ضيدان بن قضعان ( قصة وقصيدة ) لاتفوتكم القصة .. (ياليتني بيجر على الورك هزاز )

	ضيدان بن منصور بن قضعان ( قصة وقصيدة ) لاتفوتكم القصة هذي القصيده للشاعر / المعروف ضيدان بن منصور بن قضعان يقول شريت لي طير وسألت صاحبه عن إسمه فقال اسمه دهام . يقول ضيدان غيرت اسم الطير إلى فواز لغرض شخصي عندي وعندما أردت ان أعشي الطير ,,,,,,,,, ناديت له بأسمه الجديد فواز فواز .... فالتفت الطير على ضيدان وقال له : ضيدان انا اسمى دهام ماهوب فواز=أما أدعني يا دهام ولا بلاشي ما هوب حق تغير أسمي بلا أرماز=وأنا عذاب الخرب لا أقبلت حاشي فرد عليه ضيدان قائلاً : لعيون بعض الناس سميت فواز=أسم يشابه لاسم صعب المناشي اللي غلاه بثومة القلب حزاز=تقبل له طعوني وتقفي عطاشي فرد الطير : ما أرضى تسميني عليها ولا جاز=تغيير الإسم إلا بذبح الكباشي إذبح تميمه وأقلب الإسم فواز=إذا ذبحت الكبش ما صار ماشي فرد ضيدان : قلت فواز تكفى فكني بالتلعواز=الحل عندي وأسمع العلم كاشي لازم تشوف اللي لها القلب ينحاز=عقب (ن) تجي فواز ولا شلاشي فردالطير : يالله مشينا والعمر يبغي إنجاز=يا ما نجز بالهدي ولا عراشي قم جهز اللي ذاخرينه وممتاز=وعلي الطلاق إن عزبته من معاشي وعندما وصلا الا التي سمي الطير عليها شال ضيدان البرقع عن الطير وقال له هذي اللي سميتك عليها فقال الطير : أنا أشهد إني يابن قضعان فواز=واني بعد فواز جاني خراشي ياحظ قلبك يوم في حبها حاز=كحيلة ما عاشرة كل لاشي ياليتني رجلٍ لو أمشي بمعكاز=وأنخاك وأنخى مبعدين المعاشي وأنهض لطيف الروح وأجلا لشيراز=وأقضي بقايا العمر ما أحتر جاشي في شرع أبن حنبل بتأكيد ابن باز=معروف راعي الحب قلبه هشاشي وأنا لوصل ملوع الشيخ معتاز =أعوز من فراق السبوق الرواشي أبا أتمنى والتمني به الغاز =ياليت جنحاني لخلك فراشي أو ليتني بيجر على الورك هزاز =ولا قلم بين الجسد والقماشي م ن ق و ل تقبلوا ارق التحيه

اشكرك اخي العزيز على نقلك المميز

وضيدان من فطاحلة الشعر في الخليج العربي

تقبل مروري وتحياتي 000

المشاركة الأصلية كتبت بواسطة تركي السبيعي

اشكرك اخي العزيز على نقلك المميز

وضيدان من فطاحلة الشعر في الخليج العربي

تقبل مروري وتحياتي 000

تسلم أخوي تركي على المرور

وزي ماتفضلت بشهادتك للشاعر ضيدان

فهو من الطراز الأول في الساحة الشعرية

لك تحياااااااااااتي

الله يعطيك العافية

تحياتي لك000

السيف الصقيل

الله يعافيك وأشكر تواجدك المستمر الرائع

لك تحياتي

شكراً محمد
وضيدان شاعر رائع بحق
دمت ودام لنا عطائك الرائع

اجمل الود

اخووك

المسكت

الله يديم عزك وتواجدك المشرف لي

لك خالص تحياتي