كثروا فيك الحكي يا المسلك الوهابي .. قصيدة ناصر القحطاني

نحمـد اللـي بيّن الحـقـد الدفـيـن الـغـابي
واعتق اقنعـة الوجيـه اللـي تقـاربناهــا

أول المـكــروه سلـبـي وآخـرتــه ايجـابــي
خير الأرض القبله وخير الدروس اقساها

يوم وصلت للحمى ما ارخص من العنابي
من يعيش بـدون مذهب .. عيشتـه ينعاهـا

جدي اعرابي وانا اعرابي وابوي اعرابي
واكبر مصيبـه على الأعراب قرب حماها

كثّروا فيك الحكي يا المسلك الوهابي
كل مـا زمـزم شربـنـا شربة مـن ماهـا

يزعمون انك تصدّر كل يوم ارهـابي
الله يكــرّم مشـايخـنا وطـيـب لحـاهـا

لدوّا اهل الموبقات السبع وسط كتابي
وطـلبـوا مـن بـينـاّته كلمـتـين انساهـا

ساقوا اصحابي هناك وشكّكوا باحبابي
واوصـوا بتقطيـع جسـم امٍ تـوارثناهـا

وانكروا في بنت عمي حفظها الجلبابي
يحسبون المحصنات تهيـم في دنياهـا

وطار في عجتهم الوجه الكريه الهابي
ما يغث من الدبش عـز الله الا ارداهـا

والقروش اربابها وسط البنوك ترابي
والعروش اكثر قضيه ماخذه مجراها

والخرايط تصغر اكثر مثل صغر ثيابي
إيه.. ما كن الفجـوج الجرد مترنّاهـا

يا وجودي كـل ما صـليت في محـرابي
وافتكرت امة حميد وحلمها واقصاها

وجـد ولد مرّ بالشـارع وهو متصـابي
ولا درى الا والعماير معطيته اعلاها

ان نجا قالوا عليه الظالمين ارهابي
وان رحل معلوم حنا اللي تحملناها

عذبة الروح


شاكر مرورك


لك التقدير

صح لسانه ..
قصيدة حملت كل مافي الخاطر وزود ..
شاعر بارع ..
تقديري لك ..