بـِيـنَ ـآلحنَـآيـَآ نَبـْض •» إِنثـٌروآ دٌرَر حَنآيآكُم هُنـآ

فقدتك ياكبر فقدك على القلب وشرايينه
وانا كلما تذكرت الفراق أسري على جالك

يزين فيك البحر والقاف والفكره
لولاك ماشفت حيٍ يطرق أشعاري

جاورت روحي .. وقلبي صرت محتكره
والقلب قلبك وخذ راحتك ياجاري

سلمتك رشا الهوى والدلو والبكره
وانا لك البير وأغرف كامل اسراري

وان كانك تسوق لي من الغلا بكره ؟
قد سقت لك من صميم الخافق أبكاري

‏ولك حنّيت !
‏عسى منك السوالف
‏تحتري صمتي ؟
‏يا دعواتي إذا صليت
‏أنا مشتاق لك والله
‏ورب البيت !
‏أخاف إنك تجيني
‏حلم وبـ حلمك
‏أنا ما جيت..

صحيـح مابه سـراب يسقي الضامـي
بس الامــاني توسـع صدر راعيهــا.

وانت شكلك تحسبنـي فـي نعيـم
لنـي اخبـي صوابـي واستـرهـ

ولاتحسب الجفن من دمعه عقيـم
يستحي منك والى اقفيـت انثـرهـ

يا صباح العام والعُمر القديم
يا صباح الشوق لـ ايام مضت..

لك في الضمير الود والحشمه اتوام
ولي في ضميرك مثل ما انا بغيتك

ولك منزل في نايف القلب وخيام
وذود الغلا ترعاه ولا شكيتكـ

قـالـوا تـحــب وقـلــت لـلـحـب سـيــرهـ
قالـوا تعـب مـا بيـن عـاشـق ومعـشـوق

قلـت التـعـب يحـتـاج صـبـر وبصـيـرهـ
ولـولا التعـب مـا حصـلـوا للهنــا ذوق

طريت في بالي وفجأه تبسمت
وغمضت من لذة خيالك عيوني

الليل والذكرى وطاريك والصمت
هالاربعه في غيبتك اتعبوني

دمعٍ من الصبح في شرفة عيوني يبين
تنـده له الشمس لكن ماني بــ ذارفــه

الناس مايعذرون إن قلت هذا حنين
وكلامهم قبل ما يبـدون به عــارفه

أسهــــر وكـــل العالــم رقـــــود
ودمــوع عينـــي تهمـــل إهمالـــي

اللــي نبيـــه مــا عـــاد بــه مآجــــود
يــا سعــــود هــذا منزلـــه خالــــي

ماهـــو بقصـــده يــوم راح صـــدود
لاشـــك هــذي دبـــرت الوالــــي

ياللـــه عســـى هـــاك الزمـــآن يعـــود
وترجــع ليآلـــي ضآيـــق البآلــي

بــس أتحــرى يومــه الماعـــود
حالي قضـى مـا عـاد بـه حالـي

اللي بقى كلمة ٍ في فـمّ نسيانـي
تكبر مع الوقت في صدري وتخنقني

ملّيت منها وملّت صوتي ألحانـي
ملّيت قيدي و ملّ القيد يحرقنـي

كلّ المسافات تنهينـي و تبدانـي
وحيد فيها من ظـلال ٍ يرافقنـي

وحيد حتّى من أنفاسي من لساني
في مفترق حزن ما يبغى يفرّقنـي

انا كتاب ٍ كتبته صار يقرانـي
متى يبي ينتهي منّـي و يغلقنـي.

اتخيلك .. تحلى ليالي سنيني
ليه الزمن وياك يمرني بساع

تعال قل لي لا توارى حنيني
من هو بيسقي بالحيا مجدب القاع

تعال ياللي دنيتي بك تزيني
تحيا بك الافراح وتموت الاوجاع

يا كبر تقديرك بقلبي وكبر اجرك
لا جيتني بالوصال وشافتك عيني

في غيبتك تكبر جميع الفراغات
إلا فراغ الشوق هُو ممتلي بك