تســـع نصائح لتكون شخص ظريف

تســـع نصائح لتكون شخص ظريف
النـصـيحه الأولــــــى

حاول أن تدرك حقيقه الموقف الذى أنت به مثلا هى الجلسه هى جلسه تباحث فى موضوع معين أو سمر أو فرح أو حزن إلخ
اول شي عشان تصير ظريف خلّك كوول - والله نصيحه بعد
يعني خلك فرري لا تسوي فيها الله يحييك يعني سولف تقل قاعد من ربعك بجلسه بلوت والا بلايستيشن والا قاعدن تخطوون للسفره الى مقديشو مثلا والا رحله صيد للسودان
والا انكم قاعدين بالبر وطالعين طلعه وكل واحد مايدري عن الثاني بصير لا تصير فكاهي مره على طول الخط ولا تصير ملق بس عاد موب تصير درج ويصير يعني وقت شي شين وانت قاعدن تنكت والله ان يدربونك تقل كولا لا لا تقل كوره خلوووو كولا لحاله

النـصـيحه الثــــــانيه
اسمع الاخرين عند الحديث يعني يبه لا يكثر وتبدا تقرق مثل بعض الناس (موب انا ابببببببد) واسأل دائما المتحدث



النـصـيحه الثــــالثه

((اظهر خفة الدم فقط اذا سمح الموقف اثاء الحديث ))
اووووووووه عاد هذه لعبتك يابو اهم شي انت قل صالح النعيمه وماعليييك خلّك خفيف الظل بس يعني اذا شفت ان اللي تسولف معه يعني مابلعك غيّر الموضوع يعني ولايكثر لأنه ما اشتهاك
وتلقاه يقول بقلبه ياصبرررري عليه ذا والا يضحك من طرف خشموه يعني انه يبي يسكّتك انت ابلع الموضوع واسكت ولاعمرك تستخف دمك والا تستهبل




النـصـيحه الرابــــــعه

((تكلم بصوت هادى وتجنب ارتفاع الصوت اثاء الحديث ))
خاصه اذا صرت تكلّم بالتلفون يعني ما والله احد يسمع وش انا قاعدن اقول الحمد لله ياربي ان صوتي ماحد يسمعه مثل دبيب النمله
(ايييييييه بالحيل)
يعني حلو الواحد يصير صوته جهوري شوي وموب عالي يعني تعلموا مني بسم الله علي حتى دايم العيال اللي معي يقولون ورا مالك حس ورا مالك حس خجووووووول خجول وش تقولون
نقووووووول الاخضر فايز .. اللي بعدوا


النـصـيحه الخامــــسه

اشكر المتحدث اذا قال لك معلومة جديدة لاتعرفها
طبعن انت سو نفسك عاد ماتدري يعني عشان ماتفشله بس وانت اصلاً ماتدري وش السالفه مثل ما انا قاعدن اقولكم الحين عن المكوك الفضائي والله منوّل كنت ودي اروح للقمر
موب عشان شي بس من كثر ما يقولون العالم انت تشبه القمر وانت تشبه القممممممر اوجعني راسي قلت الا بروح للقمر اشوف وش السالفه هو صدق يشبهني والا بس اشوى اني ماصرت رائد فضاء
كان الحين انا شاااااااااااابن معهم (اقول دونت بي مور)؟



النـصـيحه الســـــــادسه

استعمل اسم المتحدث اثناء الحديث اليه
يعني قلّه الشي اللي هو يحب انك تناديه يعني يالذييييييب يامخووف الذيب واذا جيت تنادي ابوك ناده يعني باشياء رومنسيه يعني
يا احلى أب .. يا أجمل أب .. يا أعظم أب .. ياسفن أب
ويعني من هالامور



النـصـيحه السابعه

يجب ان تكون متفائلا لحد كبير اثناء الحديث ،إذ أن التشاؤم الدائم يجعل الآخرين يعتقدون من أنه لا فائده فى أى شئ
الحمد لله ياربي اني متفائل الى الحرب هممن عاد بعد الحرب ماادري مثل بنت اختي ياحبيله تقول يارب يارب يارب
جيت اقولها وش بك قالت يارب نموت قبل لا تجي الحرب قلت ليييييييش موتي لحالتك انا مابعد انبسطت بشبابي قالت لا اخاف يموتون العالم قبلنا وبعدين نقعد حنا لحالنا
قلت يادبببببببببه نملك العالم بعدين قلت انت كيفك انا ما ابي




النـصـيحه الثامنه

يعني حاول انك ما تصير مصلحجي بالحيييييييييل يعني انت قاعدن تسولف مع واحد وتلقاه يشتغل بالاتصالا يوم دريت انه يشتغل بالاتصالات وانت تحبه زووووود
والا انه يعني يشتغل بالبنك والا يجيبلك تخفيض من وكاله بي ام والا يجيب لك عضويه يعني خلّك مثلي سمله
والا انه يشتغل بارامكوا (يالللللللللللله انبسط يابو وش عليك) عشان يدخلك يوم الاربعاء مطعم ارامكو والا يدخلك السنير

النـصـيحه التاســــــعه

عدم النفاق والموافقة على كل مايقوله الاخرين ،إذا لم تكن فىالحقيقه متفقا معهم
يعني لا تقعد تنافق ومسوي لي فيها انك فاهم اذا ماتعرف خلاص يبه لا تفلسف والا تقعد تسوي لي نفسك انجليزي : ماربيا وييييييييير ؟؟



كلها لاتصدقونها النصايح ذي
تحياتي لكم
المسكت

1/لازم تكون واقعي في حديثك مع الاخرين
2/لاتقاطع احد يتكلم
3/لا مانع من المزح والضحك عندما تسمح الظروف بذلك
4/حاول تكون متواضع عندما تتكلم فلا يرتفع صوتك وتغطي على الاخرين ولا يقل بحيث انك تسمج
5/الابتعاد عن احراج الاخرين بمعرفتك للمعلومه مسبقا
6/التادب اثناء الحديث مع الغير بعدم ذكر الفاظ مشينه
7/ابداء السرور والتفاؤل على وجهك اثنا تحدثك مع الغير
8/العلاقات اللي مبنيه على مصالح ما تدوم لانها مو لوجه الله
9/لا تصير امعه(ان مشى الناس مشى معهم ) ولا تسوي حالك فاهم

هيا بالله عليك يا المسكت الحين انا اعتبر شخص ظريف والا اتميلح والا اغش مواضيع وافبركها والا مسويه فيها يعنني قريت الموضوع وحطيته برؤوس اقلام والا ...والا ...
ابي رايك بصراحه

لا عدمتك
عشقوه
انا اشوف ان عندك قدره على الاستنباط وكلك ذوق
زياده على قرائتك للمو ضوع وزياده فبركته
تحياتي لك ويعطيك العافيه

المسكت

ههههههههههههههه تفطست من الضحك والله نصايح واو عزالله لوسوينها كذا رحنا ملح ماحد مشى معنا
مششششششششكور ع النصايح الكشخه

المسكت

ياشيخ لو تقول ماتقول دام النصيحه منك لو كنا نتناكس من على حرفه ..ننفذها .
والله شوف نصايح حلوه .. بس بعضها شاطح خخخخخخخ..

تقديري لسموك ..