المركــاز

المشاركة الأصلية كتبت بواسطة المهندســ

سعيد بن شفيا

ودنا بخبزة وصينية سمن وعسل وتعال اعطنا سالفة
الله لا يهينكـ وانا اخوكـ ,,, ترانا مشتاقين لسوالف الديرة

شكرا لحضوركـ غالينا وعلى فكرة
العودة للهجة الديرة وكلام شيبانها شيء طيب
خلونا نحييها هنا حتى لا تروح مع الزمن

تقديري

ابدا ما طلبت شئ ...... مرحبا أو تلين الحصى والله إن ودي إنكم معي ...... وحرام إني ما رتبت لها ولا شي وإنها جات بضروفها يوم قرأت ردك

فتفضل أنت والحاضرين ومرحبا هيل






وتفضلوا الله يحييكم



العنوان عندي في المشب بمنزلنا الواقع بحي الطحلاوي ..... الطائف أحلى

المهندس الله لا يمسينا وأياك والجميع إلا بالخير

موضوعك في قمة الروعة بروعة تفكيرك وإختيارك واضح وهادف مجهود تشكر عليه كما أننا لا نسى كل مواضيعك وردودك ومشاركاتك بهالمنتدى الشامخ وكما هو الظاهر أسلوب راق منها تحريك المشاعر والفكر فأنت جوهرة المنتدى

وأما الخافي عن البعض ونعم الرجل وبأختصارأنت أصل المركازوعموده. بس ما فيه شبة نارمع الشاهي وحبش خصوصا غميلة الديرة هههههه
أسأل المولى وحده أن يحفظك وأن يمتعك بالصحة والعافيه


لنرجع للمركاز ففيه قصة حدثت قبل ما يقارب الثلاثين سنة وهم متوفين أسأل الله عزوجل أن يرحم أمواتنا وأموات المسلمين في كل مكان المهم القصه في المسجد وفي صلاة العشاء وعندما أقيمت الصلاة تقدم أحدهم لأن الإمام تأخر ومن عادة الإمام إذاجاء للمسجد تسمع صوت أقدامه وهو ماشي بالمعني يسحب وبقوة يعني لا أحد يصلي جيت ههههه وعند تقدم إللي يصلي قال أحدهم أنتظر المطوع جاء قال فاحضر أي وش تبغاني آسوي وبعدها قال الله وأكبر والكل يضحكون
وكانت قرآتة في القرآن ضعيفه وحاط التشكيلات على كيفه الكسرة فتحه والضمة بدالها واو....الخ وكان فيه مع المصلين مدرس بالقريه وهوأجنبي ومعزوم قام يردد الإمام بسب الأخطاء الهجائية والامام صبر ومشاها في الركعة الأولى وعندما قام للركعة الثانية وهو يحمل هم من هذا الضيف المدرس لأنه أبطى في الركوع والسجود من الورطة وبعد محاولات عدة من المدرس لتصحيح الأخطاء ألتف الإمام قاطع للصلاة وقال ياولدي هذه صلاتنا من زمان وانت صل يالمدرس في قريتك وفكنا شرك ههههههههه.

وأحب أقول للجميع عند المهندس قصص ويا كثر خصوصا أن قريتك تقطن بين قرى وأوديه ههههههه
أعطنا ولا تبخل بارك الله فيك وفي طرحك الجميل

اللهم لك الحمد ...... بعد هذه الخبزة الطيبة بأعلمكم بسالفة

كلكم تعرفون المقولة الشهيرة (( ما يقوم حتى نشب تحته )) يعني بطئ ولا يتحرك حتى يحس بالحرارة

الله يرحمه ويتوب عليه ويغفر له (( والدي )) كان راعي حلال وراعي بلاد وذا معرفة بتكييف الحيوانات إللي كانو يستخدمونها منذو زمن في قضاء حوائجهم .

