رح ـلة قنـص..

اترككم مع الرحلة المنقوله كما يرويها اصحابها

كانت التجهيزات مميزة والمكان المختار خلاب ,
وأثر الظبي ماليه الأرض

بدأنا جولات الصيد وكان لنا أولها

بعدها توجهنا لباقي الربع عند (مارد الماء) وسمرنا هناك وكانت مشاوي الظبي الحراااااااااق حاضرة (وبإتقان): )

كان المبيت عند المارد تلك الليلة , مع وجود بعض

المرجفين اللذين تسببوا علينا بقل النوم بسبب
الشخير والحصاني : )
أصبحنا باكراً مع القهوة والقدوع ,وهذا حجاج ابوحسين
وحجاجي وحجاج الشقردي عيسى

والفطور كالعادة منوع وهذي تصبيرة مظبي ظبي على الطائر

مالكم بالطواله... ملأنا الراويات بالماء على ظهر

الاسفنجه<اللوري الأزرق ..وتوجهت الاسفنجه للمعسكر
مع بعض الربع

وعلى طريقنا صادفنا بعض القطا ..الفاتح للشهية

وهوا يدرج أمام السيارة

هبوط اضطراري وسريع لبعضها

وخلال تجوالنا صادفنا ذئب على مسا فة قريبة

وهوا يرصدنا بحيرة
حيث يتضح من وقوفه ومراقبته لنا باستغرابه لما يشاهد
وكأنه لأول مرة يشاهد سيارة ,ويبدو انه ينتظر
مشاهدة السيارة وهي (تعلف) ترعا
لكي يقرر هل هيا نباتيه أم لاحمه: )

وقفنا معه للحظات ومن ثم ذهبنا وتركناه في حيرته

وكما قال الشاعر الحميدي الحربي
ياناقل البارود لاتذبح الذيب .....ادخل على الله بالندب لاتروعه
لو انت بالمرمى عطيب المضاريب.....ارحم ضعيف شملته راس كوعه

استمر ينا بالتجوال والبحث عن حق الغداء ..حتى صادفنا هذا المزيون وهوا زابن الوعر ويراقب

حاولنا إخراجه من المناطق الوعرة بكل هدوء لكنه لم يرضخ لنا وبالأخير ذهبنا وتركناه بعد استمتاع <وحسرة

توجهنا بعد ذالك للمعسكر لأخذ قسط من الراحة وكان غداء ابوعايد في الانتظار مع بعض حركات ابوذياب ألي مايتركها من الأطباق الجانبية

أثناء وقت الراحة قرب ابوذياب ال نعناع والليمون والعدة الخاصة لأعداد عصير بطريقة الغبابنه: )

عصير
وكانت النتيجة .عصير نعناع بالليمون .
(هدأ حواسك..وروق أعصابك..كأس الغبابنه..يطرب رأسك)

تسلم يمينك ياعم

استمر ينا بالتجوال حتى صادفنا مشهد جميل وجديد أجبرني على اخذ تذكار
ولسان حال الغراب يقول للآخر :العلوم ,,الأخبار ,,وشلون الوالده ,,ماعنده خلاف ,هي تعرف اللي يجيها
هههههههه

وبعدها طل علينا بطلته البهية الغزال الشارد (والمكار )

لكنه بدأ يسحبنا من مكان عصب إلى آخر مع بعض القفزات الاستهتارية والاستعراضية والي خلت قلوبنا تنقز من جمالها
سبحان الخالق

خليناه يتميلح مثل مايبي حتى حانت الفرصة ....وطلع من الوعر لأراضي مفتوحة فكانت الصورة

والبركة بالشباب ابوجراح وابوسعد ألي شافوا وطاردو وقشروها للسلق أعزكم الله

ودعنا الشمس في ذالك اليوم مع بعض الذكري ات الجميلة

وكانت تلك ألليله حافلة بالمتعة والشيلات والقصيد بقيادة ابوذياب وابوجراح

وبعد انتهاء (التميلح) مع الظبي بدأ دور ابوذيب بسلخة وحشوه بالماكرونة والبيض المسلوق ومن ثما تربيطه وخياطته

ومن ثم وضع اللمسات السحرية الخاصة وسد المداخل والمخارج : )

ودفنه بالملة لحين استوائه وكانت النتيجة مذهلة (اذكروا الله)

تعشينا وسمرنا تلك الليله ونمنا نومه هنيه : )

مع وجود بعض العوائل المتابعين وبإعجاب <أصلن ماعندهم شغل من الأساس

يتبع

وهنالك ابوسعد و هوا مشغول بتجهيز القرص وعلى طريقته الخاصة وبحماسه المعهود وهو غير مكترث <واسطه

ومهما كانت إغرائات الظباء لكن تظل الأرنب هي الأجمل من منظوري الشخصي
حيث في أحد الأيام اتجهنا للمعشوقة الشرماء وكانت متوفرة وبوفرة ولله الحمد
وكان لنا هدد مشوق , وهذة لقطه منه ....

