ودّي أطلع على سطح القمر مره

ودّي أطلع على سطح القمر مره
يايبه شوف من يقـدر يودينـي

يمكن أعيش مبسوطه ومستـره
ويمكن أندم على نزوة شياطينـي

بتمنّى على كيفـي وأنـا حـره
ومن سراب الخيال أرسم عناويني

والله إني لبعض البوح مضطـره
وانّزف خاطري كثرت دواوينـي

يمكن النزف يشفي القلب ويسره
وِيْتجـدد معـه دم الشراييـنـي

يايبـه لاتقـول البنـت مغتـره
والإشاره ترااهـا بينـك وبينـي

لاعدى الذيب نبح الكلب ماضـره
يسري الليل والرعيان ممسينـي

وسارح الصبح لو جا يتبع الجره
مالَحَق خيل من بالليـل سارينـي

والسباع الجياع اتجيـك منثـره
لادرت بالعشا عنـد السلاطينـي

والردي ماتكافا الناس من شـره
عايب وُنَقْص لو يملك ملايينـي

والليالي سريعـه والعمـر مـره
والغلا والوفـا طبـع المحبينـي

والمعانـي خفيـه والقلـم جـره
والقوافي برمز الحرف راضينـي

شاعرة نجد
م/ن

أبيات رائعه
صح لسان شاعرتها
سلمت على الإختيار المميز

عذبة الروح

حياك ربي وعافاك

واشكر لك حضورك وتشريفك

ولك تحيتي

اشكركََ بعمق يفوق عمق البحر على جمال النقل
دمت بحفظ الرحمن ورعايته..

يمك دروبي

الشكر لك على حضورك وتشريفك

ولك تحيتي