تقديم النصر والفتح في اول مباريات دوري زين 2013 - الخميس 14 / 9 / 1433هـ

تقديم النصر والفتح في اول مباريات دوري زين 2013 - الخميس 14 / 9 / 1433هـ السلام عليكم ورحمة الله وبركاته الشهر عليكم مبارك جميعاً ، بعد موسم طويل أنتهى وفريقنا ما جمّل وكانت فيه إنتكاسات إدارية ومستويات ابو ريالين لكن مع هالظروف نلتمس العذر للاعبينا أنهم قدروا يرجعون يلعبون نهائي كأس الملك رغم الظروف اللي مرّت بالنادي الموسم الماضي من تغييرات إداريه وفنيه . يوم الخميس يطل العالمي كأول مُباراة رسميّه في دوري زين بعد آخر مباراة كانت في نهائي كأس الملك امام الأهلي .. أتمنى يكون النصر هالسنّه نصر بِسمى النادي لا نصر من طرف واحد ( جمهور ) وبإذن الله نفرح هالسنه مع العالمي . الله يعينا على صوت جعفرّ الصليّح بس يدخل النصر المُباراة الأولى خارج أرضه في مباراة صعبّه كونها الأولى للعالمي خارج الأرض وتحسباً لرد إعتبار الفتح بعد ما أخرجه النصر من منافسة كأس الملك في النسخه الأخيرة . طموح العالميين مرتفعه بعد ما تم التعاقد مع صانعين لعب للفريق ( مانسو - عبده عطيف ) عندما كانت هناك مُطالبات للخانة اللي أفتقدها النصر كصانع لعب ( تقليدي ) ! إستمراريه الفرانشيسكا قد تكون من أسباب النجاح للعالمي إذا حافظ على هدوئه ولمساته اللي ظهرت على فريق تقريباً منتهي وقدر ينافس فيه على بطولة " نفس قصير " وهذا اللي كان مطلوب من ماتورانا ينافس على البطولات النفس القصير والتفكير مُستقبلاً لبطولة الدوري اللي تحتاج إلى نفس أطول ولاعبين بنفس النسق والرتم . نادي الفتح يدخل المباراة لـ رد الإعتبار خصوصاً ان المباراة في أرضه وفتحي الجبالي يعتمد على تقفيل المنطقه واللعب على المرتده عكس السيد ماتورانا يلعب بالتشكيله التقليديه الكلاسيكيه 4/4/2 .. خسارة الفتح في الرياض وفوزه على النصر في كأس الملك ما كانت كافيه لتأهله للنهائي . * راح نشوف مباراة ممتعه عن نفسي خصوصاً ان المباراة فيها ( ثأر ) وخصوصاً الجبالي يعتمد على الدفاع وماتورانا تكتيكه واضح تقريباً الإعتماد الكلي على خط الوسط وتمركز السهلاوي وتحركات أيوفي خلف السهلاوي كمهاجم ثاني . غيابات النصر : أحمد عباس - خالد راضي - محمد عيد - خالد عزيز . (( تشكيلة نادي الفتح المتوقعه )) غيابات الفتح : الحارس محمد شريفي . م/ن

بالتوفيق...

بداية متواضعة للعالمي ،

شكراً ع النقل والتقديم الرائع ، ودمتِ ..

اسعدني تواجدكم
يعطيكم العافيه
والروعه اكتملت بمروركم
ودي ووردي لسموكم الكريم..

غردت بها في تويتر بأن اللي مايكسب الجوله الأولى لايستحق المنافسه عدا الشباب والاهلي النصر لاجديد مخترق من الاطراف والعمق والتجانس معدوووم
طيب الموده

في أول مباراة للعالمي مع الفتح لم يظهر بالمستوى الذي يرضيه ويرضي عشاقه الأوفياء وجمهور الشمس ،

لكن عوّض في مباراته الثانية أمام الرائد برباعية نظيفة تُعتبر له ولكيانه وجمهوره بمثابة عيدية مُقدمه ..