كسرات شعبية

1 الحمد لله عندي ناس = في داخل القلب حطوني أهل الوفاء رافعين الرأس = حتى من الشمس يحموني 2 أنت وأنا والحياه وبس = عن باقي الناس تكفينا في جو هادي إذا نسنس = بالليل نحكي أمانينا 3 سمسم فوادي صغير السن = ويسقيني السم في كاسه لا وين من حالتي ما يحن = والقلب في آخر أنفاسه 4 الشخص مهما علا شانه = وقدر ما يجمع الأموال في يوم يبكيه خلانه = ويموت ما حقق الآمال 5 مهما نعاني من الأيام = نصبر نقول الأمل باقي باكر يجينا السعد قدام = مادام للشمس مشراقي 6 الله اكبر على حالي = أصبحت معدود في الأموات الناس تطلع إلي العالي = وأنا اللي ابكي على ما فات 7 اللي انجرح من اعز إنسان = والجرح داخل صميم القلب كيف يتغلب على الأحزان = اللي عجز في دواها الطب 8 ساعة صفا عشتها وياك = ومن بعدها عاد تنكيدي ما عاد اقدر على فرقاك = قلي وش الحل يا سيدي 9 مالي فوقت الرخاء وقفات = ولاني عوين الذي ما يعين أنا خويك على العسرات = ماني خويك نهار اللين 10 كنت السفينة أنا شراعك = رميتني فالشواطي عام واليوم موج البحر جابك = شفت البحر كيف ما ينعام صغير فالسن لساعك =حرام تشكي على الأيام زمان باعي على باعك = وادري عليكم من الأسقام واليوم يوم الزمن لاعك = لا تشتكي جفت الأقلام قوم اطلع الباب قدامك = من قبل ما احكم عليك إعدام 11 جربت الأصحاب كم جربت = وناتج التجربة صفرين وبعد التجارب أنا قررت= ما عاد تبكي عليهم عين 12 قمت أتفكر في جيل راح = عقب لنا رجال مشهوره مير البلاء في جيلنا يا صاح = ماله تواريخ مذكوره 13 يا قلب لا تنخدع بالود = مهما حكوا لك عنه وأغروك شوف الغصن لو زهى بالورد = تذبل وروده ويبقى الشوك 14 يا منك الآن تذكرني = يا للي على خاطري ذكرا ك ويا ليتها الناس تعذرني = يوم أني ابكي على فرقاك 15 الكل يكبر معه عقلة = غير الذي فالجهل مثبوت يكبر ويكبر معه جهلة = ويعيش به لين حتى يموت 16 مهما استدار الزمان ودار = وغير من أوضاع ما غير تبقى العقول الكبار كبار = والناس بعقولها تكبر 17 ما عاد باقي في هذا الليل = ساعة صفا تشرح الخاطر إلا ساعات الأسى والويل = تأمر وأنا أقولها حاضر 18 اصبر لا جال الزمن بهموم = واشكر مادام البخت سرك لا تحسب إن الصفا بيدوم = مهما طويل المدى غرك 19 الورد في مقتبل عمره = تلقى شذاه وأريجه فيه وان عاش أيام من دهره = يذبل ولا يلقى احد يشريه 20 واقلبي اللي طبيبة راح = سافر وضاعت تقاريره من بعده القلب فيه أجراح = يرثى لها من تحاسيره 21 لولا الهوى ما جرى دمعي = ولا ترنم لساني قط ولا اشتكي من سقم وانهي = ولا فوادي انحرق واشتط 22 كل ما مضى يوم من عمري = جسمي ضعف سار في نقصان ولازلت باقي على أمري = أكالي البعد والحرمان 23 لا يا بدر فالسماء نور = ما في مثلك بدر فالكون سبحان يا بدر من صور = جعلك للناس كاف ونون 24 وقلت يكفي حرام تزيد =* أنا قتيلك وشوف دماي قال انت من انت بالتحديد= يا كثرهم في الهوى قتلاي 25 قلبي تفطر من التجريح =ولاعاد يستحمل زيادة ضاع الصبر في مهب الريح= وروحي على الهم معتادة

مما تصفحت

بن ظافر
يعطيك العافيه شعر الكسرة من ارقى انواع الشعر
اختيار رائع لاهنت

سلمت يداك
الله يعطيك العافيه

تشرفت بمروركم الغالي الله يعطيكم العافية لا خــلا ولا عــدم