๑۩இ۩๑ صـبـــاح الـعـمــــــر ๑۩இ۩๑

رعى الله جبين صبّح العمر با احلى أشروق=طرد ليلي الرابض على نزف الأعماقي
يسلم سلامٍ باأحسن القول والمنطوق=حروفٍ تناغم كَنّها نبع رقراقي
هداني من البسمة كما برقة المفتوق=يجلّل شفاه التوت من شَهد الأرياقي
هزمني بنظرة رزّمت حول قلبي طوق=وصرت السجين اللي بلاحبس واطلاقي
جديله على متنه تضوي وراه أبروق=وعنق الغزال اللي قهر كل الاعناقي
نهوده كما الرمان مروية الغرنوق=وجيده مرايا البدر في ليل غسّاقي
يميّل بكف الورد في غصنه الممشوق=ويغضي بشوفه مالمح لمح سراقي
شفوقٍ على قربة ومن حالتي مشفوق=واهذري إذا سجيت به حزّة إفراقي
صغيرٍ إذا شفته وفي كلمتي مخنوق=واسيّل دموعٍ وقعها وسم واحراقي
على الله على الله خافقٍ ماغفى له موق=يدُوْج البراري حاير الفكر والساقِ
زمان الرضا ما أحلاك ياعطري المعتوق=تلاعب بروحي لعبةٍ كسبها باقي
متى يسعد الخاطر على ما اهتوى ويروق=ويسْلَم من أحوال على بعد وارهاقي
عسى ما أعدم الغالي فله في الضميرأعروق=تروي جفاف القلب بالدم خفاقي
حبيبي فديتك شلّ بالصوت والطاروق =لقلبٍ من الفرقا حزينٍ ومشتاقي

\
\
\


عائض القرني

والله جميله يا عايض

بيض الله وجهك

شعر ولا أطيب

لك تحياتي

حسن بن عويش

المشاركة الأصلية كتبت بواسطة حسن بن عويش

والله جميله يا عايض

بيض الله وجهك

شعر ولا أطيب

لك تحياتي

حسن بن عويش

ووجهك أبيض ياالحبيب

وشرفتني بوجودك هنا .


\
\
\

عائض

الاخ ...عايض القرني صح لسااانك

وكلمات رائعة من شاعر مبدع ...ننتظر منك الجديد

صح لسانك ياخوي

عائض القرني

صح الله لساانك مليوون
والله يعطيك الف عافيــــــــه
قصيــــدة رائـــعـــه ...
قصيــــدة لا يكتبها الا شاعـر متمكــن ومـبـدع
فــي إنــتــظــار جـديــــدكـ يا غالي
تقبل أطيب التحايـا

الاخ العزيز 00000000 عائض القرنـــــــــــــــــــــــي
تسلم على هذه الابيات الجميله الرائعــــــــــــــــــــــه
واهلا بتواجدك وابداعك
اخوك
السااااااااااااااري