الدمعه

يادمعة هلـيــتها تحت الاغـصان =أبكي علـى فرقـا عشـير غـدا لي
شهرين مرن صـاحـبي ما بعد بان =من يـوم قفّـل ما لقـيـته قـبـالي
ياشين حـالي صرت وحدي وزهقان =تحت الشــجر واقف وأرثي لحالي
في الليل وحشه ما يجيني ولا انسان =وعز الظهر يصلى على القلب صالي
يارفقـة قضيتـها طـول الازمـان =مـع صاحب يرخص علي كل غالي
لا من ذكرت اللي مضى والذي كان =يزيـد فيــني الهــم ويحتاس بالي
مشـوارنا نقطعه في حب واحـسان =كم قـد مشيـــنا من دروب طوالي
وكم قد رقينا من طعـوس وكـثبان =في سرعـتي من شـافـني قال رالي
وكم مـرة يوم المعـاشيب تـزدان =اجلـس معـه الين وقــت الزوالي
والله مـن وداي نزلـته وشـعـبان =مـاهمـني في الدرب طامن وعـالي
عقب المحبـه باعني بارخص اثمان =بـاع الرفـاقـه والأمـل والـدلالي
اول يجـي يمي شفـوق وولهـان =لي غـاب عـني ما يـدوّر بــدالي
يطرب الى من شاف موتـره نيسان =ويمـشـي معه دايم وكنـه ظـلالي
ياهل العقول المنصفه سايقـي خان =كـنت احـسب انه لي رفـيق موالي
ما يـدري انه لي رفيـق بـيابـان =يحـرص علـى ممشـاي اول وتالي
وان كان قلبه قاسـي ما بـعد لان =فـالله يصـبرني علـى مـاجـرالي

بو مطلق
روعه وعودتك وعضويتك شرف لنا
أين انت الى اليوم سيدي
فقد ابتهج المنتدى بقدومك

صح لسانك والله
ومءثره فعلاً

تحياتي لك تقدير واحترام

رعاااااك الله
المسكت

السلام عليكم ورحمة الله وبركاته ... وبعد

بو مطلق

حينما تبحر بقلمك يتدفق روعة

وينساب شلال التالق منه

يـبـهـرنـي حبرك

ويشدني ايقاعك

لوحات نسجتها غاية في الروعة

تـعـطـر بها اجواء وسماء القسم

لنسافر مع حرفك رحلة شعريه جميله تبحر بها اناملك ويبوح بها قلمك

وتخرج من أعماق اكتست بالصدق




بو مطـــــــلق...


الحان غاية في الروعة تخرج من بين يديك متالقة

لذالك لغتك مبهرة ... وحرفك راقي


تقبل مودتي
بقــــــــــايا

أخوي أبو مطلق
حياك الله ..

وصح لسانك مليون ومايكفون يالغالي
قصيده وافيه وجزله من جزل ..

في إنتظار جديدك ..
دمت ودام عزك
رعاك الله ..

شكرا لك يا أبا مطلق على القصيدة
الرائعة التي تنمّ عن شاعريّتك

في أنتظار جديدك


أخوك : فتى