المهم مرة مر المرارير جاء من ((نيد)) وتعني البداوة برفقة يملة((جمله)) المحمل بالحطب وأثناء عبورة من أسفل الوادي لاحظ ربع(ن) من اليماعة معهم ثور يسوق على البير ولكن الثور هذا نشبة لا يتحرك أبد إلا بمزاجة وإلا ما يتحرك أبد ..... فصاحوا على ابويه وقالوا تعال شفلنا حل في هذا الثور .... فقال لهم شبوا نار وجيبو لي محماس فشبوا النار ووضع المحماس عليها لين أحتر تماما ثم ساق الثور للميرة (المجرة مكان يمشي به الثور وتساوي عمق البير ) وعاد الثور لعادته الشينة فأخذ ابوية المحماس وأهبه تحته فنقز الثور إلا وهو على ترابيعة وهكذا كلما برك لسعة بالمحماس حتى إنه صار يسوق على البير لحاله ههههههههه

وبذلك طبق عليه المثل (( ما يقوم لين نشب تحته))

فغفر الله لوالدي ولجميع موتى المسلمين .......وسلامة الجميع

أقول كلا يجهز شبنته وثوارينه وذاما معه ثور فيشتري ثور ونبغى بكره الخميس نسرح قبل يسرح الودود ونعمل لكن ودنا بالشباب يرقدون بدري ولا يقعدون يتسمرون علشان اويطيقون ينقبون المزاوي ويكعمون والصبايا نبغى عبا الخبزة تي قبل شويه وصينية سمنه وعسله واكثروا علشان عمانكم بيجون بوريان والمهندس وسعيد بن شفيا ولادريت هو يشبع والا لاههههههههه ولا أحد يبطي فيعود نجيب سعيد يشب تحته

السلام عليكم
حياكم الله
ماجورين

طيبين يالربع

ولعون والسلامه

كل مكانه والله ما واحد يقوم واقعد هنيه بجنب المهندس .

مساكم الله بالخير جميع .

العلم سلامتكم بساطة في وادينا والله هادينا لامريض ولا عريض الا دايم الستر .
اسعارنا فكلكم على يال السوق امطارنا فنعمة ولله الحمد .

الحلال بخير والعوال بخير .

قعدنا الى اليوم ام سمعنا بالمركاز حبينا زيارتكم والسلام عليكم ونعطيكم علومنا وناخذ منكم علم .

ودنا بعلومكم وعلوم خلايفكم وعسا ما خلاف ؟؟

هذا في قد علومنا وسلامتكم .،،،

الله يحيك يابو فهد وعلمك واما حنا فكذلك من مدة الاتفاق بساطه في ذا المنتدى بخير وعلومنا تنومس وترفع الراس واما من سنع المركاز ذيه فالفضل لله سبحانه ثم للمهندس والله يبيض وجهه ومن يسمع ويقرأ ويشاهد حب يجمعنا على علوم طيبه ونتذكر اياما جميله ليتها تعود ونروي قصص عن ماضي اباءنا واجدادنا ومبرحبابك مليون والله يحيك في مركازنا وانا بالنيابة عن الحضور ارحب بك وكل الحاضرين وليسمح لي المهندس وابو ريان ان قطعت ساقتهم وسبقت بالترحيب لكن ماقصدنا الا السبق بالمعروف والجميل والله يجمل حالنا وحالكم جميع هذا فيما نردبه على علمك وسلامتك وسلامة الجميع

ضباب العدوة ...... يعطيك العافية ..... غير مهمتي أدمس إذا خلصتوا العمل ييت بالمدمسة ..... ولوّق يا ولد لوّق مع الأسناد والمزاوي والزبير هههههه ...... حلوة الله من أيام

ابو فهد ..... سالم وغانم وحياك وعلمك .... وعلومنا كالحال والله يستر الحال وسلامتكم ..... جميع

حياكم الله
حيا الله ابو فهد ومخاوي الصقر
الربع ردوا عليكم بيض الله وجيههم ويا مرحبا
وكثر الله خيركـ يا سعيد على الخبزة ولو اني ما ذقتها لكن بسم الله عليكم
وان شاء الله نزوركـ بالطائف ونحصل نصيب .



