((( أكبر شهادة )))

أسعد الله أوقاتكم بكل خير وطنية للتواصل
في هذا الصرح الشامخ

الخاين اللي من هباله غزانا=في فكره إن الحرب خوخ ٍ ورمان
خزن وساق المارقة في نحانا=وإنا عمى عين العدو كل مابان
في ربع ساعة جيشنا ما توانا=حرك معداته على جبال دخان
لجل الوطن يومه بلحظه دعانا=جينا نشيل أسلاحنا فوق الأمتان
أما إنتصرنا والإله ايحمانا=وألا نموت وموتت العز غفران
أكبر شهادة ما تدنس أحمانا=من الخائن اللي يدفعه كل خوان
مستأجره نجس ٍ ما يقدر لقانا=يدفع له الرشوة وهو جوف طهران
قبل أسنواتٍ ورطه بأقصرانا=داره يحاربها لجل كل شيطان
لجل الكلاب اللي تنابح ورانا=أعداه العقيدة مالهم عهد وآمان
نعرف مخططهم ولا هو خفانا=في كل عام ألهم نوايا وبيبان
لكن ليا منّا وقفنا ترانا=نبطش ولا نحسب لحاسد وطمعان
كم من عدو ٍ عقب ما هو ضوانا=أبطا أطعونه ما تداوى والأكوان
أبطا وهو طول الدهر مانسانا=ما عاد تبرى علته طول الأزمان
ويا خادم البيتين هذا ولانا=لكم على الطاعة وسر يا كحيلان
أنطح بنا الحوثي ومن هو نوانا=والله إن يعوّد يا بيض الوجه خسران
والله إن يعوّد عقب ما هو بغانا=يستنجد العالم يبي الصلح ندمان
لنّا ليا من العدو ابتلانا=سقناه لين أيشوف حتفه بالأعيان
بفعل ٍ يجمّل فالمواقف لحانا=ماهوب قول أبلا دلائل وبرهان
هذا الصحيح ونحمد اللي عطانا=أملوكٍ على ردع المعادين شجعان

معلقة تستحق الوقوف والقراءة ينطيك العافية

أبيض وجه يابعدي
وصح الله لسانك مليار
واسال الله أن يحمي بلادنا وأن ينصر قواتنا


إحترامي ولاهتت

أخووك

بيض الله وجهك قصيده جميله اخى الحميدى ولا هنت طال عمرك

أنطح بنا الحوثي ومـن هـو نوانـا
والله إن يعوّد يا بيض الوجه خسران
والله إن يعوّد عقب مـا هـو بغانـا
يستنجد العالم يبي الصلـح ندمـان
لنّـا ليـا مـن الـعـدو ابتـلانـا
سقناه لين أيشوف حتفـه بالأعيـان



ابيض وجه وصح لسانك ..

والله يعز المملكة والحكومة ويديم عزّ آل سعود

إحترامي

صح لسانك يا السبيعي ..
مبدع على الدوام ومتألق بحضورك الجميل ..
قصيدة في قمة الروعة والجمال ..
الله يسعد اوقاتك ..
لك التقدير ..

صح لسانك يا غالي

والله يحمي ديارنا من كل غاشم

ويديم عز المملكه . لا هنت وبيض الله وجهك

المشاركة الأصلية كتبت بواسطة راس بيضة

معلقة تستحق الوقوف والقراءة ينطيك العافية

أخوي لاهنت على مرورك