لك الله يا قلب بعد ما حلفت ايمان !!!!!!!!!!!!!!!!

لك الله يا قلبٍ بعد ما حلفت ايمان
على انك تتوب وتترك الحب لاصحابه
.
ولا عاد تتولع ولا ياخذك تحنان
بعد ما اجرحتك اللي مع الناس لعّـابة
.
اشوفك رجعت وفيك شوق المولع بان
وولعّـت معْـك الروح والروح منصابة
.
الا يا جميل الوجه يا صافي الاوجان
غرامك علينا يا ابيض اللون وش جابه
.
انا والله اني كنت ساليْ ولا لي شان
بدرب الهوى واللي شكا صدة احبابه
.
وقسّـيت قلبي لاجل ما اوقع واعض لسان
وخليت درب العشق واقفلت انا بابه
.
وجيت اقتحمت الباب والسور والميدان
ولا معْـك رشاش ولا معْـك دبابة
.
سلاحك عيون ٍ جل من صور الاعيان
وربي ما يفتك مثلها سيّـد الغابة
.
انا يوم اطالعها يجيني هَـبَـل وجنان
واتمتم بقول للعرب ما احسب حسابه
.
واحس ان دمّي واقفٍ داخل الشريان
وروحي على درب التهاليك منسابة !

رائعة من روعة سموك الكريم
تحمل معاني عديده
كما تحمل انت ايضا ابداعاتًا كثيرة
فلك شكري وتقديري

سلمت ودمت راجي الوصل
ابدعت بعذوبه الشعور المُمتع

دوماً دمت رااائع ولاعدمناااك

اخووك

سلمت الله يعطيك العافيه وصح لسانك يا الغالي ويكفي

سلاحك عيون ٍ جل من صور الاعيان
وربي ما يفتك مثلها سيّـد الغابة
.
انا يوم اطالعها يجيني هَـبَـل وجنان
واتمتم بقول للعرب ما احسب حسابه
.
واحس ان دمّي واقفٍ داخل الشريان
وروحي على درب التهاليك منسابة

سلمت وسلمت لسانك على ها الابيات الحلوه
والله يخلي لكل قلبه وخله