هــاشــتــاق الــعــنــوســه ( الشـرع حلـل أربـع )

جامعيات يطالبن الرجال بـ(الشرع حَلَّل أربع) لمواجهة العنوسة عبر

جامعيات يطالبن الرجال بـ(الشرع حَلَّل أربع) لمواجهة العنوسة عبر

قامت مجموعة من الطالبات الجامعيات بعمل “هاشتاق” على مواقع التواصل الإجتماعي “” تحت (وسم) حملة ” #الشرع_حَلَّل_أربع” في خطوة من جانبهن لمواجهة العنوسة. وتفاعل المغردون مع الهاشتاق الذي يطالبن فيه الطالبات من خلاله الرجال بتعدد الزوجات، الأمر الذي كما يرَيْنَه على حد وصفهن، أنه سيقضي على ظاهرة العنوسة في المجتمع. ووضعت الطالبات صورة لمجموعةٍ منهن، وقد أشرن بأصابعهن الأربع إيحاءً منهن إلى جواز التعدد في الشرع الحنيف حتى أربع زوجات، وطالبت الفتيات الرجال ممن لديهم القدرة والاستعداد، بالتعدد، فيما واجهت تلك المطالبات سيلاً من الهجوم اللاذع من نساء وفتيات يرفضن التعدد رفضاً قاطعاً.

اشارو باربع اصابع ( اخاف يقلون ذولي من الاخوان ) نفس الشعار
بنات يبغون الستر وش هوله ( هاشتاق وخرابيط ) في الاردن وهي دولة فقيرة ( وزارة الشئون الاجتماعية هي من تتكفل بهذا الشي ) من تريد الزواج ( تقدم اوراقها ويجيبون لها ابن الحلال) تحت نظر الحكومة عشان محد يلعب عليها طبعن وزارة الشئون عندنا ( ما بحط بذمتي ) اذا منتي مطلقة ما نقبلك ولا نبغاك ( طيب ليش مطلقة بالذات يا خائنين الامانة ) .. مع التحيـــــ@

معهم حق بس النسوان مالهم بالتعدد
كل شي عندهم الا إنك تتزوج عليها

خلونا نشوف ردود الاخوات هنا فهن خير من يجيب ليش تأخذون في ذممكم يالرجال . ههههه

الحين ممكن يكون وجود الهشتاق صحيح وممكن مجرد طقطقة مثل ما يقولون ..
في الأخير وجهات النظر تختلف بين السلب والإيجاب حول هذا الموضوع وطريقته ..
وبعدين الرجال لا يحتاجون أي تذكير بأن الشرع حلل أربع فهم أكثر من يقتنص هذا الباب
لذلك أرى أن الأمر لا يحتاج أخذه على شكل أكبر مما يستدعي ..
تقديري ..

مسوين الهشتاق لطقطقه فقط ...

^
ههههههههه
طقطقت رؤوس
هاشتاق في محله 100%< ضد قيادة المرأه

تم يا ابو فهد

ولو انا جاهزين في اي وقت

تحيتي لكم

ههههههه
نو كومنت

اولا..اسال الله ان يرزق كل من تتمنى الزواج..برجل صالح..واضع تحت صالح الف خط..
وللمعلوميه ترى العنوسه ليست فقط في النساء بل حتى الرجال تطالهم هذه الصفه وان اختلف المسمى..ولكن بعض العقليات الجاهله تنسبها فقط للنساء كاشياء كثيره اخرى!
ثانيا..اعرف استاذات بالجامعه فضلن عدم الزواج على ان يتزوجن شخص معدد خصوصا لكثره مانسمع من مشاكل تجعل الحياه واستمرارها مستحيل..
واولها العدل..فهذا الشرط اخر شئ يفكر فيه الرجل..المهم سعادته وراحته هو فقط..
ولا انكر ان بعض الاشخاص يعدلون حتى بين الاربع واعرفهم معرفه شخصيه..اسال الله لهم الثبات..والسعاده.
ومعلومه اخيره احب ان اضيفها..ترى نسب الطلاق مخيفه اكثر من نسب العنوسه ..فالاولى والاجدر حلها قبل التفكير في التعدد (:

هبولي اربع والله ما أعيي

يفكونهم من الدلع ومن الطلبات التعجيزيه اللي ترهق الشباب مساكين ويبشرون بالخير

لكن قووولولي كيف شاب مسكين يتزوج وراتبه 6 الاف او اقل يدفع مهر 40 الف وشقه 25 الف ويدفع في الصاله اللي ايجارها مايقل عن 10 الاف وطبعاً هذا كله غير تكاليف الزواج من هدايا وعشاء وشهر عسل وغيرها وكأن هالشاب مسكين بنك

وفي الاخير ينزلون هشتاق عن العنوسه

ويقولون ليه الشباب يسافرون اندونيسا وماليزيا ويتزوجون مسفار

الزواج اية من ايات الله ومطلوب فطري وشرعي لكل من الطرفين
والهاشتاق يقول من لديه القدرة والاستعداد
القدرة على الموزانة والعدل وتقوى الله في ماحلل له الله
وبعدين بعض النساء من تطلب الزواج وتعرض نفسها
لشخص متزوج مثلا بداعي الامومة
لان فترة الانجاب لدى المرأة فترة معينة اذا تعدت استحال الانجاب
وحدة اعرفها امنيتها ان تخرج من بيتها وتجد عند باب بيتها كرتون فيه مولود تقسم ان تاخذه وتربيه وان كان باي لون

بعدين بالنسبة للاسراف في الزواجات كما تطرق له ابننا خويلد
ليس شرط يكون من البنت !!!
فكم سمعت حين ابارك لمن عقد قرانها واوصي باتباع هدي السنة وعدم الاسراف حتى تتحقق البركة فعلا
تقول اهله امه وابوه يحتجون بانه اول فرحة ونحن مقتدرين
وخاصة ان الاتفاق الان الملكة على اهل العروس والزفاف على اهل العريس
ويحجزون صالة بذاك المبلغ ويتورطون اهل العروس
وصالات الزواج اصبحت مثل جهنم نسال الله السلامة
هل امتلات تقول هل من مزيد؟
مزيد من كل منكر ومستنكر ودخيل تغريبي

الشكر كل الشكر لكم جميع

أما من يقول بيعرس من الشيبان فيها مايلا روايا في فيايا

أما البنات وش بتخسرون لو تزوج الواحد أربع احسن خليه يسير في الدحان

أما ذا يقول زواج المسفار فالله يجيرنا وياكم من الشرهه هذا زواج
شرهه خذ حلال فيه حتى بالكيلو
بنات اصل وفصل وريح مخك والمهر من( 2 ريال )(40 الف) أنت وختيارك


عسى الله يرزقكم ياالرييل 4 نسوان بالحلال
وانتم ياالبنات بمن يساعدكم في شغل البيت


يامسهل

الله يرزق الشباب والشابات ويسترهم دنيا وآخره..
شكرآ لك..