شيلة هجرني باخراج رويال

هجرني يقول انه تطوع وراعي دين
ماكنه يعرف ان الوصل يدخل الجنة

نسى مامضى عذب اللمى صافي الخدين
مع انه يعرف ان الوفاء واجب وسنه

هذا تالي الصحبه وتالي دموع العين
جزاني عليها الهجر والقلب ماحنه

أنا اشفق عليه من الشقاء والجفا والبين
واقدر وهو ماقدر الوضع ماكنه

ماكنه مضى من بيننا عهد.. حلف ..يمين
نساها وكن الحق له والغلط منه

فجعل كان عذره كذب ويقول راعي دين
فعسى الله لايقسم له الأجر والجنه



و انا ماسك خط انا و اخوي
نزلته بالرياض و كملت طريقي و اليوم رفعتها على اليوتيوب
اتمنى تروق لكم

كلمات الشيلة دلالية لموقف معين والله أعلم ..
وهي بكاملها شيلة رائعة ومميّزة ..
المهم التصميم نقدر نقول إبداع في التركيز على طبلون السيارة
يا رجال خذ يمين ولا يسار وأعطنا شوية مناظر وحزن وسيناريو مؤثر ..
لاهنت ولك تقديري ..

ههههههههههههههههه
ارحب يابو ريان
المقطع مصوره لاخواني في القروب
و لكن من الطفش عندي قلت اشارك فيه المنتدى
لاهنت

بمناسبة الطبلون
لاتسرع فالموت اسرع

شكرا لك

كلمات جميلة واختيار موفق بارك الله فيك .
نتمنى لكم السلامة .

اختيار موفق الله يسعدك

وين ساهر . . وين أمن الطرق . . وين الحكومة هههه . .

بالسلامة إن شاء الله . . واختيار رائع وجميل . .

شاكرين ومقدرين . .

الله يهديك وش ذا السرعه
وليت لو جاك مشكلة محد يتضرر غيرك
لكن بتبلى خلق الله اللي في الشارع
أنصحك بمتابعة حملة يعطيك خيرها

والله يحفظ الجميع بحفظه ورعايته

شيله حزينه
وكملهآ المسرى والطريق
تسلم ايدك رويآل ع هيك مقطع
لآعدمنآآك ..

شيلة رائعه ...
يعطيك العافية أخي رويال ...
تقديري ...

ارحبوا جميع و الله يحييكم تحيات المطر

نبع الغلا يعجبني ردك
تصدق على خط القصيم عشرين الف ساهر
و لافيه و لا مركز اسعااف
و فيه مقطعه بين حايل و الجوف 220 كلم لايوجد فيها
لا اسعاف و لا مراكز صحية و لا محطات

تحياتي للجميع