فضيحة جديدة تكشف حجم العمل الذي يحاك من خلف الكواليس لاستهداف نادي الهلال،

فضيحة جديدة تكشف حجم العمل الذي يحاك من خلف الكواليس لاستهداف نادي الهلال،

العمل الذي يحاك من خلف الكواليس لاستهداف نادي الهلال،
وتحديدا فريقه الأول لكرة القدم، ونجومه المؤثرين
من خلال " لوبي " وفق أعمال منظمة تسعى جاهدة لعرقلة مشوار الزعيم
حتى في الاستحقاقات الخارجية التي يلعب بها الهلال
بإسم الوطن، ورياضة الوطن.


أما الرسالة القضية ، وسوف نستعرضها
كما هي فقد أرسلت عبر الهاتف المحمول (الجوال)
لشخص يدعى ابراهيم القوبع (محلل آسيوي) الذي
سبق له العمل الرسمي
في لجان وأروقة الاتحاد السعودي لكرة القدم، واداريا في
المنتخب السعودي الأول لكرة القدم، ودلف الى الرياضة
السعودية من موقع تدريبه للفريق الأول لكرة القدم بنادي
النهضة حيث كان يعمل كمساعد مدرب، وهو من المقربين
جدا للامين العام للاتحاد السعودي
لكرة القدم فيصل العبدالهادي.

ونص الرسالة يقول:


" سلام محمد ..
ارسل لي بريدك الالكتروني عشان ارسل لك صورة حصرية
عن ضرب رادوي بشرط عدم الاشارة للمصدر.
اخوك
ابراهيم القوبع ".

وكان يقصد القوبع ب(محمد) مدير تحرير صحيفة الرياضي محمد البكيري،
ولأن الله أراد فضح المخطط، والمكر السيء له فقد بعث بالرسالة عن طريق الخطأ الى (جوال) أحد الزملاء الإعلاميين – نحتفظ
بإسمه – وهو أحد الثقاة في الوسط الإعلامي، والرياضي معا، والذي يحظى بثقة المنتسبين الى الوسط الرياضي.

وماذا بعد ؟!

وبعد كشفنا لهذه الرسالة الماكرة التي مررها احد اللذين
يشغلون منصب (مستشار) في اتحاد الكرة، تقفز إلى الأذهان
جمل عديدة من الأسئلة، لعل من أبرزها: ماذا كان يصنع هذا (القوبع) عندما كان يمارس عمله الرسمي في أروقة، ولجان
اتحاد الكرة ضد الهلال؟، وما مصلحته من تمرير مثل هذه
الصورة الحصرية لضرب رادوي كما يدعي في مشاركة
وطنية للهلال وهو أحد ممثلي الكرة السعودية، وأبرزها،
وأضمنها وصولا للدور الثاني في البطولة الآسيوية؟

لن أجيب .. بل سوف أترك لكم الإجابة !!!!!

المصدر صحيفة الجماهير الإلكترونية

ويحسبون كل صيحه عليهم هم العدو ..

مابه جديد الجميع يحارب الهلال و يكيدهم الهلال في ارض الملعب
من ناحية الوطنية يخلون وطنيتهم لهم و يفكون فريقنا من شرهم
شكرا على النقل

ويحسبون كل صيحه عليهم هم العدو .. <<صراحه قويه لا لا قويه حسستني اني الهلال من بلاد برا

وبليز تراها كوره لاتستخدم هذي الالفاظ فيها احترام للقران على الاقل واتمنى انك تكون فاهم الايه .

اما بالنسبه للموضوع فلا جديد قبله كان كوزمين والحين دور رادوي مجننهم بس بعيد عنهم.

عووووواافي

الهلال أكبر من أي كلام فاضي .. وأنتم محبي الهلال لابد ما تزيدوا على البحر ...
ورادوي هذا قد ماهو يخدم محور الهلال إلا أنه راح يجي يوم يتوطا في بطن أحد محبيه ..
أو لاعبيه .. وأكبر تواطئ سار معه بعد مباراة الاتحاد أوقف مباراه .. ضحكوني بصراحه
لأنه يستحق الإيقاف حتى نهاية الموسم .. بحكم أنه حاول الإعتداء على اللاعبين والحكم ..
شمبوا و ... في آآن واحد ...
تقديري ..

ههههههه شوف انا ماقريت موضوعك تصدق

لاني مايحتاج اقراه كيف بالله مؤامره ضد الهلال ههههههههههه

ياخي باعطيك شي واحد يدل ان الجميع واقف ضد الهلال

لاعبك رادوي اللي مسوي قوي يوم ضرب محمد نور وقفتوا معه الكافر ضد محمد نور المسلم

ومحمد نور لو يحط عينه في عين اي احد كلكم قمتوا عليه

يعني لاعبينك اذا ضربوا صاروا شجعان ومايتوقفون ولاعبين الغير اذا ضربوا يتوقفون وتسوولهم سالفه

هذا دليل بسيط

ياخي متى تعترفون ان الجميع واقف معكم

والله في هلاليين ماينكرون ويعترفون بهالشيء الا الهلاليين اللي من بني عمرو هههههههههه

تحياتي للكل

الذيب شكرا لك

اذا قريت الموضوع عرفت
بعدها قل رايك...

ارياف انا مااحب الاحتكاك ..

خليك بحالك ..

يالبيه يا رادوي بس

لا لا لا لا ماني مصدق ..

صار فيه احد يحيك مؤامرات ضد الهلال ..

اخبر ان المؤامرات تحاك ضد الاندية الثانية النصر الاهلي الاتحاد الشباب .. اما الهلال ؟؟ ماني مصدق ..

بس بصراحه ورد على موضوعك .. سواء رادوي والا غيره .. المهم ان الجميع يعرف ان رادوي مصارع في الاندية السعودية .. بصراحه يعني ولاتقول ان عنصري والا شي .. اخر شي كان مع الاتحاد والجميع شافه وهو يبي يضرب الحكم بعد محمد نور طبعا ..

لكن .. وهذا اللي تتكلم عنه انه يبي يطلع صورة حصرية لرادوي وهو يضرب مادري ينضرب .. مايحتاج حصرية ولا شي الصور موجوده وشفناها في التلفاز كللنا ..

ومع احترامي الشديد طبعا اخوي الرافعي ..

مثل المواضيع هذي اتمنى انها ماتنقل .. واقول لك ليش .؟؟

لأني يمكن اركب سالفة زي هذي على واحد هلالي والا اللي يكون واقول شوفوا المؤامرات اللي تحاك ضد النصر والا اي نادي ثاني ..

يعني أنها لاتعتمد على مصدر موثوق .. وانما كلام منتديات ..

اتمنى مايجي بخاطرك شي . لكن هذي وجهة نظري .. واعذرني ..

تحآآآآآيآآآآآي .

الواضح من انك غير متابع
ولذلك لان ادخل في جدال معك حول القضية
وش تقدر تسمي المصري حسام غالي مع جيزاوي و ياسر وهوساوي ومهاجم الاهلي