الحين المبدّأ الله سبحانه ثم العشــاء
واحد ياخذ مفتاح قلاب ابو ريان ويجيب لنا ذبيحتين ونتعشى
قسم كل مادخلت المركاز اضحكـ , اتصور مصافقة ركب ابو ريان في الطبلون
خاصة ان الديهاتسو ما له كبوت .. يعني الهضاب عندكـ عندكـ
الله لا يحرمنا منه , بوجودة نلقى الكلمة الحلوة والبسمة





خلوها ..
بعطيكم سالفة واحد سافر من الديرة يبغى الرياض
والله مو انا لكن نقلا عنه ,, لا تحملوني مسؤولية السالفة
يقول سافرنا في لوري وكان الاسفلت في الباحة والباقي جلد وقف السائق في منطقة
يقول .. اكتشقت بعدين انها ليّة - نزلوا الركاب تغدوا واشتروا رمان .. اول مرة اشوفه
اكلت واحدة وحطيت واحدة بالشنطة عشان اعطيها اخوي بالطائف
يقول .. نزلوني بقهوة وجاء اخوي اخذني ورحنا البيت وجوا جيرانه على العشاء
قبل العشاء وانا أوشوش له ,, تعال ابغاكـ برّى , عسى خير ؟
يقول وانا اخذه الى الشارع واطلّع الرمانة واعطيه اياها
جبت لكـ هذي ولا ودي يشوفونها , قال وش ؟رمانة !يا اخي عادي .
يقول اثاريهم احتلقوا به في الطائف وانا اشلها من لية
قال اخوه قشرها وكلها ترانا عفناه ولله الحمد





يقول اليوم الثاني العصر وانا اركب مع راعي تاكسي
باروح لنسيبي في الرياض ابغى اسجل عسكري زي ولد عمي
وما رقدت الليل خايف على الشنطة اللي ما فيها الا كوت وسراويل
المهم وصل التاكسي الموقف يقول وانا ادور واحد واعطيه رقم نسيبي
قلت اتصل تكفى , رد ,, قلت انا فلان .. حياك الله وينك ؟ في الرياض بس تعال خذني
طيب وينكـ ؟ قلت عندكم في الرياض ! يا اخي وين من الرياض ؟ عند المسجد !!
قال وانا اعطي الرجال اللي معي التلفون , وصف له وجاء على الساعة واحدة ظهر وفي عز الصيف
رحنا البيت واثاريهم مسوين غداء كبسة حاشي وانا ما اعرف الحاشي قبلها
يقول بي جوع خُلف , المهم قلّطوا الغداء وانا اشوف هذا الهبر يفتح النفس
وانا اخذ اول لقمة وكنّي اكبرتها , الوكها الوكها , انقلها يمين اقلبها يسار !
قال مافيه فائدة عيت لا تسنع ! المصيبة هم قسموا الشف وانا اقلبها شمال يمين ورشحي يقطر
يقول حسيت انهم بدوا يطالعون فيه .. لا هي لي اطلعها وخائف ما تنزل
بس من كثر الاحراج والله ما لي الا انكسها وعلى الله يا حياة يا موت
المهم يقول فيه سجادة في طرف الصالة وعرفت اتجاه القبلة
قال فالف جهة القبلة واتشهد ام اقُل بها الي دويفها تقول حذفة في غدير
يقول الحقتها كاسة ماء اما اكثر في الخير واقوم
والله يا الرز من جهتي انه مثل ما هو




يقول الصباح اخذني نسيبي الوزارة وسجلني
بعدها وصلني الموقف واعطاني الاجار وقال تعال بعد شهر
سلم على عماني ,, قلت طيّب !






الحقيقة السالفة اطول من كذا
وفيها فكاهة عجيبة بس ما ودي اطول عليكم
يجوز انه بالغ فيها ولكن منها نرى كيف كانت الحياة صعبة
ومع هذا كانت الانفس حلوة , كان اللي يجي من الديرة للمدينة
ما يستأجر يروح لاقرب الناس حتى لو كان مجرد واحد من الجماعة
ولا هناكـ تضايق ولا تكاليف وايضا كيف كان التسجيل سهل
والفرص الوظيفية متوفرة على قد الشباب

اليوم الحيااااة صعبة والقلوب تغيرت كثيرا
ومع كثرة النعم الا ان الواحد صار يتضايق حتى من اولاده
وما يصدق يروحون الضيوف على شان يرتاح
مو مشكلة اكل وشرب ,, مشكلة نفس وقلب
مدري العيب فينا والا في الحياة !


