بالرضا=
شفت لي رجال ذاليوم ماهو مالرجال=
كيف اوصّف ياسعيّدوكيف انقل لكم=
يرخي اكفوفه ويرفع بخشمه للسما=
والله لو ماهي ظروفي واعول الوالدين=
لانهي ايامه واخلّص بقايا يومنا=
لكن اعلومي ترى مابديت اخبارها=
غابت النجمة ويمكن ترى نجمة سهيل=
واشعلت في وسط جوفي سموم القايلة=
وانحلت حالي وصارت عظامي بارزة=
وانا صابر واحلف اني على صبري مقيم=
يا سعيّد لاتفكر غيابي عنك دايم=
واعلم اني مثل عزران في لحظة يجي=

صح لساانكـ "خشعني"
ابيااات رائعه بحق .. تحياتي اليكـ

لو حصينا كم نهرنا وعدّاد النهار=
ماكتفينا بالنصيحة طلبنا بالرضا=
خذ ملازيم الحلا وابتعد من المرجال=
قل ولا تزعل وانا بانتظرمن قولكم=
المعالي للذي يعتلي طيب وسما=
الزمن مليان موتا وكثر الوالدين=
ماني اللي لا تعزوا وغرّد يومنا=
الجماعة لو بتنشد عليك إخبارها =
وان نويت السهل بانت لك ايامك سهيل=
لو لقيت اللي نبش خاطرك بالقا اليه=
سيفنا هداّم للي عداك ايبارزه=
فرق ما بين السعودي ومابين المقيم=
المزون تزين من هملها في وكن دايم=
لا تهجا في حروفك وتنكر هيّجي =

الحبيب حمتو أهلاً بك ...... وألف شكر لك

الحبيب أبو ريان صح لسانك وماشاء الله كان ردك خلال خمس دقائق وبمعاني رائعة
أشكرك وتقبل التقدير.

خشعني + ابو ريان
تسلمون على هذه الروائع
مبدعين وفي انتظار المزيد
تقبلوا المرور ولكما أجمل تحيه

مشرفنا اللامع الخطاف أشكرك.

السلام عليكم ورحمة الله وبركاته
صحيتوا ولاهنتوا

السلام عليكم
وخشعني عنكم كلكم ويعطيكم العافيه
البدع والرد اجدتو بارك الله فيكم
ودمتم بخير

خشعني عنكم // ابو ريان

احسنتما وعساكما على القوه . المزيد المزيد بارك الله فيكما .

تبارك الرحمن الله يعطيك العافية... ويكفي

غابت النجمة ويمكن ترى نجمة سهيـل

واشعلت في وسط جوفي سموم القايلـة

وانحلت حالي وصارت عظامي بـارزة

وانا صابر واحلف اني على صبري مقيم

يا سعيّد لاتفكـر غيابـي عنـك دايـم

واعلم اني مثل عزران في لحظة يجـي