{{عذبت حالي}}

السلام عليكم
أرجو أن تسمحوا لي بهذه القصيدة النبطية
وأعذروني لأن القصور بها حاصل.





يالله يامـن لـه عبيـده يلـبـون
ترفق بحالي وانجنـي مالتهالـك
الشعر له هاجس خيالٍ ومضمـون
يبحر بها الأفكار من غير مالـك
مايملكه حضـر وبـدو يشـدون
هذي عطايـا الله تبلـغ وصالـك
شاعرواوثّق مانظرتـه بكربـون
واساجلك بالشعر وما احلى سجالك
يامن يناظرنـي بعينـه ومفتـون
عذبت حالـي عـذّب الله حالـك
تشبح بعينك كنّهـا لـول مكنـون
يازين نظراتـك وياطيـب فالـك
من لامني في العين ياناس مجنون
أجمـل عيـونٍ تفتديهـا بمالـك
اصبر واجامل لكن الناس يـدرون
يدرون عينك موت وانـا باسالـك
بأسأل سؤال اللي من الزين مغبون
مغبون لجلك وانـت ولا طرالـك
بأسألك كم من عاشق لك ومسجون
أبغى الحقيقة والإجابة حلالـك
ياليتني لك ابـن عمـك وممنـون
ممنون أنا حتى ولو ابـن خالـك
قد تبت أنا مالحب وياكم به اطعون
لكن لعينك صرت عاشق دلالـك

مرعي الحمراني::::: الله يعطيك الصحه والعافيه وصح لسانك ويكفي


ياليتني لك ابـن عمـك وممنـون
ممنون أنا حتى ولو ابـن خالـك
قد تبت أنا مالحب وياكم به اطعون
لكن لعينك صرت عاشق دلالـك

مرعي الحمراني

صح لسانك ملايين ولا هنت

قصيده اكثر من رائعه

يامن يناظرنـي بعينـه ومفتـون
___ عذبت حالـي عـذّب الله حالـك

تشبح بعينك كنّهـا لـول مكنـون
___ يازين نظراتـك وياطيـب فالـك

الحبيب والفاضل بن ظافر
أشكر لك عذب الإطراء
وتقبل التقدير والاحترام.

مرعي
حسبك الله وأنا خوك

ودوماً مانستمتع بما تضع

جل الاحترام لك ولاهنت

اخووك

يامن يناظرنـي بعينـه ومفتـون
عذبت حالـي عـذّب الله حالـك


مرعي الحمراني أنت شاعر قادم إلى الساحة بقوة
رووووعه قصيدتكـ و تهبل .. و ما فيها أي قصوور

سلمت يمينكـ ..

تمنياتي لكـ بالتوفيق

الفاضل ألم وعشناه
أشكر لك طيب المرور الكريم.

الشاعر والأديب المعروف المسكت
أشكرك وأثمّن لك دماثة خلقك الكريم.

صح لسان يالذيب
ابيات رائعه من انسان رائع
تقبل خالص المودة
ابو عبدالله

جرحي عميق
شاكر ومقدّر لك وبارك الله فيك.

أخي الحبيب صالح آل سلمان
أشكرك وبارك الله فيك.

الله عليك يابو محمد

صح لسانك مليون

كعادتك مبدع يابعدي

لله درك

مودتي

صح لسانك وجمّل الله حالك