باذن الله ساسرد قصص حدثت معي !
الا على فكرة من ذا فيكم يقدر يعطينا قصيدة
من رزف الاولين ونكسيه



.

أقول خلها على الله قسم بالله ما أنسى هذاك اليوم بالقلاب
هيّا كيف لك إن معي خروف في الصندوق كان طلع حنيذ جاهز
..
أمّا الحكاية الأخيرة فحرام إني فطست ضحك على راعيها الله يسعد أيامه وين ما كان وأنت وكل الحضور ..
من جد مواقف صعبة قابلته وزين ما غص بس
..
طيّب خذ هذي على السريع قبل قصائد الأولين ..
واحد من مكان ما الله يستر عليه نزل أبوه للبير عشان يشغل ( ماطور العبيري ) حق الماء وده يسقي الزرع ..
المهم أمه موجوده فوق وتكلم الأب تحت وتقول وشبك يا أبو ..... أبطيت
قال الظاهر البوجي حق الماطور عطلان قالت وش الحل ..
قال رح يا ولد جب لنا بوجي من المحل وبسرعة ( المسافة ممكن نص كيلو )
أخذ فلوس من أمه الولد وراح ووقت وصل لقي المحل مقفل فمر على محل فاكهة وخذ كيلو يوسف وارجع
ياكله على مهلة لين وصل للبير وأبوه تحت مع الماطور
أمه لاحظته وقالت لأبوه ما لقي الولد شئ قال طلعيني وطلع وسأل الولد ويشوفه ياكل اليوسف قال مقفل
قال يعني طول اليوم تحت وأنت ولا همك وتشتري بالفلوس يوسف ( الضغط مرتفع خِلقه )
ام اضربه في ( قُف البير ) إلى إن راح مفعول اليوسف

هههههههههههه
ههههههه
ههههه آه يابطني يالمهندس وأتوقع إنها صحيحة 100%

شرحك سرا يابو ريان ..... شبعت ما عاد أبغى عشى

ابو ريان ما كن محل البواجي قريب من بيتكم ههههههههه؟

أنا ماني بشاعر ولا أعرف أقصد لكن أحفظ هالقصيدة من 30 سنة تقريبا سمعتها مع ابويه الله يرحمه وأموات المسلمين

يقول الشاعر محمد سعد الرافعي الله يرحمة وكانت محاورة بينه وبين شاعر آخر الله أعلم منهو ؟ مدري ؟

الموال :

حاااااااااااااااااسب ترا قبلك جنود(ن) وزحمات
وأأأأأأأأأأأأأأأأأنتَ غشيم وفي دروبك ملفات
خاااااااااااااااال السياقه لأهل فن القيادة
إللي لهم وقت(ن) طويل يسوقوووووووووووووووووون

الزوعة :

منت سواق دباب ولا سيكل ....... كيف تقوى ترلات(ن) وطيارة

الرد من نفس الشاعر:

الموال:

أأأأأأأأأأأأبليس عني من زمان(ن) نزح مات
مااااااااااعاد له من حول قلبي ملفات
مااااااااااجبور أنا أوجب عليه القيادة
من طاوع الشيطان من دون من دوووووووووووووووون

الزوعة:
ماعلينا من الشاصين والهيكل ..........والمكينة على القفزان طيارة

88

بو سيف .. نجم المركاز .. لا عدمناكـ
يعني عرفت الرجـــال ههههههههه
!
!
!

عشان ما اغثكم بسوالفي وتملون
خذوا فاصل , خلوني اشغل لكم التلفزيون شوي
تفضـلـــوا شــاهدوا .. هنــــا .. متابعة وليلة سعيدة

وبعدها نعود لعلوم الديرة

.

مبدعين بحق وعلومكم غانمه
سأكون متابعه لكم ..تقديري للجميع..

.*.


جِئتُ أُحييِّ عمالِقة بَنِي عَمرو
سـ أبقى هُنَا لـِ النَهْلِ مِن سَلْسَبِيلِ قصصَكُم
سـ أبقى لـ الإنصات لأرواح يملئُها الصفاءَ إِمتَاعاً
فــ فحيَّا بِكَم .. حيَّا يَامَطَر




كل التقدير يـ ساده

,,

أوووف عسى الله يهب لكم حظ رعيان روايا ..

