تدري وش اللي يتعب البنت

ارجو ان تنال هذه القصيده إعجابكم
تدري وش اللي يتعب البنت يا(( ))...؟!!!
رجـلٍ يخـون اشواقـهـا و الـمـودة
إللي إلا احتـاج الغـلا صـار نمـرود
وليـا شبـع ممـا عـطـاه إسـتـرده
البنت ريحانة غـلا ... ناعمـة عـود
تبـي لهـا رجـلٍ ورث طيـب جــده
رجلٍ فعولـة كلهـا جـود فـي جـود
مـا يلتفـت للـي كفوفـه تمـده ...!!
رجـلٍ إلا جـتـه الليـالـي بمنـقـود
يتكـى لهـا مـا بيـح الوقـت سـده
مهوب خبلٍ مـا رعـى للهوى عهـود
وادنـاة مـا عـارض طريقـه يــرده
ولاهوب لاعلـة ... ولاهـوب ملهـود
ولا شكـوك ... و كـلٍ طـارئٍ يحـده
ما اشين من الرجـال لا جـاك ببـرود
وإن قال له تـرف القـدم شـي صـده
تبـي لهـا بـراق طيـبٍ لـه رعـود
إن اجدبـت يمطـر علـى ريـف خـده
وإن نادته تكفـى لقـت عنـده الفـود
يشيـل عزتهـا علـى قــو زنــده
كفه نفل ... وانفاس صدره لهـا عـود
وظلالـه الضـافـي بيـدهـا تـمـده
البنت خد ... وقـد ... ونواظـرٍ سـود
وريحة غلاً ... ياسعد مـن شـم نـده
البنـت إلا ضحكـت ثمرهـا لـك ورود
يا سعـود مـن يقطـف نواويـر وردة
واللي يهين البنت ناقـص ... ومقـرود
فرس غـلا ... ماهـي حمـارة مكـدة


أنـ شآء الله تعجبكم مثل ماعجبتني
((منقول))

ابو رائد الجنوبي

حلوه بس آخر بيت حرقها
..............
يعطيك العافيه ابو رائد

يعطيك العافية ..

وصادق اخوي كابتينيو اخر بيت شهوة القصيدة

الاخ كبتن والاخ اسماعيل الكويتي حتى لو احترق البيت الاخير تظل القصيده روعه
شكراً لمروركم الكريم

البنت خد ... وقـد ... ونواظـرٍ سـود
وريحة غلاً ... ياسعد مـن شـم نـده
البنـت إلا ضحكـت ثمرهـا لـك ورود
يا سعـود مـن يقطـف نواويـر وردة

صحت يمناك يا ابو رائد الجنوبي ونقلك الرائع ..
دمت بخير وتقبل مروري ..

الاخ يوسف مرورك شرف لنا جزاك الله خير

الله يعطيك العافيه اخوي ياليت كل الرجال مثلك تقبل مروري

شكراً جنان على المرور

ابو رائد .
هلا وغلا فيك
صح لسانك ولا هان منطوقك.

أنا أرى أن البيت الأخير هو مربط الفرس ,, وكل القصيدة تدور حتى تتجه للنتيجة الأخيرة ,, وهي أن البنت لابد أن تكرم وتعز وتعامل معاملة الفرس الأصيلة ,, لا معاملة الإهانة والإذلال كالحمير الحاملة للأمتعة والجارة للعربات ,,

تقبلني بمتصفحك الكريم,, ولك مني كل الشكر والتقدير

قسم انها فلته من فلايت القصيد
يسلمووووووووووووووووووووووو