ايش جابك من بلادك لي بلادي

ياحبيبي مدلـي وصلـك آيـادي
...............ما يِعَرْف الحب حَضْر ولا بـوادي

والله اني يوم شفتك قمـت أغنـي
..............." إيش جابك من بلادك لي بلادي"

ياكلامن فيـه ابـو نـوره تغنـى
...............يا نغـم أوتـار يعزفهـا عَبـادي

يـ(أجمل) الأشياء في عين الخلايق
..............من حسدهم يحفظك رب العبادي

يا قديم الحـب وإلا يـا جديـده
..............أنت كل مره تجدد فـي فـؤادي

في غيابك ضاقـت الدنيـا عليّـه
............والليالي طعمهـا ماكـان عـادي

بين هم وبين غـم وبيـن ضيقـه
..............والحنايا داخلي صاحـت تنـادي

إبتعدت وخاطري بالحيل ضايـق
............وأنت مدري وش شعورك فإبتعادي

قلت أبنسى وأثرني لاجيت أبنسى
............... ماذكرت إلا غرامـك يـا ودادي

في غيابك قلت لك مالك مكانـه
............والمشاعر وضعها صـار إعتيـادي

ويوم شفتك خافقي صفق وغنـا
............."إيش جابك من بلادك لي بلادي"

عبدالرحمن
اشكرك واشكر لك ذاائقتك وجمال مشاعرك

دمت بسعااده ولاهنت يالقرم

احترامي وتقديري

اخووك