هيا هاكم:


في أحد الأيام المشرقة كنت انا وأخي نلهو في اليرين (اليرين: فناء المنزل لغير الناطقين) وبينما نحن نحتثي أشار الرادار لوجود بس(ن) تحت باب(ن) موانز على اليدار فأعود أشر لخويه قلت عد حده من ياله وأنا من اليالة الثانية ونزمه وبساس الديرة منهو ذا ويزمها وكنا صغار حينيد .. المهم عدا حده الريال وهاشه ليتي فني اجبضه مع رقبته (الجبض من القبض و هو الامساك بقوه , يقول: والله ان جبضتك لأهب مسامعي ومسامعك أربع*) ما علينا المهم.. أخذنا البس ذيه وتعيينا مذا نعبا به وقد قالت لنا ومي عانو ذا يمسك بس ما عاد ويقعد في راسه شعره تعني انها من اسباب امراض الثعلبه قلنا محلوله ما لنا الا .. الا .. الا .. (غسالة الملابس ) وندلقها فيها والله ان يطلع يلق ولا امراض ولا حي ويقول لنا حرف .. اشتليناه ام نسير ندلقه ونعنك عليه الغسالة بلا ماء بلا صابون وهاتك يا فرم .. يمين .. يسار .. يمين .. يسار .. إلا ون بويه يصيح ألحقو الصلاه فنصك الباب عليه ونفلح.. خلص الموقت ووقفت الغساله وخري البس يتداوخ ما يبصر ضعيف والا هو يرى بس قبله في المرايه فأنفربه أم أقبع المرايه أم سط بالحمام و أنتو بكرامة .. فتحو الباب الا يا شين المنظر وبدأت التحقيقات .. قام كلن منا بلحس اصبعه ووتمريرها على رقبته إشارة بأنه قطعا لم يكن الفاعل وقيدت القضية ضد مجهول..

على فكرة يقول أحد الدكاترة:"القطة مهما اعطيت من اهتمام ورعاية وتطعيمات فإن احتمالية وجود طفيل التكسوبلازما واردة حتى ولو كانت بأفضل حالاتها بالنظافة" وهو طفيل معدي للانسان.. استفيدو

أما من سوالف المسيد:

فكان فيه يماعة حولنا وتقدم واحد منهم يصلي بهم فاإلحج الفاتحة(أي أكملها) ثم قرا (أ ل م )ثم عادها ثم عادها ثم عادها ثم عادها ثم عادها ثم عادها ثم عادها ثم عادها ثم عادها ثم عادها ثم عادها ثم عادها ثم عادها ثم عادها .. ما حي(ن) رده.. عود قرا سورة طارفة ويوم ايح من الصلاة قال مالكم ما رديتوني في الصلاة وبعضكم يامعي ومتعلم .. فقال واحد منهم :..













أم اينهي يا علي تي قصدك ؟؟؟؟؟.. فإن أ ل م أملا محفرة في القران !!!!!..

أستغفر الله و أتوب إليه .. يقصد ان السور التي تبدأ ب أ لم كثيرة في القرآن ..

طيب وش هي السور التي تبدأ ب ألم في القرآن الكريم:

"ست سور تبدأ بـ (الم) : البقرة - آل عمران – العنكبوت – الروم – لقمان - السجدة. ".. استفيدو

الله يغفر لنا ولكم ولهم الذنب ..

وتوته توته .. انتهت الحتاحيت.. ونعدي نرقد

مشكور يا بش مهندس على الموضوع التحيف.

