ويش أسوي ..؟

.. إجابة للدعوة .. ووفاء بالوعد ..
هذه بعض الأبيات أتمنى أن تلقى أستحسانكم

ويش أسوي وأنت والأيام ضـدي=والهوى قاسـي وياجـوره عليٌـه
مابغيت أوصل معه ووصلت حـدي=وألتزمت الصمت وجروحي عصيٌه
قلت أغنـي للهوى يمكـن يهـدي=وكل ماغنيـت لـه يـزداد غيٌـه
جيته أعرض له حناني وبعض ودي=وجاء يساومني على جمـره وكيٌـه
قلـت أعديهـا وعيٌـت لاتـعـدي=شفتها أكبر قلـت أخليهـا قضيٌـه
جربي طعم الأسى من جور صـدي=ولا أنـا ماعـاد بصبـر عالأذيٌـه
أفهميهـا وإن بغيتيهـا تـحـدي=لايـردك شـوق قلبـك يابنـيٌـه
والله إن تبطيـن ماتلقـيـن ردي=لين أشوفك تشتكين مـن الأسيٌـه
وإن تعبتي بعذرك من بوس يـدي=وأقبل إنك تحضنينـي لـو شويٌـه

شعر / المهاجر07

المهاجر ..
لله درك على هذه الرائعة الفريدة ..
صح لسانك فقد قرأت قصيدة مليئةً بكل المعاني الراقية في الود ..
شاعر بارع وصاحب حس مرهف وجميل ..
لك التقدير ..

المهاجر 07 اشكرك على هذا الجمال
واهنئك على تلك الموهبة

قلـت أعديهـا وعيٌـت لاتـعـدي
................ شفتها أكبر قلـت أخليهـا قضيٌـه

يالمهاجر المحبة مابتاتي بالتغلي=والهوى بحر والصده خطيًه
كل شاعر له بألحانه شجونٍ تسلي= والمشاعر تشتكي من جور نيًه
من بغى الود يشترى له محلي = بالغلا والطيب وصدق نيًه
والله الي يكتب القسمه وله أصلي= يسعد القلب المعنى بالبنيًه

:المهاجر:

ياجمال الحرف إن خطه شعوره
ويا عذاب الجرح إن زاد به جوره
وياحنان القلب بإحساسه وذوقه

تصدق أنا أول مره أقرأها وأبحر فيها

بكل صدق جميل ما قرأته هنا ..

وتقبل مجاراتي التي تحاول أن تستجمع قواها أما قوة حروفك

مودتي
الحب الحب

بارك الله فيك يا الغالي صح لسانك ويكفي

جربي طعم الأسى من جور صـدي
ولا أنـا ماعـاد بصبـر عالأذيٌـه
أفهميهـا وإن بغيتيهـا تـحـدي
لايـردك شـوق قلبـك يابنـيٌـه
والله إن تبطـيـن ماتلقـيـن ردي
لين أشوفك تشتكين مـن الأسيٌـه
وإن تعبتي بعذرك من بوس يـدي
وأقبل إنك تحضنينـي لـو شويٌـه

يعطيك الف عافيه يالهماجر
شكراً لك وشكراً لذلك الحِس الراقي الجميل
وجميل أن يكون المؤلم إحساس ويُترجم الى مشاعر
بارك الله فيك ولاعدمنااك

أخووك

المهاجر...ما ارع الجمال ..حين يرتسم ويمشي خيلاء كخيلاء الطاووس..!
لحظة ابحارنا معك ..توقف العقل..ورسم لنا الجمال في ابها ..وازهى..وانقى..واروع صوره ..!

روعة ..وسلاسة..وانسياق..ظهرت لنا كخيوط الشمس..من حيث لا ندري!

اجزم لك :
ان رائحة عبق مشاعرك التي تدفقت هنا..وصلنا ريحها الزاكي ..من وراء حجاب..!

المهاجر..
لم اجاملك هنا..بل انت استحقيت ان تعلم حقيقة أثر تلك المشاعر اللاهبة الفياضه ..

وللحق ..روعة وحضور ..ومعارضة المبدع دوما ..الحب الحب ..اضفت اليها لذة كنكهة القهوة على ساحل بحر تعطره اشجان فيروز..فلكما وللجميع :
مودتي واحترامي
خفق