ياموزع النعم خل النعم لاصحابه !!!

بسم الله الرحمن الرحيم


حبيت انقل لكم هذه القصيده وهي للشاعر العملاق / رشيد الزلامي


وهي عن كلمة نــــــــــــــــــعم التي اصبحت كلمه دارجه لدى الجميع ونستطيع ان نطلق عليها مسمى عاده اي انها اصبحت عاده عندما يقال هذا فلان يقال له ونعم سوا كان هذا الشخص يستحق ام لا

يا موزع النعم خل النعم لاصحابـه = ما ينعطي غيـر للـي يستحقونـه
يستاهل النعم رجـل فاتـح بابـه = للضيف والي حداهم حال يلقونـه
اللي بوقت اللزوم تشوف مضرابه = سيف تحـده لزومـه مايحدونـه
ولد الردي لاتقول ونعم يضرابـه = يرهي على نعم وهوه طايح دونـه
ان قلت له نعم راح يفتل اشنابـه = يحسبك صادق مايدر النعم وشلونه
يطمع بشي يموت الخبل ما جابـه = ثم قال انا جبت نعم الي يقولونـه
بعض العرب يحلمون احلام كذابـه = ومن لاعرف قدر نفسه عد طبلونه
يجيك مسرع مايدري ويش يبلابه = من قلت العرف مايمشي على هونه
اما على الاقربين اشتـال مشعابـه= والا بعرض المقفى سـل مسنونـه
تناول الغافليـن وكثـروا احزابـه = الي علـى قلـة الشيمـه يدفونـه
واهل العقول اسكتوا ماقالوا الجابه = لاينقصونـه بشـي ولا يزيدونـه
قالوا هذا فيـه عاهـه وبتلشنابـه = والا هـذا فيـه شـي مايعرفونـه
اما عرضله بليس وكثرت اسبابـه = والا عطا لـه خريمـه مايردونـه

بعض العرب يحلمون احلام كذابه
.. ....ومن لاعرف قدر نفسه عد طبلونه

يعطيك العافيه فارس بني عمرو
ورشيد الزلامي شاعر كبير وقدير
شكراً لك ولاهنت

المسكت

حضورك المستمر في مواضيعي

محل التقدير والأحترام

اسعدني وشرفني مرورك الكريم