واحد من الجماعه قبل اكثر من اربعين سنه
يقول اعطوني العوال من البيت (النزيع)اوديه للرعيان في البداوه النزيع عباره عن كل مايحتاجونه من طحين وقاز وكباريت ولحف
إذا كان ناقصهم شي وما شابه يقول شدتهاومي على الحمار(الله يكرمكم واهبو معي عكة سمن بقر
على اسا اجيب من البداوة عكة سمن غنم قال إم تعالي ياومي فأعطيني قارورة قاز قالت خلها بيدك خوف لاتنتثر على الطحين ولا على الفرش والقاز له ريحة
ماتروح لو تغسل بغديرن كامل يقول فضحهم ربي واعطوني معها ثلاثة كباريت يقول ومي خيّطت جيب للثوب في ذاك اليوم خصيص
للكباريت قال وانا باقي صغير قال وانا اسمي بالله الين ذلفت من مشارف القريه جهة البداوه قال وكل
مالقيت يبرة ولاعثربة يابسه صبيت عليها شوية قاز وولعت فيها وقعت اتلفت الين تطفى (راعي طويله)الله ربنا وربه
قال ومالكم بطول السالفه وصلت عند العوال في البداوه حوالى صلاة العشاء ويوم وصلت المكان اللي
كانو فيه الى بالحرام مافيه الا مكانهم قد شدو قال وليل وسبر ومطر والى وني اصفق بيديه قال
قعدت ادول لهم من جبل في وداي ومن وادي في جبل طول الليل يقول واطالع في قارورة القاز إلا ماعاد فيها الا
ربعها قال وانا امتليها من غدير عندي واحطها في (الخرج) على الحمار الله يكرمكم ومع المطر والبرد عاد ريحتي انا
والحمار واللحف اللي معي كلنا
قاز يقول قعدت الين يمكن الساعة 12 من الليل يعني كارثه صاحي الين 12 وبالعاده يصلي العشاء وهو نايم ادول لهم
يقول معي كيس نوم كانو يستخدمونه الشيبان يدخل الواحد فيه ام يربط على نفسه من جوا
يقول قلت ماعاد يبغى لها اولاً تعبت ثانياً ميس منهم ماعاد بيلقاهم قال وانا اخذ كيس النوم إم اني اعدي في
محفر سيل تحت عرعره يقول طابلي المكان بطحى يقول قلت في نفسي ماعاد ابلقى احلى من المكان ذيه
قال واربط الحمار بالعرعره ام اني اخذ عكة السمن وأصك بها تحت راسي مخده وادخل في الكيس واتكل على الله ارقد يقول ولا صحيت الا
ارهي حوالي الظهر من قوة التعب ومن ليلن جاه ومعاناة مع الحمار خصوصاً يو مر من الوادي الممطور
يقول عيى الحمار(الله يكرمكم) لايمضي المهم يوم صحي يقول وافتح الكيس الا حرام يالعكه حقى
السمن إنها كلها ذر ونمل ومامن حشرة تجمعت عليها يقول اثرني طول ليلي اداحنها براسي الين
فكيتها يقول لاعاد همني ذلحين الا من العوال بيمتحنوني عليها المهم يقول يوم طلعت من الحفرة
اللي كنت فيها الى والله اني اشوف الرعيان بالجبال كني ماعت باموت يقول وبي حسرة ماقد مرت عليه في حياتي المهم يقول وامشي
الين لقيت رعيان ماعرفتهم فني اسالهم ماشفتو ناس حلو عندكم ولا قريب منكم قالو من تبغى قال ابغى ال فلان قالو حلو في الشعب
الفلاني وبينه وبين الشعب ذا ولو اربع ساعات مشي
المهم يقول ماوصلت عندهم وباقي فيه خير ولا وصلت عندهم ومعي من
اللي ارسلوني به غير الطحين وكله قازولا قارورة القاز اللي ثلاثه ارباعها مويه وكيس النوم حق جدي وهو الخسارة العضمى
اللي ضربوني على شانه هم وعكة السمن الين ماعادت قدرت امد ولا ارد ولا العكة اللي ربعها بطحى والربع الثاني
سمن والربعين الباقيه نمل لا زلت احتفظ فيها يقول فكرت انطلبها لكن عارف إنهم مابينسونها ولو بعد حين وهذا اللي جبرني اجيبها بحالتها الراهنه

يقول فكرك انهم خلوني اجلس معهم ارتاح لو يوم ولا شي لا يقول شدو الحمار واعطوني عكة سمن غنم ورجعوني مع دربي ويقلون لايايي اخر السبوع الا وانت هنيه بطحين عادتاً يقول انزل النزيع لهم كل شهر شهرين مره لكني اخربت كل شي

وسلامتكم