بداية (تصريد)وانطلاقة

وبدأ شغل ابوذياب الخاص بالفرم تجهيزاً لليوم المفتوح

وهنا يتم تجهيز اللحم وعزله عن العظم <لايدرون حريمنا : )

وهنا الحصيلة .. بعد الفرم والتبهير

يتم تجهيز اسياخ الكباب وكذالك البطاطس ..بمزااااااااااااااج

وبدأ القلي وسيلان اللعاب <يم يم

وشوي الكباب من قبل الأمير لأن الكباب مايبي استعجال وحركة زايده< افهم يافهيم: )

وطبعا متخصص المقبلات والمخلل والحمص والتبوله وحلقات البصل ابوعبدالله الرايـــــق

والنتيجة ولــيــمــة ...اذكروا الله للاحين أغص ..غصة رجعية

لــــحــــظــــات .....ولـــوحـــات

يوم غائم لا ينسى
يا سحايب هلي علينا نرتوي بك دخيلك

والمطر خير من الله وبعد المطر أثر الصيد واضح

فيك من طبع الظبي ليمن مشى......ثم عاود والتفت ثم استــــــــــراب
يا حلو فزة جفالك يا رشــــــــــــــا.....يوم تسبح بـالصحاري في سراب
دايـــــم الــســيــف

تذكار جميل لطرائد سبق عرضة في بداية الموضوع
<والله يابوعبدالله خااااااااالص يبي النوم ههههه

ابوعايد البطل

نهاية نهار حافل

هـذا الـولـع لــو قـالـوا الـنـاس مبـلـي
راعي الولع ماهو عن النـاس نشـاد
للشاعر حمد السعيد

الذيب موتر الذيب بعد ماقطينا كلنا فيه : )
بعد عطل مؤقت للموتر الثاني

وأخيراً
ظبينا السابق في لقطه معبرة للسرعة والرشاقة
< ذكرني بآلام الصفاق

من خصايص عنود الصيد كثر الطواري ....و عادة الظبي يجفل ليتحرك ظلاله

ايصيد الجوازي كود بخص و داري ....القنص بالركاده و التسرع جهاله

و لا يعرف الطرد من لا يعرف الصحاري ....ماتعرض سموم و لا تعرض شماله

كل درب عليه من المخاليق ساري ....للسوالف رجال و للشكاله رجاله

و انت عشقت حياتي يا غزال البراري ....اتفاول بوجهك سعد من صرت فاله

دايم السيف

رحلة ممتعة تخللها كثير من اللحظات الجميلة

منها محاولة لصيد أرينب (ممتع)

حيث كان الأثر كثير وويثير الحماس ,فتتبعنا احداها

ابوسعد الله يجزاه خير يواصل قص الأثر بحماسه المعهود

وبعد تفتيش وإلحاح .....تقفز (تنفج) المزيونه

حيث كانت لها السلق أعزكم الله وهذا أول الواصلين وبدايه مبشرة بطرد شيق

بداية (تصريد)وإنطلاقة

وهنا دخلت شطنه وسحاب ولكن سحاب اختل توازنه مباشرة

ولكن (شطنه) استمرت بمحاذاة الأرنب وهوا
تكتيكها الخاص ...ماشاءالله

انحراف إجباري للأرنب مع بعض الفرامل ..
.لكن السلوقي الأخر مفرمل من بدري

وهنا تطويق من الخلف والأجناب ومحاولة أخيره للأرنب

إطباق ومحاولة يائسة..

التقاط واستسلام ....ماشاءالله

****************

استمتعنا بالمشاهدة والمطاردة ... وحل الليل
عاجلاً ..بعد هدد ممتع وذكريات جميلة ..

منقول

ووو لا احححلى ..

رحله رائعه بروعة الرحايا

مبيّن رحلة أعدوا لها إعداد ممتاز والمنطقة صحراوية مثل ما هو واضح ..
صيد متعوب عليه وأجواء مميّزة وناس أصحاب رحلات وخبرة تامة ..
تقديري ..

هذه الرحلات ولا بلاش

شكراً على النقل

الف شكر على هــذا التقرير المتكامله

ماشاء الله
روووعه استانست بالصور
كيف لو بطلع مثلهم

احس اللحم كنه فحم هنا


الله يسلم يدينك ياقمر

يعطيك العافية

على التقرير الراائع واعتقد انه في افريقيا
ويمكن بالسودان مكان الصيد

تحيتي لك

نواااااره
ياهلا فيك والروعه بحضورك دائماً
ابوريان
ياهلا فيك واشكرك لحضورك ..
نبع الغلا
العفو وياهلا فيك مشكور..
بن ظافر
العفو واشكرك لتواجدك
شيخة آلـ غيد
ياهلا فيك واشكرك لحضورك
وصار كأنه فحم من زود النضج
سد الوادي
ياهلا فيك واشكرك لحضورك..

كل التقدييير..

رحلة متعوب عليها .

يعطيك العافية .

ابوفهـــد
الله يعافيك واشكرك لحضورك..
تقديري..

أأأأأأأأه روعة

طرح رائع وجميل

والواضح متمرسين ومجهزين لكل شيء

وباين ماهي أول مره لهذا المكان

وإذا ماخاب ظني في الشمال

مودتي

ابو زياد ..... شمال أيش هذا الله يسلمك بأفريقية وهوجنوب السودان

خل شمالنا ما فيه إلا غبار وابو صاهود ههههههه يا بعد حيي